Беҙҙең проекттар

14.06.2018

Тирмәләр ҡаласығы-милли бизнес өлгөһө. Эшҡыуарҙар Айгөл Иҙелбаева, буҙа менән сауҙа итеүсе Илдус  Йомағужин һәм милли күлдәктәр тегеүсе, модельер-дизайнер Гөлфиә Хамматова- "Асыҡ студия" ҡунаҡтары. Тапшырыуҙы Гүзәл Ситдиҡова алып бара. 

 

Таңсулпан Ғарипова
13.06.2018

      Рәсүл Сәғитов:

      – Нәфис әҙәбиәтте ысынлап та әҙерәк уҡыйбыҙмы хәҙер? Ысынлап та. Һәр хәлдә үткән быуаттың етмешенсе-һикһәненсе йылдары менән сағыштырғанда – шулай. Бер мәғлүмәткә юлыҡтым: иң күп уҡыған ил тип Һиндостан күрһәтелгәйне – аҙнаға 11 сәғәткә яҡын. Артабан Таиланд һәм Ҡытай килә. Рәсәй – етенсе урында. Ни өсөн? Донъялар үҙгәрҙе – китапҡа ихтыяж кәмене. Заман технологияларына ҡаршылыҡ юҡ, әммә, мәҫәлән, студенттың, семинарға әҙерләнгәндә, Интернетҡа инә килеп, күсерә һалыу күренеше, бар һәм – еңел килгән еңел китә лә. Әҙәби әҫәрҙе табыуҙы ябайлаштырҙы был, әммә, беренсенән, электрон форматтағы тексты әҙәм мейеһе хөртөрәк ҡабул итә, тип тә раҫлана, икенсенән, элекке хәл – эҙләп алыу бәҫен дә күтәрә ине һымаҡ. Нисек булһа ла уҡыу – һәйбәт, әлбиттә, файҙаһын өҫтәмә белдереп тор...

08.06.2018

  2016 йылда Бөтә Рәсәй ауыл хужалығы иҫәбен алыу үтте. Ул һуңғы йылдарҙағы иң ҙур статистик күҙәтеүҙәрҙең береһе.

Бөтә Рәсәй ауыл хужалығын иҫәпкә алыу: һандар һәм һөҙөмтәләр, көтөлгәндәр һәм ысынбарлыҡ. 

Иҡтисад фәндәре докторы Зифҡәт Сәйетғәлиев менән Зөһрә Арсаева әңгәмәләшә.

 

 

Сибәғәт Рахманғолов, Әхтәр Боҫҡонов
07.06.2018

      Рәсүл Сәғитов:

      – Бөгөн Рәсәйҙә – ҙур ижтимағи-сәйәси көн һәм бында һүҙ президент Путин менән барған, ошо минуттарҙа ла дауам иткән «тура элемтә» тураһында бара. Телевидение, радио каналдары, Интернет  аша тапшырыла ул, күп кеше һорау менән мөрәжәғәт итә.

      Ғәҙәти, йыл да ҡабатланған сара был. Путин ҡатнашлығында – 2001 йылдан башлап, быйыл 16-сы тапҡыр, уҙғарылды: ун бере – президент, дүрте – премьер-министр булараҡ. Былтыр 15 июндә үткәрелгәнен иҫләйбеҙ. Башта ҡыш ойошторолдо, артабан йылыраҡ миҙгелгә күсерелде, сөнки һорауҙарҙың урам-майҙандарҙан да бирелеүе мөһим. Ә былтыр-быйыл июнгә ҡалдырылды.

      2014 йылда Ҡырымдың Рәсәйгә ҡушылыуы үҙәктә булды, 2015-тә – санкциялар, Көнбайыш менән ҡапма-ҡаршылыҡ, 2016-ла эске сәйәсәт һәм иҡтисад мәсьәләләре ө...

06.06.2018

Республика тире-венерология диспансерының бүлек етәксеһе, Башҡортостандың атҡаҙанған табибы Флүрә Төхфәтуллина менән венерик сирҙәр тураһында әңгәмә. 

Лариса Абдуллина, Марсель Сәлимов, Айгөл Йәмилева
04.06.2018

      Рәсүл Сәғитов:

      – Әҙәбиәт булыр бөгөн үҙәктә. Сөнки кәмендә ике һәйбәт мәғлүмәти нигеҙ бар: беренсенән, кисә генә Мәскәүҙә ҙур йәрминкә тамамланды, унда, йылдағыса, «Китап» нәшриәте лә ҡатнашты, директоры Илһәм Йәндәүләтов белдереүенсә, беҙҙең баҫмалар менән  ҡыҙыҡһыныу был юлы ла көслө булған; икенсенән, Сочиҙа «ЛиФФт” Евразия әҙәби фестивале тамамланды. 27 ил вәкиле ҡатнашты унда һәм араларында Башҡортостан вәкилдәре лә булып ҡына ҡалманы, төрлө шөһрәт билдәләре менән бүләкләнде лә.

      «Асыҡ студия»ла ошо, икенсе, сараның уртаһында ҡайнаған шағирә Лариса Абдуллина менән шағир Марсель Сәлимовты, йәнә лә йәш әҙибә Айгөл Йәмилеваны сәләмләйбеҙ.

 

01.06.2018

Массаж оҫтаһы, мануал терапевт, остеопат, табип-андролог Альберт Буранғолов менән Гүзәл Ситдиҡова әңгәмә ҡора. 

 

Альберт Буранғолов: Остеохондрозды ла дауалап була. Шәкәр сиренән дә кешеләрҙе аяҡҡа баҫтырабыҙ. Массаждың ғына 26 төрөн эшләйбеҙ. Биорезонанс диагоностика, йәғни днк кимәлендә даулалау һәм тикшереүҙәр алып барабыҙ. Иң мөһиме, бер дауалау ҙа тота килеп кенә тәғәйенләнмәй, алдан ҡорамалдар менән, шунан бармаҡтар ярҙамында ҡапшап ҡарап, диагноз ҡуйғас ҡына даулалауҙы башлайбыҙ. Һәм ул комплекслы дауалау. 

 

Эфирҙа юғары медицина белеме булған, бер нисә медицина уҡыу йортон тамамлаған, донъя кимәлендә курстар үткән табип. Тулы тапшырыу ошонда: 

31.05.2018

      Рәсүл Сәғитов:

      – Күҙебеҙ ҙә, һүҙебеҙ ҙә бөгөн ауылға төбәлер – унда иң мөһим осорҙарҙың береһе – яҙғы баҫыу эштәре бара. Нисек уҙғаны ҡыҙыҡһындыра, сөнки һауа шарттарын ыңғай тип булмай һәм йөрәгендә ил, ер тойғоһо барҙар борсолмай ҙа түгел. Иҡтисади йәһәттән ныҡ алға сығырға ынтылған Рәсәйҙең донъяла иң ҙур биләмәле булыуы ауыл хужалығын үҫтереү мөмкинлеген биреп кенә ҡалмай, ошо бурысты һала ла бит. Тармаҡта етештерелгәнде ситтән нефткә алмаштырып алып та булыр ине, әлбиттә, әммә бының дөрөҫ түгеллеген һуңғы йылдар сағыу күрһәтте.

      Киңлек теүәллек булмаһа ла барғанлыҡты аңлатмай – аныҡ фаразлау, баҙар кәйефен алдан һиҙеү, әҙерәк сығымдан күберәк сығыш алыу был өлкәлә лә көнүҙәк хәҙер, сөнки былтырғы мул уңыш әллә ни мул ҡаҙнаға килтерә алманы. Шуға күрә һуңғы арала «ма...

30.05.2018

V сирек башлана. 

Өфө ҡала хакимиәтенең йәмәғәт именлеген һаҡлау үҙәге белгесе Әлмирә Исхаҡова һәм республика йәштәр социаль-психологик, мәғлүмәти-методик  үҙәгенең йәш ғаиләләр менән эшләү бүлеге мөдире Ғәлиә Сәлихова менән Зөһрә Арсаева осрашты. 

 

Рөстәм Рәмов
29.05.2018

      Рәсүл Сәғитов:

      – Берҙәм дәүләт имтихандары атлай ил буйлап. Индерелгәндәренән ана ни саҡлы ғүмер уҙһа – тотош быуын үҫеп килһә лә, тулҡынландырған осор булып ҡала әле ул. Күпкә алдан башланған әҙерлекте алғанда – тотош дәүер ҙә. 

      Бер юлы сығарылыш та, ҡабул итеү ҙә һынауы булған был эшкә  дәғүәләр хәҙер бермә-бер кәмене, сөнки үҙе камиллашты: тест рәүеше бөттө тиерлек –математика буйынса имтиханды алғанда, мәҫәлән, ул ғәҙәти контроль эшкә яҡынлашты. Ҙур ыңғайлыҡ – тап беҙгә, төбәктәргә: үҙәк ҡалаларға уҡырға инеү еңелләште. Йәғни, ни хәтлем генә ҡаршылыҡ белдерелмәһен, файҙаһы ишлерәк. Һәм тап мәғарифҡа талап көсәйеүе йәмғиәттә тәрбиәүи әһәмиәткә лә эйә – ауыр яуланған ҡәҙерлерәк була.

      Бөгөнгө "Асыҡ студия"ла Мәғлүмәт эшкәртеү буйынса төбәк үҙәге дир...

28.05.2018

Рәсәй Дәүләт Думаһы депутаты Зариф Байғусҡаров менән яңы закондар хаҡында Гүзәл Ситдиҡова әңгәмә ҡора. 

 

-Рәсәй почтаһы.Үҙгәрештәр көтөлә.

-Киң функциялы үҙәк. Проблема ҡайҙа йәшеренгән?

-Дача амнистияһы. Ауылда теркәлмәгән ерҙәрҙе нимә көтә? 

Һәм башҡа закон проекттары, закондар:

 

 

Гүзәлиә Әсәҙуллина, Миләүшә Мырҙағәлина
25.05.2018

      Рәсүл Сәғитов:

      – Һүҙ үҙәгендә бөгөн ғаилә булыр. Сөнки республикала шул исемле йыл бара, төрлө саралар үткәрелә – ваҡытында һөйләй барырға лә кәрәк. Сөнки заман менән бергә күренештәр ҙә үҙгәрә – йәш быуын мәсьәләгә икенсерәк ҡарай һәм быны тыйып та булмай. Сөнки демография – ҡырҡыу, яҡшыртырға ла яҡшыртырға әле. Юғиһә эшләгәндәр әҙәйә – Рәсәйҙә 2020 йылда уҡ 79 миллионлыҡ эшләгән кешегә 36 миллион пенсионер тура килеүе көтөлә. Пенсия йәшен күтәрергә була, әлбиттә, һәм бөгөн, Петербург иҡтисад форумында, вице-премьер Татьяна Голикова 2019 йылдан өлөшләтә тормошҡа аша башларын да белдерҙе, әммә проблеманы был ғына тулы хәл ҡылмаҫ.

      Нишләргә? Дөйөм ошо һорауҙы Башҡорт дәүләт университеты доценты, фәлсәфә фәндәре кандидаты Гүзәлиә Әсәҙуллина менән Ғаилә, хе...

24.05.2018

Эшҡыуарҙар аҙналығы. Питер форумы. "Рәсәй терәге" эшҡыуарҙарға ярҙам күрһәтеү ойошмаһының яңы рәйесе Ләйсән Николаева менән әңгәмә. 

23.05.2018

Рәсәй Дәүләт Думаһы көнбайыштың яңы санкцияларына яуап бирҙе. Депутаттар һуңғы уҡыуҙа контрсанкциялар тураһында закон ҡабул итте.

  Донъя һәм ил иҡтисадында ниндәй күренештәр көтөлә? Ошо һәм башҡа һорауҙарға яуап эҙләрбеҙ.

Беҙҙә ҡунаҡта Халыҡ-ара иҡтисад һәм хоҡуҡ институтының Башҡортостан филиалы етәксеһе, ауыл хужалығы фәндәре докторы, профессор, Рәсәй юристар берлеге ағзаһы Ғарифулла Яппаров

Уның менән Зөһрә Арсаева әңгәмәләшә. 

 

 

 

Бөрйән
22.05.2018

      Рәсүл Сәғитов:

      – Үҫмер сағымда әле Өфөнән бер төркөм әҙиптәр килеп төшкәнен – йөрәгемә яҡын әҙәбиәт дәрестәрендә ололап өйрәнелгән, тәбиғәтемдән һалынғанға буйһоноп, әҫәрҙәрен үҙем программанан тыш та ҡалдырмай уҡыған яҙыусы һәм шағирҙар менән ҡырҙаныраҡ булһа ла осрашыуымды, Рәшит ағай Солтангәрәйевтың күҙ алдымда һыбай йөрөгәнен яман тамаша ҡылғаным хәтеремдән мәңге юйылмаҫтыр. Заманы шулай инеме, әҙәби һүҙгә шул ваҡытта уҡ сикһеҙ һөйөүемме тәрән сүкене…

      Бөгөн дә – ҡана ла һуң, тип уйланым ошо көндәрҙә –Башҡортостан Яҙыусылар союзы етәкселәре, ағзалары – ижадташтарым, әҙәбиәткә йәнен-тәнен йәлләмәгән ватандаштарым, йәш быуынға нәфис һүҙ орлоғо һалырға, һалынғанын бүрттерергә, емеш бирер хәлгә еткерергә теләгән дуҫтарым менән Бөрйәндә йөрөгәнемдә. Мәктәптәрҙә, ялтырауыҡһыҙ, кәрәкм...

18.05.2018

Алтаҡталарҙа хата күрһәгеҙ, нимә эшләйһегеҙ? Был турала асыҡтан-асыҡ әйтәһегеҙме, әллә өндәшмәй генә уҙып китәһегеҙме? Ни өсөн беҙ хаталы яҙабыҙ? Кем яуап тоторға тейеш?  Бөгөн ошо турала фекер алышабыҙ.

 

 

17.05.2018

Башҡортостандың Метрология, стандартлаштырыу һәм һынауҙар үҙәге белгестәре: инженер-метрологтар менән уларҙың һөнәри байрамдары алдынан әңгәмә ҡорабыҙ. 

Газ, һыу, электр иҫәпләү ҡоролмалары менән нисек алданыуыбыҙ мөмкин? Иҫәпләү ҡоролмаһын тикшерергә ваҡыт еткән икән, ҡайҙа мөрәжәғәт итергә? 

Эфирҙа: Гүзәл Ситдиҡова.

Әхтәр Боҫҡонов
16.05.2018

      Рәсүл Сәғитов:

      – Оло сәйәсәт тураһында һөйләшмәк бөгөн ниәт. Кешеләр мөнәсәбәттәрендәге бик ҡатмарлы өлкә был һәм үҙенә йыш мөрәжәғәт, даими аңлау-аңлатыу, ҡыҫҡаһы, иғтибар талап итә. Йәмғиәттең диҡҡәте, ә киң мәғлүмәт сараһы – уның күҙе лә, сәйәси күренештәр өҫтөнән билдәле бер күҙәтке лә булып тора. Илдә президент вазифаға ингән, ә был, төп закон ҡушыуынса, хөкүмәттең яңыртылыуын да эйәрткән, һуңғы осор ошо яҡтан ифрат мөһим – сәйәсәт белгесе Әхтәр Боҫҡоновҡа һорауҙарыбыҙҙы шунан башланыҡ та.

15.05.2018

Ауыр хәлдә ҡалған балалар, ғаилә өсөн ышаныс телефоны эшләй. Был хаҡта белә инегеҙме? Ул нисек эшләй? Башҡортостандың Ғаилә, хеҙмәт һәм халыҡты социаль яҡлау министрлығының  "Ғаилә" ресурс үҙәге белгесе Роза Ихсанова менән әңгәмә.

Фәнил Фәйзуллин
14.05.2018

      Рәсүл Сәғитов:

      – Сәйәсәттә асыҡлыҡ кәрәкме? Әлбиттә! Ҡайҙа барғаның аныҡ билдәле булғанда унда еңелерәк етелә. Бормаланыу, үҙ ағыш менән барыу йылғаға ғына килешә, ләкин ул да төбәлгән урынын яҡшы белә – тау-ҡаяларҙы урап үтә генә. Рәсәй президентының алдағы алты йылдағы үҫеш буйынса указы ошо йәһәттән бик ваҡытлы һәм был көндәрҙә уның буйынса фекер алышыу ҡыҙыу. Алдағы ярты сәғәт эсендә «2024 йылға тиклем осорға Рәсәй Федерацияһы үҫешенең милли маҡсаттары һәм стратегик бурыстары тураһында» тип аталған ошо документ буйынса беҙ ҙә ентекле фекер алышырбыҙ, ә әлегә – инеш һүҙ.

      Фарманға 7 майҙа, инаугурация көнөндә, ҡул ҡуйылғаны мәғлүм һәм бында төп маҡсат тип кешенең йәшәү кимәлен ныҡлап күтәреү билдәләнә. Ә нисек һуң күтәрергә? Иҡтисадты алға ебәреп. Ләкин ул былтыр бе...

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

көндөҙ 17..19°C
кис 19..21°C
төндә 15..17°C
иртән 15..17°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.