Беҙҙең проекттар

29.03.2017

    Баш ҡалабыҙ Өфөлә башҡорт теле һәм әҙәбиәте буйынса төбәк-ара "Йыл уҡытыусыһы” конкурсы дауам итә. Ижади ярышта 50 педагог ҡатнаша. Шулай уҡ Силәбе һәм Ырымбур өлкәләренән уҡытыусылар бар. Улар бөгөн беҙҙең студияла ҡунаҡта.

Таныш булығыҙ – Ырымбур өлкәһе Александровка районының Иҫәнгилде мәктәбе уҡытыусыһы Әлфиә Агишева һәм Силәбе өлкәһе Арғаяш районы Аҡбаш мәктәбе уҡытыусыһы Гөлнара Мөхтәрова.

Тапшырыуҙы Зөһрә Арсаева алып бара. 

 

Зариф Байғусҡаров
28.03.2017

      Рәсүл Сәғитов:

      - Урмандағы ҡолаған ҡоро ағасты үҙ белдегең менән утынға тотоноу ҡәтғи тыйыла, закон тарафынан "тере" ағастай һаҡлана. Ә сөнки бөгөн Урман кодексында төшөнсәһе яҙылмаған, дөйөм утын әҙерләү генә бар һәм уның эсенә, сәнәғәти күләмдәрҙә ҡиммәтле ағасты күпләп йығыу ҙа, шәхси мәнфәғәтеңдә генә сүпләү ҙә инә.

      Бының менән ризаһыҙлыҡ йәмғиәттә байтаҡтан килә: беренсенән, урманды былайтып һаҡламайҙар, ә киреһенсә ҡыйланыу бара, икенсенән, ҡоро-һары - ут сығыуға һәйбәт сәбәпсе. Өсөнсөнән, йәшерен-батырыны юҡ, уны утын һатып алырға мөмкинлеге кәм кешеләр алып ҡайта.

     Ҡыҫҡаһы, мәсьәләлә бөгөн үҙгәрештәр көтөлә - ошо көндәрҙә парламентҡа бер юлы ике закон проекты индерелде, тәүгеһе әлеге төшөнсәне асыҡлай, икенсеһе бушлай яғыу мөмкинлеген бирә.

...
27.03.2017

Интернетта яңы онлайн финанс пирамидалары барлыҡҡа килде. Халыҡты нисек алдайҙар? Мошенниктар ниндәй ысулдар ҡуллана? Иҡтисад фәндәре кандидаты Гүзәлиә Ғәлимова һәм банк хеҙмәткәре Роберт Биктимеров Гүзәл Ситдиҡова менән берлектә мөһим һорауҙарға яуап эҙләй. 

23.03.2017

Республика туберкулез дауалау диспансеры табибы Тәғзимә Ханова һәм поликлиника участка табибы Сәриә Абдулова һорауҙарығыҙға яуап бирә. 

22.03.2017

   Бал ҡорттары, бал һәм башҡорт бренды бөгөн иғтибар үҙәгендә булыр.

 

 

  Рәсәйҙә тәүге тапҡыр шәхси компанияға "Башҡорт балы" брендын ҡулланыу хоҡуғын биргән таныҡлыҡ тапшырылды. Әлегә тиклем бындай патентҡа Башҡортостандың умартасылыҡ һәм апитерапия буйынса ғилми-тикшеренеү үҙәге генә эйә ине. Предприятие "башҡорт балы" бренды менән татлы ризыҡты сит илдәргә лә оҙата килде. Әммә хәҙер ошондай уҡ мөмкинлек менән башҡа умартасылар ҙа файҙалана аласаҡ.

Башҡортостан умарталыҡтары йәмғиәте етәксеһе Сергей Мөлөкөв:

- "Башҡорт балы" брендын ҡулланған өсөн мин ике йыл буйына судлашып йөрөнөм. Әммә бар судтарҙа ла еңелдем һәм 150 мең һум күләмендә штраф түләнем. 2005 йылдан алып республикала ошондай күңелһеҙ хәл күҙәте...

21.03.2017

Мишкә районында булған хәлдән һуң "Асыҡ студия" түңәрәк өҫтәл ойошторҙо.

Эксперттар: Рәшиҙә Солтанова, Флүр Ғәлимов, Нәҙим Хәмитов, Венера Ғафарова.

Эфирҙы Гүзәл Ситдиҡова алып бара. 

 

Нияз Сәлимов, Азат Ярмуллин
20.03.2017

      Рәсүл Сәғитов:

      - 20 мартта, етди көн - дүшәмбелә, ҙур, мөһим, ҡатмарлы, эйе, шулай уҡ етди ҙә, әлбиттә, мәсьәлә буйынса һөйләшмәксебеҙ. Башҡортостан автономияһы ул - бынан теүәл 98 йыл элек тормошҡа ашҡан оло сәйәси ваҡиға тиекме, сарамы, эшме - нисек атаһаҡ та ҙур мәртәбә, тәрән йөкмәтке күҙҙә тотола - бөтәһе бергә булһын әйҙә.  Ололоҡ тиелгәндә ниндәйҙер майҙан сығышы мәғәнәһе, ғәм алдындағы дөйөм һүҙ, тарихҡа ихтирам ғына ла аңлашылмаһын, ысыны ла шул - тарих төпкөлөндә ҡала барһа ла һис саңланмаған, ә сафлана ғына барған ваҡиғаларҙы беләбеҙ бит, был да - тап ана шундай. Йәғни 1919 йылдың 20 мартында Рәсәй Эшсе-Крәҫтиән Хөкүмәтенең Башҡортостан хөкүмәте менән Башҡортостан Совет Автономияһы тураһында Килешеүгә ҡул ҡуйыуын ошолай ғайәт мөһим тарихи акт тип атау хаҡ...

16.03.2017

Ҡулланыусылар көнө уңайынан ойошторолған әңгәмә. 

Камил Юлаев
15.03.2017

       Рәсүл Сәғитов:

      - Быйылғы ҡырҡыу ҡылығына тәбиғәттең үҙенең дә сыҙамы бөттө шикелле, ниһайәт - һауа температураһы һәр хәлдә бөгөн төш 0-гә менде, иртәгәнән, көндөҙҙәрен, бәләкәй генә булһа ла, гел ыңғай һандар теҙелешкән. Унан да арыраҡҡа күҙ ташлағанда, киләһе аҙнанан тағы ла етдирәк плюстар вәғәҙәләнә.

       Яңы миҙгел - яңы мәшәҡәттәр ҙә, әлбиттә - мәҫәлән, юлдарҙағы барыбыҙға ла таныш уйымдар менән көрәшергә кәрәк хәҙер. Көрәш башланды ла инде - баш ҡала хакимиәте тарафынан шундай соҡорҙарҙың интерактив картаһы төҙөлгән, рәсми сайтҡа эленгән. Ғөмүмән дә йүнәтеү эштәренең яңы миҙгеле баш ала.

       Йәнә лә ташҡын  ашҡына быйыл яман - Өфө янында 8 метр самаһына тиклем менер, тип көтөлә. Йәғни 900 самаһы торлаҡҡа еүеш хәүеф янай - Дим, Киров, Ленин район...

14.03.2017

  Рәсәй Президенты Владимир Путин юлдарҙы сифатһыҙ ремонтлаған өсөн яуаплы етәкселәргә штраф күләмен 10 тапҡыр арттырыу тураһындағы законға ҡул ҡуйҙы. Кеҫәгә һуғыу ғына мәсьәләне хәл итерме? Ҡасан яҡшы юлдарҙан йөрөй башларбыҙ? Бөгөн “Асыҡ студия”ла ошо турала әңгәмә ҡорола. 

Ҡунаҡтарыбыҙ:

Башҡортостан Дәүләт Йыйылышы - Ҡоролтай комитеты рәйесе урынбаҫары Руфина Шаһапова, билдәле автобелгес Хәлим Әйүпов һәм “Йәшлек” газетаһының баш мөхәррире, Бөтә Рәсәй халыҡ фронтының Башҡарма комитеты ағзаһы Артур Дәүләтбәков. 

Тапшырыуҙы Зөһрә Арсаева алып бара. 

 

Айгөл Иҙрисова
13.03.2017

      Рәсүл Сәғитов:

      - Бөгөн үҙәккә сатраш уйыны сыға. Шунһыҙ булмай ҙа, үҙен һис иғтибарһыҙ ҡалдыра алмайбыҙ - кисә генә Өфөлә 10 көн дауам иткән ҙур ярыш - халыҡ-ара шашка буйынса Донъя Кубогының финалы тамамланды. Уйын тип аталһа ла, шулай, оло, хатта ижтимағи-сәйәсиме, социаль-иҡтисадимы саралар менән тиң ҡуйып, бирәбеҙ уға майҙан түрен, сөнки әле әйтелгән дә, әйтелмәгән дә башҡа мөһим өлкәләрҙәге үрҙәр тәү ҡарашҡа ҡатнашһыҙ ҙа тойолған тармаҡтар аша ла килергә бик мөмкин. Быны белдергәндә, мәҫәлән, ҡайһылыр төбәктең донъяла яҡшы яҡтан таныулы булыу-булмауына таянабыҙ. Бөгөн иҡтисадты йылдам тартып алып китеренә ышаныс бағланылған инвестиция һалыуҙың да бер нигеҙе - шул даһа: таныулы төбәк тураһында инвестор мәғлүмәтте оҙаҡ йыйнамай, икеләнмәй-шикләнмәй - уныңса, берҙе эшләй...

09.03.2017

Өфө ҡалаһының Совет районы хакимиәте башлығы Урал Килсенбаев менән юлдар, соҡорҙар, гараждар, ҡалалағы хәүефһеҙлек тураһында. 

Гөлназ Ҡотоева, Гөлгөна Баймырҙина
07.03.2017

      Рәсүл Сәғитов:

      - 8 март алдында булыуыбыҙ тапшырыуҙа үҙәккә һәр замандың гел бөйөк мөғжизәһе, гөл кеүек хазинаһы - ҡатын-ҡыҙ мәсьәләһен сығарырға өндәне һәм бының менән беҙ йәһәт ризалаштыҡ. Һәм, байрам таждары асылырға торғанда, ошолай, билдәле бер дәрәжәлә йомшаҡ, хатта, бәлки, наҙлы ла рух урынлылыр ҙа, тибеҙ.

      Ҡатын-ҡыҙҙың бөгөнгө йәмғиәттәге тейешле урыны, әһәмиәте, йоғонтоһо-тәьҫире тураһында һөйләшергә йыйынабыҙ. Килешәбеҙ, бик боронғо тема, Ер яралғандан бирле тынмай киләлер, шуға күрә яңылыҡ әйтеүе лә ҡатмарлы, сөнки заманалар менән бергә ҡараштар ҙа үҙгәрә, ҡайһы саҡ бөтөнләйгә, тулыһынса икенселәнә, артабан йәнә тәүгеһенә әйләнеп ҡайта, махсус, көс менән үҙгәртеү ҙә булғылай тарихта - бының, мәҫәлән, дәүләттәр үҫешендәге төрлө сәйәси дәүерҙәргә, илдәр...

06.03.2017

   Импортты алмаштырыу буйынса инвестиция проекттары араһында йәшелсә үҫтереү, келәттәр төҙөү, еләк-емештәрҙе эшкәртеү – айырым йүнәлештәр итеп билдәләнгәйне. Бөгөн беҙ йәшелсә менән үҙебеҙҙе тулыһынса тәьмин итә алабыҙмы?

 

  Башҡортостан Йәшелсә үҫтереүселәр берлеге союзы рәйесе Артур Ноғоманов менән әңгәмә ҡорабыҙ. Тапшырыуҙы Зөһрә Арсаева алып бара. 

 

 

 

03.03.2017

Бөгөн халыҡ-ара яҙыусылар көнө. Ошо уңайҙан тапшырыуға Башҡортостан әҙиптәрен саҡырҙыҡ.

 

Беҙҙә ҡунаҡта - филология фәндәре докторы, профессор Рәшит Шәкүр, шағирә, тәржемәсе, журналист Тамара Юлдашева һәм Башҡортостан яҙыусылар берлеге рәйесе вазифаһын башҡарыусы Зәки Әлибаев. 

 

02.03.2017

Беҙҙең эксперттар - кинорежиссерҙар Зөһрә һәм Таңсулпан Бураҡаевалар.

 

01.03.2017

    Бөгөн бөтә донъя гаджеттарға: смартфон, планшет һәм башҡа һанлы техникаға бәйле. 2007 йылдан башлап хәтере ҡаҡшаған, иғтибарһыҙ һәм депрессияға бирелгән балалар һаны арта бара. Үҫмерҙәрҙә үҙеңде контролдә тотоу, йәлләй белеү кеүек сифаттар юғала.  

 

“Гаджет ҡолдары. Аҡыллы наҙандар”. Һөйләшеүҙең темаһын шулай билдәләнек.

 

    Студия ҡунаҡтары – биология фәндәре докторы, СССР-ҙың Рәзиф Рәпиев, психолог Әлмирә Исхакова һәм “Шоңҡар” журналы хәбәрсеһе Гөлсинә Йосопова.

 

Мәрйәм Бураҡаева
28.02.2017

      Рәсүл Сәғитов:

      - Һуңғы арала йәмғиәттә үҙәккә башҡорт ғаиләһе көнөн булдырыу мәсьәләһе даими сыға килә һәм бының нигеҙендә, бер ниндәй статистикаға таянмай ҙа белдереп булалыр - күпселектең, ҙур күпселектең уны хуплауы ята. Башланғыс көнкүреш ауырлыҡтарынан, иҡтисади һағайыу-хәүефләнеүҙәрҙән ялҡҡан, быйылғы ҡыштың яу булып яуған ҡарынан талған күңелдәрҙе һирпеп асып ебәрҙе шикелле.

      Көндө тап 1 мартҡа тәғәйенләргә тәҡдим ҡылыныуы ла үҙенекен итәлер - календарҙа ғына булһа ла яҙ яҡын бит, көҙҙән бирле йыйырылған донъя яҙыла башлар ҙа инде оҙаҡламай.

      Һүҙҙе артабан да ошолай - өҫтәрәк, нәҫерсә тиек микән, дауам да итке килә. Мәҫәлән, ана шул ғаиләгә бәйләп. Яҙҙың шытым биреүенә, үрсем килтереүенә ишаралап. Үрсемдең йылы хәстәр, йылы хистәр булғанда ғына камил ү...

27.02.2017

  Бөтә Рәсәй йәмәғәт фекерен өйрәнеү үҙәге мәғлүмәттәренә ҡарағанда, халыҡтың 60 проценты эшҡыуарлыҡ менән шөғөлләнергә теләмәй. Ялҡаулыҡ көслөмө? Әллә етди ҡыйынлыҡтар туҡтатамы? Бөгөн ошо турала фекер алышырбыҙ.

   Әңгәмәселәребеҙ - "Рәсәй таянысы" кесе һәм урта эшҡыуарҙар йәмәғәт ойошмаһының Башҡортостан төбәк бүлеге коммерция директоры Ләйсән Николаева һәм ҡатын-ҡыҙҙар араһында эшҡыуарлыҡты үҫтереү комитеты рәйесе Әлфиә Славненко. 

 

22.02.2017

Эксперттар: Подполковник Харис Сәғитов, йәмғиәтселек вәкиле, студент Шәфҡәт Ғәбитов-ул армияла хеҙмәт итеүгә ҡәтғи ҡаршы. Армияла хеҙмәт итеүсе ҡурайсы Айҙар Байтимеров, боксер, шағирә Таңсулпан Рәсүл. Әрме генә илһөйәрлек тәрбиәләйме?

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

төндә -11..-13°C
иртән -12..-14°C
көндөҙ -9..-11°C
кис -10..-12°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.