Беҙҙең проекттар

12.10.2016

   “Юлдаш” радиоһы коллективының сираттағы эш сәфәре Белорет районының  ҙур һәм боронғо ауылдарының береһе  Сермәнгә илтте.  Ауыл мәҙәниәт йорто алдында беҙҙе ихлас, дәртле йыр-моң менән “Хәтирә” ансамбле ҡаршы алды. Маҡсатыбыҙ Иҙел башы төбәгендәге тыңлаусыларыбыҙ менән осрашып, хәл-әхүәл белешеү һәм, әлбиттә, радио үткәргән бәйгелә еңеүсе ғаилә Солтан һәм Зифа Сиражетдиновтарҙы  тәбрикләү ине.  Ошо төбәктән әҙерләнгән тапшырыу менән "Атайсал" сығарылышында танышырһығыҙ. 

05.10.2016

Үҙ быуынын белгән кеше ата-бабаларының йолаһын, изге юлын дауам итә.  “Атайсал” сығарылышында шундай милләтәштәребеҙ  - Силәбе өлкәһендәге  рухлы, үҙ тарихына битараф булмаған Ҡорбанғәлиевтар нәҫеле менән танышырһығыҙ.

28.09.2016

      Йүнселдәр ниндәй генә кәсепкә тотонмай шул! Үҙ ихатаһында арымай-талмай эшләп, етештергән аҙыҡ-түлектең артҡанын һатып, ғаиләһен бар яҡлап тәьмин итерлек килем туплап йәшәй. “Атайсал” сығарылышында шундайҙарҙың береһе, баҡсасылыҡ менән шөғөлләнеүсе Ибраһимовтар ғаиләһе менән танышырбыҙ.

21.09.2016

Уҙған аҙнала Башҡортостандың ауыл хужлығы өсөн әһәмитәле ваҡиғаларҙың береһе булды. Стәрлетамаҡ районының Калинин исемендәге хужалығында, республиканың агросәнәғәт тарихында тәүге тапҡыр төбәк-ара кукуруз һәм көнбағышҡа арналған Баҫыу көнө уҙғарылды. Сараның үтеү урыны итеп был хужалыҡтың һайланыуы осраҡлы түгел. Ул республикала иң ҙурҙан һанала һәм алдынғылар рәтендә. Һөрөнтө ерҙәре 36 мең гектарҙан ашһа, һыйыр малы 7 меңгә етә. Унан һуң, бында кукукуруз үҫтереү һәм уны эшкәртеү буйынса яҡшы тәжирбә тупларға өлгөргәндәр. Баҫыу көнөндә Рәсәй ауыл хужалығы министрлығының департамент етәксеһе Петр Чекмарев, төрлө институт етәкселәре, әйҙәүсе ғалим-селекционерҙары, шулай уҡ ил төбәктәренән тармаҡ белгестәре – бөтәһе 300-ҙән ашыу кеше ҡатнашты.  Сара сиктәрендә Калинин исемендәге хужалыҡтың орлоҡ заводы һәм унда кукуруз...

07.09.2016

Уҙған шәмбе баш ҡалабыҙҙа шаулап-гөрләп Һөт фестивале үтеп ките. Был күркәм сараның маҡсаттары бихисап. Шуларҙың иң мөһиме - халыҡты, бигерәк тә үҫеп килгән быуынды һау-сәләмәт тормошта тәрбиәләү. Ә бының өсөн көндәлек тормошобоҙҙа шифалы үә файҙалы эсемлектәрҙе генә ҡулланыу шарт.  Һөт ризыҡтары был исемлектә, әлбиттә, беренсе урында. Ни тиһәк тә әҙәм балаһы донъяға килгәс тә иң тәүҙә ошо тәбиғәт уйлап тапҡан  ғәжәйеп эсемлекте тәмләй, уның ярҙамында үҫә, кеше була. Әммә баҙар шарттарына күскән бер мәлдә донъяны төрлө туҙға яҙмаған эсемлектәр баҫты, ә һөттө артҡы планға ҡалдырҙы, ә уның менән бергә халыҡтың сәләмәтлеге лә ҡаҡшай башланы. Ошондай шарттарҙа һөттөң абруйын кире ҡайтарыу, уға дан йырлау һәм ҡулланыуҙы популярлаштырыу маҡсатында "Һөт иле" фестивалдәрен үткәреү матур йолаға әйләнде. 

18.08.2016

Быйылғы август айы, моғайын, үҙенең температура рекордтары менән генә түгел, ә ураҡ йылдамлығы менән дә тарихҡа инер. Әлегеләй мул уңышлы һәм юғары темплы урып-йыйыу кампанияһы республикала күптән күҙәтелгәне юҡ ине. 17 августҡа алынған мәғлүмәттәр буйынса, ураҡ яҡынса 1 миллион 150 мең гектарҙа теүәлләнгән. Был бөтә майҙандарҙың 63 проценты тигән һүҙ. Шул уҡ ваҡытта республика буйынса гектар  ҡеүәте 20 центнер самаһы. Беҙ булып киткән Ауырғазы районында ла ураҡ эштәре дәррәү алып барыла – бында ла быйыл үҫтерлгән яҡынса 57 мең гектарҙың 44 мең гектарында ашлыҡ һуғып алынып, һандарға килгәндә, 60 процент кимәленә еткәндәр. Бураларға 75 мең тонна яҡшы сифатлы ауырғазы икмәге һалынған. Гектар ҡеүәте лә насар түгел – уртаса 22 центнерҙан аша.

20.07.2016

Йомабай Иҫәнбаев исемендәге республика ҡурайсылар конкурсы биш йылға бер тапҡыр ғына уҙғарыла. Шуға ла бишйыллыҡты көтөп алыу, унда ҡатнашыу ҡурайсылар өсөн бик тулҡынландырғыс ваҡиға. Һәр   йыйын - бәйгеселәр өсөн яҙмыштың онотолмаҫ сағыу бер мәле. Республикабыҙҙа ун ике йыйын үтте, тимәк ун ике Гран-при яулаусы оҫта йәки остаз мәҙәниәтебеҙ тарихына үҙенең исемен яҙҙы. 

29.06.2016

      Йәш эшҡыуар Йәмил Баймырҙин кейеҙҙе эшкәртеү хаҡында яҡшы белә. Бөгөн Әбйәлил районы Асҡар ауылында крәҫтиән фермер хужалығын булдырып, бынамын итеп донъя көтә ул.  Был кәсепте Йәмил яҡындары менән бергә алып бара, уларҙың быйма баҫыу цехы районда уңышлы эшләй. “Атайсал” сығарылышында уның менән үҙенсәлекле кәсептең нескәлегенә төшөнөрбөҙ.   

18.05.2016

     Дүртөйлө районы - элек-электән алдынғы, абруйлы, мәҙәни һәм иҡтисади яҡтан үҫешкән  төбәк.  Бында  эшсән, уңған, ҡунаҡсыл, үҙ тыуған төйәген, тәбиғәтен яратҡан ихлас халыҡ йәшәй.  Уларҙың фиҙаҡәр хеҙмәте, тырышлығы һөҙөмтәһендә район республикала алдынғы урындарҙы биләй. "Атайсал" сығарылышында райондың бөгөнгө йәшәйеше, көнитмеше менән танышырбыҙ.  

11.05.2016

Бөгөнгө тапшырыу республиканың көнъяғында урынлашҡан берҙән-бер юғары уҡыу йорто, Башҡорт дәүләт университетының Сибай институты эшмәкәрлеге хаҡында барыр. Авторы Гөлнур Ишбулатова.

10.05.2016

    Үҙ быуынын белгән кеше ата-бабаларының йолаһын, изге юлын дауам итә. “Атайсал” сығарылышында шундай милләтәштәребеҙ  - Силәбе өлкәһендәге  рухлы, үҙ тарихына битараф булмаған Ҡорбанғәлиевтар нәҫеле менән танышырбыҙ. 

10.05.2016

Үҙ быуынын белгән кеше ата-бабаларының йолаһын, изге юлын дауам итә. “Атайсал” сығарылышында шундай милләтәштәребеҙ  - Силәбе өлкәһендәге  рухлы, үҙ тарихына битараф булмаған Ҡорбанғәлиевтар нәҫеле менән танышырбыҙ. 

04.05.2016

Яҙ тәбиғәттең уянған, донъяның яңынан яңырған мәле - ағастар  шаулап япраҡ яра, ялан-ҡырҙарға  йәшел келәмдәр йәйелә. Шул иҫәптән, беҙ йәшәгән ауыл һәм ҡалаларыбыҙ  күҙ алдында йәшеллеккә күмелә. Әлбиттә, ошондай яңырыу мәлен һәр беребеҙ тәбиғәттәге кеүек үк таҙалыҡта, йәшел наҙлыҡта һәм гүзәлектә ҡаршылайһыбыҙ килә. Шуға ла апрель, май айҙарында экология өмәләре үткәреү, йәшәгән еребеҙҙе суп-сарҙан таҙартыу, уны йәшелләндереү беҙҙең күптәнге матур йолаға әйләнгән. Яңыраҡ Иглин районына юлланып, ундағы төҙөкләндереү,  ағас ултыртыу кеүек кәрәкле яҙғы эштәр барышы менән танышып ҡайттыҡ. 

27.04.2016

       Ни өсөн ерле халыҡ  үҙ биләмәһендә, атай-олатайҙар нигеҙендә төпләнә алмай? Аҫабалағын юғалтып, эш эҙләп, сит тарафтарға юллана?  Башҡорт ауылдарының киләсәге бармы? Был һорауҙарға яуапты Бишбүләк ерлегендә эҙләргә тырышырбыҙ. 

23.04.2016

Яҙғы көн йылды туйҙыра. Тап ошо мәлгә аяҡ баҫты ла инде республика. Бөгөн Башҡортостаныбыҙҙың ҡайһы төбәгенә генә күҙ һалмайыҡ, ҡыр эштәре гөрләй. Был аҙнала беҙ Шишмә һәм Дәүләкән хужалыҡтары баҫыуҙарында булып, ундағы эштәр  барышы менән таныштыҡ.  

Әлшәй районы Сурай ауылы мәктәбе уҡытыусылары
13.04.2016

Ауылда белем биреү системаһына етди һынауға әйләнгән оптимизация һөҙөмтәһендә, бынан бер-нисә йыл элек Әлшәй районының Сурай ауылында мәктәпте ябыу мәсьәләһе килеп тыуа. Уҡыусылар һаны тейешленән етәүгә кәм булып сыға. Шул саҡта уҡытыусылар күршеләге бәләкәй ауылдарҙан интернатта ятып район үҙәгендә, йәки Дәүләкәндә уҡырға мәжбүр балаларҙы йыйырға ҡарар итә. Балаларҙы улар йәшәргә үҙ йорттарына алып ҡайта, бушлай ҡарай. Мәктәп директоры Зәкиә Солтангәрәеваның башланғысын бар уҡытыусылар ҙа күтәреп ала. Тапшырыуҙа Сурай уҡытыусыларының батырлыҡҡа тиң аҙымға нисек барыуҙары, мәктәп тормошо, уҡыусылар һәм уҡытысылар менән танышырға саҡырабыҙ.

02.04.2016

Берҙәмлектә көс, йәғни күмәкләгән генә яу ҡайтарыр, ти халҡыбыҙ. Был бурандар күптәр өсөн оло һынауға әйләнә. Берәүҙәр юлда ҡар ҡамауында ҡалғандарға ярҙамға ашыға, икенселәре ғәрәсәткә эләккәндәрҙе үҙ йорттарына индерә, төрлө учереждение һәм ойошмалар ҡабул итә. 

Хәйбулла халҡының ошондай берҙәм һәм ярҙамсыл булыуы һөҙөмтәһендә районда күп фажиғәләр иҫкәртелә.Бер яҡтан юлсылар төндө көнгә бәйләп эшләһә, икенсе яҡтан фермерҙар һәм предприятиелар, ябай кешеләр ярҙам ҡулы һуҙа.

30.03.2016

Ырымбур өлкәһенең Красная Гвардия районына ҡараған Үрге Ильяс ауылы арҙаҡлы милләттәшебеҙ Башҡортостандың халыҡ сәсәне Мөхәмәтша Буранғоловтоң тыуған ауылы булараҡ билдәле. Әҙәбиәтебеҙҙе үҫтереүгә, рухиәтебеҙҙе байытыуға ҙур өлөшө индергән  арҙаҡлы шәхес менән яҡташтары ифрат ғорурлана. Үрге Ильяс ауылы халыҡ телендә Тәңес тип йөрөтөлә. Тәңестә йәшәүселәрҙең көнитмеше, урындағы халыҡты борсоған һәм ҡыуандырған ваҡиғалар тураһында ауыл старостаһы Рафиҡ Кучаев менән әңгәмә.

23.03.2016

Республиканың көньяғына быйылғы ҡыш ауыр килде. Ҡарҙың күплеге ауыл хужалыҡтарына ерҙең уңдырышлығы өсөн яҡшы булһа, ә бына ауыл халҡы өсөн бик тә көсөргәнешле.

17.03.2016

Рәсми мәғлүмәттәр буйынса, Рәсәйҙә етем һәм ата - әсә ҡарауынан мәхрүм ителгән 700 мең бала бар. Интернаттарҙа, приюттарҙа, балалар йорттарында даими 400 мең тирәһе сабый йәшәй. Уларҙы ғаиләгә урынлаштырыу буйынса әүҙем эш алып барыла. Бынан бер – нисә йыл элек тәрбиәгә бала алыу илдә киң таралған күренеш һаналды. Сер түгел, йәмғиәттә, был йәһәттән, бәхәстәр, ҡараштар төрлө булды. Балаларҙы йөрәк, намыҫ ҡушыуы буйынса түгел, ә үҙ мәнфәғәттәрен ҡайғыртып, аҡса өсөн тип тәрбиәгә алалар тигәнде лә ишетергә тура килгеләне. Ә шулай ҙа күпселек етемдәрҙе ғаилә усағы йылыһына сорнаған кешеләргә хуплау белдерҙе. Хуплау, һоҡланыу, ҡеүәт һәм маҡтау һүҙҙәрен бөгөн беҙ Иглин районының Оло Ҡарамалы ауылындағы ғаиләләргә лә еткерергә теләйбеҙ. Бәләкәй генә ауылда көн итеүсе тиҫтәгә яҡын ғаилә һуңғы йылдарҙа тәрб...

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

төндә -1..-3°C
иртән -1..1°C
көндөҙ 4..6°C
кис 3..5°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.