Беҙҙең проекттар

28.04.2017

Билдәле булыуынса, 1992 – 2000 йылдарҙа Рәсәйҙә прогрессив һалым системһы эшләп килде. Кеше килеменә ҡарап 13-тән 35 процентҡа тиклем һалым түләне. 2001 йылда яңы Һалым Кодексына ярашлы 13 процентлы тиң һалым системаһы булдырылды. Бөгөн олигархтар ҙа, ярлылар ҙа ошо тигеҙ һалым түләп килә. Дәүләт етәкселәре был система менән ғорурланыуҙарын йәшермәй. Һуңғы ваҡытта йәмғиәттә прогрессив һалым системаһын булдырыу тураһында һүҙ ҡуйыртыла: кемдер быға ҡәтғи ҡаршы, кемдер – ҡуш-ҡуллап риза. Беҙҙең бөгөнгө һөйләшеү ошо турала.

Тимерғәле Килмөхәмәтов
27.04.2017

      Рәсүл Сәғитов:

      - Алты көн тоташ яҙ. Күңелдәрҙә булһа ла аяҙ яҙ. Аҙна дауамында тиерлек Өфөлә, төрлө сәхнәләрҙә, тиҫтә ярым спектакль ҡуйылды. "Театр яҙы" фестивале тураһында һүҙ. Был хаҡта инде үткән заманда һөйләйбеҙ һәм ул, фекер алышыу, бик кәрәк тә, тигән ныҡлы уйҙабыҙ, сөнки спектаклдәрҙе ҡарау, коллективтарҙың, айырым оҫталарҙың ниндәйҙер урындар, приздар алыуы - бер нәмә, һәйбәт нәмә, ләкин эш бының менән генә бөтмәҫкә тейеш, һығымта яһау, йомғаҡлау, анализ, тәнҡит кәрәк. "Фестиваль" һүҙе латин менән француздан байрам, тантана йәки тантаналы байрам мәғәнәһендә алынһа ла, ифрат етди эш һәм тап эш бит - сәнғәттәге ҡаҙаныштарҙы күп кеше ҡатнашлығындағы күрһәтеү өсөн, ай-һай, күпме көс талап ителә.

      Һәм уны сәнғәт байрамы тип кенә ҡарауҙан да алыҫ торорға кә...

26.04.2017

Бөгөн Чернобыль һәләкәтенә 31 йыл. 

Әңгәмәселәребеҙ – ликвидаторҙар Мансаф Кәримов, Марат Юламанов, мәрхүм Фәнис Хәлиуллиндың тормош иптәше Әлфирә Хәлиуллина һәм “Йәшлек” газетаһы хәбәрсеһе, ун йыл дауамында Чернобыль фажиғәһен өйрәнгән Айбулат Ишназаров. 

 

 

 

25.04.2017

Һәм быны ябай башҡорт егете Денис Өмөтбаев эшләне. Йәнә эске туризм тураһында ҡыҙыу әңгәмә. Эксперттар: сәйәхәтселәр, туризм өлкәһендә әүҙем эшмәкәрлек алып барыусылар- Азамат Юлдашбаев һәм Денис Өмөтбаев.

Раян Шаһимөхәмәтов
24.04.2017

      Рәсүл Сәғитов:

      - Үткән аҙна ҙур ижтимағи-сәйәси ваҡиғаларға, беләбеҙ, бик йомарт булды һәм араларында, сағыштырмаса тар өлкәгә ҡараһа ла, халыҡ-ара кимәлдәлеген иҫәпкә алғанда, ошо исемлеккә ҡыйыу индерерлек сара - ветеринария конгресы ла бар ине. Уның үткәрелере былтыр Сочиҙа, 6-сы халыҡ-ара конгреста уҡ, белдерелгәйне һәм был турала ҡарар ҡабул ителгәндә республиканың киң тармаҡлы ауыл хужалығының юғары үҫеш мөмкинлеге иҫәпкә алынды, тип раҫланды.

      Форум эше беҙҙең радио аша ентекле еткелереп барҙы һәм хәҙер инде уның йомғаҡтарын ҡарарға, һығымталар яһарға, фараздар ҡылырға ваҡыт етте. Быны беҙ Башҡортостан Ветеринария идаралығы етәксеһе урынбаҫары Раян Шаһимөхәмәтов ҡатнашлығында башҡармаҡсыбыҙ.

21.04.2017

Ни өсөн һуңғы ваҡытта йәштәр үҙ балаларына беҙҙең халыҡҡа хас булмаған исемдәрҙе ҡуша. Ә исем ҡушыу ҙур яуаплылыҡты талап итә. Беҙ исеменә ҡарап милләтен билдәләй алабыҙ. Исем кешенең визит карточкаһы, шәхес таныҡлығы һымаҡ ул шәхестең ниндәй илдән, ниндәй милләт икәнен күрһәтеп тора. Бала бәләкәйҙән үҙ исеменең мәғәнәһен белеп, исемен яратып үҫһә, ул балала үҙенең милләтенә ҡарата ғорурлыҡ уяна.

19.04.2017

   Ғәҙәттән тыш хәлдәр министрлығының граждандарҙы яҡлау департаменты ташҡын айырыуса көслө буласаҡ төбәктәрҙе атаны. Алты биләмә - Себер, өсәүһе - Урал  федераль округына ҡарай. Ҙур һыу Волга буйы федераль округындағы субъекттарға ла зыян килтереүе ихтимал. Улар араһында Һамар, Ырымбур өлкәләре, Татарстан һәм Башҡортостан республикалары. 

   Быйыл ташҡынға ҡаршы ниндәй саралар күрелә? Кешеләргә ниндәй хәүеф янауы ихтмал? Был осоҙа ниндәй ҡағиҙәләрҙе инҡар итмәҫкә? Артабан ошо һорауҙарға яуап эҙләрбеҙ.

Беҙҙә ҡунаҡта Өфө ҡалаһы хакимиәтенең Граждандарҙы яҡлау идаралығы етәксеһе Рәсим Абдуллин.

 

Рәлиф Кинйәбаев
18.04.2017

Рәсүл Сәғитов:

      - Бөгөн «Әҙәбиәт һәм ижтимағи-сәйәси тормош» тигән темаға һөйләшмәксебеҙ. Әңгәмә барышында был ике төшөнсә, үҙебеҙ ҙә һиҙмәҫтәнме, махсус рәүештәме, урындары менән алмашыныуы ла ихтимал һәм был алмашыныуҙар ниндәйҙер дәрәжәлә нимәнең нимәгә йоғонто яһауын да сағылдырыр. Әлеге үҙ-ара бәйләнеш, тәьҫирлек, Рәсәйҙең ошо осоронда, яңы тарихында, күҙгә әллә ни сағылып бармаһа ла, бәғзеләр, таҙа сәнғәт тип, араларҙың мөмкинсә алыҫлығын ҡайырһа ла, ҙурҙан алғанда, яҙыусы заманынан ситтә була алмайҙыр, булмаҫҡа тейештер, сөнки ул - ошо йәмғиәт вәкиле, барыбер ҙә шундағыны яҙырға бурыслылыр, шундағы өсөн яуаплылыр. Был белдергәндә тәү нәүбәттә тәрбиәүи көскә баҫым яһалды, һәйбәткә тыйыуҙар менән генә түгел, сәнғәти матурлыҡ менән дә ылыҡтырып булғаны асыҡ билдәле. Йәғни дәүләт үҙенең...

17.04.2017

"Өфөнән һөйөү менән" тулы метражлы башҡорт киноһы ҙур прокатта. Режиссер Айнур Асҡаров менән әңгәмә. 

Зөфәр Тимербулатов, Илдар Ғәбитов
14.04.2017

      Рәсүл Сәғитов:

      - Бөгөнгө тапшырыу республика башлығы Рөстәм Хәмитовтың 13 апрелдә кис телевидение, радио аша ике сәғәт ярымдан ашыу барған тура элемтәлә белдергәндәренә арнала, уны шуның хатта ниндәйҙер дәрәжәлә дауамы, тип тә булалыр. Дауамы, сөнки, беренсенән, ҡайһылыр мәсьәләләргә әйләнеп ҡайтабыҙ, ҡайһыларына ентекләберәк бағабыҙ, шул рәүешле тағы ла асыҡлай төшәбеҙ, икенсенән, кисә эфирға сығарыу мөмкинлеге булмағандарына ла диҡҡәт ҡылабыҙ. Мөмкинлектең булып етмәүе лә аңлашыла: әҙерлек аҙна буйы барҙы - һорауҙар алдан да ҡабул ителде, һөҙөмтәлә улар 10 меңдән ашып китте.

      Һан буйынса ҡарағанда етенсе тапҡыр ойошторолдо тура һөйләшеү, былтыр, мәҫәлән, 7 апрелдә тормошҡа ашҡайны. Һорауҙарҙың йөкмәткеһе, ҙурҙан алғанда, әллә ни айырылманы - иҡтисад, төҙөлөш, һаулыҡ һаҡлау...

13.04.2017

Табип-инфекционист Зәлифә Йосопова менән әңгәмә. 

12.04.2017

Юл фажиғәләре, насар юлдар һәм яңы закондар тураһында эксперттар менән әңгәмә. 

11.04.2017

Байконур ветераны, хәрби подполковник Харис Сәғитов менән 12 апрель алдынан әңгәмә. 

 

Рәшиҙә Солтанова
10.04.2017

      Рәсүл Сәғитов:

      - Бөгөн Рәсәйҙә йәмәғәт ойошмалары бик күп һәм быны тик хупларға ғына кәрәктер, сөнки улар демократик дәүләттәрҙә генә барлыҡҡа килә һәм эшләй ала. Уларҙың һаны ни тиклем ишле, ил менән идара итеүҙә халыҡтың ҡатнашлығы ла шул хәтлем ҙур. Шулай тигәндә дәүләттең ҡайһы ғына өлкәлә булмаһын, ниндәйҙер мөһим аҙым яһар алдынан йәмәғәтселек фекерен белешергә тейешлеге, шул шартта ғына ниндәйҙер камиллыҡ булыуы ихтималлығына, ә бының иң еңел, ышаныслы һәм тәьҫирле ысулының ана шул ижтимағи ойошмалар белдереүҙәре икәнлегенә лә ишаралана.

      Ижтимағи мөнәсәбәттәрҙәге ҡайһылыр өлкәләргә дәүләттең айырым диҡҡәтен йүнәлтеү ихтыяжы ла тыуа тора һәм йәмәғәт ойошмалары был йәһәттән үҙҙәренең тәҡдим индереү хоҡуғын киң генә файҙалана ла. Мәҫәлән, ҡатын-ҡыҙҙарҙың хоҡуҡтарын яҡл...

06.04.2017

14 йәшкә тиклем балаларҙы социаль селтәрҙәргә индермәү тураһында Рәсәй дәүләт думаһына тәҡдим яһалды. Һәм ул төрлө ҡаршылыҡлы фекерҙәр уятты. Эксперттар: Азамат Хәсәнов, Зәйнәп Назарова, Илдар Кинйәбулатов, Зәйтүнә Ниғмәтйәнова.

 

Фәнил Ҡоҙаҡаев
05.04.2017

      Рәсүл Сәғитов:

      - Илдә - йәнә тетрәнеү. Рәсәйҙә генә түгел, тотош донъяла ла "бәлә берләштерә" әйтеме ысынында ла раҫланды - бик күп дәүләттәр, шул иҫәптән бығаса ҡырыныраҡ ҡарағандар ҙа, ҡайғы уртаҡлашҡанын шундуҡ белдерҙе.

      Хәүефһеҙлек мәсьәләләренә иғтибар ғайәт ҙур бирелһә лә, һаман арттырыла барһа ла, шартлау тормошҡа ашты, ғүмерҙәр өҙөлдө. Был нисек мөмкин була алды? Киләсәктә мөмкин булмаһын өсөн тағы нишләйек? Бының бер юлы бөгөн, беҙ эфирға сығыр алдынан ғына, белдерелде лә инде - метрополитенда именлек буйынса яңы документҡа ҡул ҡуйыласаҡ, тиелде.

      Ҡаза илде ныҡ һиҫкәндерҙе, күп нәмәгә тағы яңыса ҡаратты, хаҡлыҡтың һаҡлыҡта ла икәнен өҫтәп белдерҙе, хәүефһеҙлек өсөн һәр кемдең яуаплы булырға тейешлеген йәнә аныҡланы, ләкин был хафаланыуға к...

04.04.2017

Ғаиләләргә бушлай ер. БР-ҙың Ер мөнәсәббәттәре һәм мөлкәт министрлығы белгесе, министрҙың йәмәғәт эштәре буйынса кәңәшсеһе Айҙар Хәкимйәнов студия эксперты. 

 

04.04.2017

   Башҡортостан Яҙыусылар союзында яңы рәйес. Әҙиптәр уға ниндәй өмөт бағлай? Яңы етәксе ниндәй бурыстар ҡуя? Бөгөн ошо турала фекер алышырбыҙ. 

Студия ҡунаҡтары: яҙыусы, тәржемәсе Зөһрә Бураҡаева, шағир, тарих фәндәре докторы, профессор Фәнил Күзбәков һәм Башҡортостан яҙыусылар берлеге рәйесе Зәки Әлибаев. 

                                    Тапшырыуҙы Зөһрә Арсаева алып бара.

 

 

 

Зәки Ҡаҙыҡов
30.03.2017

Рәсүл Сәғитов:

- Иген - Рәсәйҙең яңы нефтеме? Һәр хәлдә һуңғы йылдарҙа уның ғайәт мул йыйылғанына шаһитбыҙ, былтыр 120 миллион тоннанан ашты, был хәтлемдең 40 йыл самаһы элек, совет дәүерендә әле, унда ла сәсеүлектәрҙең хәҙерге менән йәнәш ҡуйғыһыҙ күплеге арҡаһында, урылғанын беләбеҙ. Һәм был - алға сығыу ғына ла түгел, ә башҡа тармаҡтарҙы эйәртеү ҙә, ана күпме кешенең ауылда йәшәгәнен иҫәпкә алғанда - хатта кәйеф биреү ҙә. Бында, тап ошо өлкәлә, "хужалыҡ" төшөнсәһе әлеге тармаҡ мәғәнәһе эсендә генә ҡалмай бит, ул тормош, донъя көтөү киңлегенә үк сыға, сөнки үҙ-ара бәйлелелек ҙур. Шул иҫәптән ошо арҡала ла игендең яңы нефткә әүерелеүгә ыңғайлауы тик хуплауға ғына лайыҡтыр һәм бында кешенең тәбиғәт миллион йылдар буйы әҙерләп биргәнде генә алмауы, ә алтынды үҙ хеҙмәте менән бөртө...

29.03.2017

    Баш ҡалабыҙ Өфөлә башҡорт теле һәм әҙәбиәте буйынса төбәк-ара "Йыл уҡытыусыһы” конкурсы дауам итә. Ижади ярышта 50 педагог ҡатнаша. Шулай уҡ Силәбе һәм Ырымбур өлкәләренән уҡытыусылар бар. Улар бөгөн беҙҙең студияла ҡунаҡта.

Таныш булығыҙ – Ырымбур өлкәһе Александровка районының Иҫәнгилде мәктәбе уҡытыусыһы Әлфиә Агишева һәм Силәбе өлкәһе Арғаяш районы Аҡбаш мәктәбе уҡытыусыһы Гөлнара Мөхтәрова.

Тапшырыуҙы Зөһрә Арсаева алып бара. 

 

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

кис -20..-22°C
төндә -22..-24°C
иртән -21..-23°C
көндөҙ -16..-18°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.