Бөтә тапшырыуҙар

16.06.2023

Киләчәккә никадәр генә омтылсаң да, узган гомердән аерылып булмый.Аның хәтирәләре, күңелгә якын кешеләре һаман,һаман күңелдә. Без дә еракта калган елларга сәяхәт кылып, йөрәк түрендә булган хәтирәләрне яңартабыз.Ниндидер сәбәпләр белән югалып, адашып калган кан - кардәш, дус- иптәшләрне бергәләп эзлибез "Югалту- табышларым" тапшыруында.

30.12.2017

2016 йыл аҙағына яҡынлашҡанда, "Беҙҙең тыңлаусылар Республикала булған ниндәй ваҡиғаларҙы иҫләй икән?" - тигән һорауға яуап эҙләйбеҙ.

29.12.2017

"Иртәнсәккәй тороп" тапшырыуы "Өмөт ҡанаттарын ҡағып" тип аталған эфир марафонын башлай.

28.12.2017

2016 йыл төрлө ваҡиғаларға бай булды. Уларҙың иң уңышлыһы, ҡыуаныслылары тураһында  тыңлаусыларыбыҙ  самауыр янында бәйән итә.

22.10.2017

   Башҡортостандың халыҡ шағиры  Мостай  Кәримдең  әҙәбиәтебеҙгә, рухи донъябыҙға  һалған хеҙмәте баһалап бөткөһөҙ . Тәрән фәлсәфәгә һәм нескә лирикаға бай  шиғырҙар  ҙа, ил-донъя, халыҡ яҙмышы, әҙәм балаһының ер йөҙөндәге  тәғәйенләнеше хаҡында уйланыуҙарҙан туҡылған  проза һәм драма әҫәрҙәре лә, ғүмер миҙгелдәрен байҡаған иҫтәлектәре лә бай ижади мираҫын  тәшкил итә.  Әҫәрҙәре башҡорт әҙәбиәте  генә түгел,  милли театр сәнғәте  үҫешенә лә  ҙур ҡеүәт бирҙе.  Мостай  Кәрим - башҡорт әҙәбиәтенең  донъя  мәҙәни  мөхитенә  юл ярыусыһы, танытыусыһы. Шағирҙың   поэтик мираҫынан  шәлкем  радио фондына автор  уҡыуында  яҙылған. 

20.10.2017

Ниндәй генә эпитет, метафораларҙы белмәй донъя шиғриәте йылдың был миҙгеле тураһында. Күңелдәрҙә берсә моңһоу, берсә кинәнес тойғолары уяна. Көҙ - тәбиғәттең ғәжәп хозур мәле ул. Донъялар ниндәйҙер бер сағыу балҡыш менән балҡый ҙа, яҙға тиклем “һау булығыҙ” тигәндәй хушлашып, уйға ҡала. Көҙ уйландыра, һағышландыра торған миҙгел, ти берәүҙәр. Икенселәр, киреһенсә уны илһамландыра тип билдәләй.

20.10.2017

Әкиәт тигән тигән сихри донъя баланың фекерләү ҡеүәһен арттыра, үҙ-үҙенә ышаныс үҫтерә, яҡшылыҡҡа өндәй, насарлыҡтан ҡотолоу юлдары булыуға инандыра. Шулай уҡ әкиәт һөйләгәндә ата-әсә менән бала бергә булыу бәхетенә лә эйә.

Бөгөнгө тапшырыу геройы -  әсәһе һөйләгән әкиәттәрҙе тыңлап ҡына ҡалмай, ә үҙе лә оҫта итеп әкиәт һөйләргә өйрәнеп, хәҙер инде төрлө конкурстар лауреаты булып киткән Алһыу Ғәбитова.

Гүзәлиә Ғәлимова
19.10.2017

      Рәсүл Сәғитов:

– Көҙ – тамамланыу түгел, ә башланыу ғына. Бюджетҡа бәйле бөтә документтар оло фекер алышыуға тап ошо миҙгелдә сығарыла. 2018 йылға, шулай уҡ 2019-20 планлы осорға республика ҡаҙнаһының төп йөкмәткеһе радио тыңлаусыларға билдәле инде, быйыл айырыуса мәғлүм, сөнки ул тәүге тапҡыр асыҡ тыңлауҙарҙа уртаға һалынды, һандар менән Интернет аша танышыу мөмкинлеге булды. Парламенттың киләһе аҙнаға тәғәйен ултырышында беренсе уҡыуҙа ҡараласаҡ та. Уның төп рухы, йөкмәткеһе ниндәй? Бюджет сығымдарында ҡайһы йүнәлештәр өҫтөнлөклө, улар нимәгә таянып алға сығарылған, нигеҙле сығарылғанмы? "Бурыстар сәйәсәте" тигән төшөнсә бар һәм республикалағы был йүнәлеште консерватив тип атай алабыҙ, ул үҙен аҡлаймы? Бәлки, инвестицияларҙы күберәк йәлеп итеү дөрөҫөрәктер?

"Асыҡ студия" радио...

19.10.2017

1948 йылдың яҙында боронғо Ырымбур трактында, нефтселәр ҡалаһы Ишембайҙан 15 саҡрым алыҫлыҡтағы Оло Аллағыуат ауылында геодезистар тәүге таяҡ ҡаҙай. Был урында эшселәр ҡасабаһына нигеҙ һалына. 1954 йылдың 12 июнендә Ишембай ҡала советына ҡараған был ҡасаба республика кимәлендәге ҡала тип иғлан ителә. Уға милли батырыбыҙ хөрмәтенә Салауат тигән исем бирелә. Батыр исемен йөрөткән ҡала менән унда йәшәүселәр таныштыра.

19.10.2017

Ашнаҡсы - йәмғиәт туҡланыу урындарында аш-һыу бешереүсе. Ул аш-һыуҙы рецепт һәм технология буйынса ғына әҙерләүсе түгел, ә үҙ эшенән тәм тапҡан кеше. Тәүге ашнаҡсылар тап шул ваҡытта, тап шул илдә барлыҡҡа килгән, тип билдәләп тә булмай. Ашнаҡсылар кафе-ресторандарҙа, мәктәптәрҙә, балалар баҡсаларында, дауаханаларҙа эшләй. Әлеге ваҡытта был иң кәрәкле һөнәрҙәрҙең береһе. Бөгөн беҙгә ашнаҡсы һөнәре хаҡында Рәзилә Аманбаева һөйләй.

19.10.2017

Тормыш табу  һәм югалтулардан тора. Әнә шул югалганны, кадерле булган, еракта калган якыннарны табарга ярдәм итәбез, сезгә, дуслар.

18.10.2017

Бөгөн, бәләкәс дуҫтарым, башҡорт яугирҙәре һәм уларҙың ҡоралдары хаҡында һөйләшәбеҙ. Башҡорттар борон-борондан хәрби хеҙмәткә үҙенең ҡоралы, кейеме һәм аты менән барған. 1812 йылда Напалеон ғәскәрҙәре баҫып ингәс,  батша хөкүмәте башҡорттарҙан полктар ойошотороу хаҡында фарман сығара. Француз яуына барған башҡорттар мылтыҡ, пистолет, ҡылыс, һөңгө, уҡ-һаҙаҡ менән ҡоралланып, Ватан һағына баҫа. Һуғышҡа ирҙәре менән ҡайһы бер ҡатын-ҡыҙҙар ҙа китә. Был хаҡта Василий Зефировтың "Йәнтүрә хикәйәләре" тигән әҫәрендә бәйән ителә. Бергәләп тыңлайыҡ.

18.10.2017

“Тауҙарҙан да тауҙар ғына бейек” тигән Владимир Высоцкий. Борон-борондан кешеләр тауҙарға ҡарап һоҡланған һәм уларға табынған. Бейек һәм бөйөк тауҙар әле лә кешеләргә тынғы бирмәй. Унда ғалимдар һәм сәйәхәтселәр, ҡаяға үрмәләүселәр, альпинистар һәм тәбиғәтте яратыусылар юллана. "Самауыр янына" Башҡортостан тауҙарын артылған, уларҙың матурлығына һоҡланған кешеләрҙе йыйҙыҡ.

18.10.2017

   Юстиция эштәре буйынса дәүләт комитеты ошондай мәғлүмәттәрҙе иғлан итте.

  Башҡортостанда 9 айҙа 37 228 сабый тыуған. Һандарҙы сағыштырғанда, тыуым 13,3 процентҡа кәмегән. Статистика буйынса, Башҡортостандың ҡайһы бер район һәм ҡалаларында тыуым ныҡ ҡына кәмегән, ҡайһы берҙәрендә киреһенсә, артҡан. Ә Өфөлә тыуым 13 процентҡа түбәнәйгән.

 Ни өсөн балалар аҙ тыуа? Фәлсәфә фәндәре докторы, профессор, Башҡортостан Фәндәр академияһы академигы Фәнил Фәйзуллин менән ошо турала фекер алышабыҙ. Тапшырыуҙы Зөһрә Арсаева алып бара. 

 

  

 

17.10.2017

Тапшырыуҙың геройы-Лугуманов Дәүләтша Мөхәмәтшәтгакир улы Архангел районы Муллаҡай ауылында ишле тыуа. 1926 йылғы олатай Пенза өлкәһендә йәшәй. 

17.10.2017

Сәй...  Бынан бер нисә быуат элек Ҡытайҙа барлыҡҡа килгән был эсемлек ер йөҙөндә киң таралыу алған. Ул төрки халыҡтарҙың да көнкүрешенә үтеп инеп, аш-һыуҙарының айырылғыһыҙ бер өлөшөнә әйләнгән.  Беҙҙең халыҡ та сәйҙе ифрат ярата.

17.10.2017

Ҡышын айыу йоҡлай. Ә бүре, төлкө, ҡуян ни өсөн йоҡламай икән? Ысынлап та, ҡышты йәнлектәр төрлөсә уҙғара. Күпселек ҡоштар көҙ етеү менән йылы яҡтарға ашыға. Хатта ҡайһы бер бөжәктәр ҙә йылы яҡҡа китә. Эйе, осһыйырымдардарҙың ҡайһы бер төрҙәре ҡышҡылыҡҡа йылы яҡтарға күсенә. Ә ҡайһы бер йәнлектәр йәй буйы ашап, май йыялар ҙа ҡышҡылыҡҡа йоҡоға тала.Шулай итеп, айыу, бурһыҡ, терпе ҡышты йылы өңдәрендә йоҡлап уҙғара. Ә сысыҡандар ҡар аҫтында тотош ҡалалар төҙөй икән. Ҡар уларҙы һыуыҡтан да, йыртҡыс ҡош-ҡорттан да һаҡлай.

Беҙ бөгөн, кескәй дуҫтарым, Нажиә Игеҙйәнова инәй яҙған "Айыу ниңә йырламай" тигән әкиәт тыңлайбыҙ.

Руфина Шаһапова
16.10.2017

      Рәсүл Сәғитов:

      – Экология йылы бара илдә. Икенсегә, әйткәндәй. Башҡортостанда, өҫтәп – айырыуса һаҡланған тәбиғәт биләмәләре йылы ла. Һәм "Йыл ғына булып ҡалмаһын ине ул…", тип, бәлки, ризаһыҙлыҡ белдереүселәр табылһа ла, быны шәхсән бик хуплауыбыҙҙы белдереп ҡуяйыҡ. Шуның менән бергә ошо рухлы, шул дәртле, әлеге йөкмәткеле, йыл ғына түгел, йылдар, быуаттар кәрәклеккә лә ҡараш – хайран ыңғай, әлбиттә. Ләкин дәүләт өсөн тормоштоң башҡа яҡтары ла мөһим, шуға күрә өҫтөнлөктәр үҙгәрә, яңы фармандар сыға тора һәм бында тематик 12 ай тамамланыу менән баяғы рух, дәрт, йөкмәткенең, ус ҡағылып, онотолмауы мөһим. Артабан инде эш хөкүмәттең ҡушыуы, хисап талап итеүе арҡаһында түгел, ә күнегеү, өйрәнеү буйынса, үҙенән-үҙе барһынсы. Был күңел ихтыяжына әүерелһә – бигерәк арыу. Шулай тигәндә...

16.10.2017

Ғәиләлә бала тыуған көн ата-әсә өсөн ҙур шатлыҡлы көн. Донъяға тағын бер кeшe килеү уңайынан барыһы ла бер-береһен ҡотлай, матур яңылыҡты туғандарға, дуҫтарға еткерергә ашыға.

15.10.2017

Һалҡын, ҡарлы-ямғырлы көндәрҙән һуң, ниһайәт, тәбиғәт йылы һәм сыуаҡ мәлдәре менән ҡыуандырҙы. Октябрҙә лә “әбейҙәр сыуағы” алтын көҙгә һоҡланып кешеләргә бүләк яһаны. Уҙып барған аҙна матур көндәре менән генә түгел, башҡа иҫтәлекле ваҡиғалары аша ла тарихҡа инеп ҡала. Беҙҙең ижади төркөм шуларҙың ҡайһы берҙәренә айырым туҡталып баһа бирергә тырышты. Шулай итеп:

  • Башҡортостан – изге ерем, илгә ҡеүәт биреп тора! Бөйөк Рәсәй күкрәгендә йөрәк булып тибеп тора! Башҡортостан халҡы Республика көнөн билдәләне. Быйыл дәүләт суверенитеты тураһында декларация ҡабул ителеүенә 27 йыл тулды.
  • Халыҡ аҡсаһы – халыҡ иғтибарында. Башҡортостанда бюджет проекты йәмәғәт ҡарамағына сығарылды. Граждандар төп финанс документҡа тәҡдимдәрен индерҙе.
  • Бешмәгә бешкәндәр. Туймазыла малдарҙың ҡурҡыныс с...

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

көндөҙ 1..3°C
кис -1..-3°C
төндә -2..-4°C
иртән -3..-5°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.