Беҙҙең проекттар

16.03.2017

"Ярты еңгә -ҡәйнештеке" ти мәҡәл. "Таңда атҡан ал гөлгөнәм, бергенәм, ҡоҙасам" - тип йырлағандар, бөгөнгө көндә еңгә-еҙнәйҙәргә, ҡоҙаларға күҙ атыусылар бармы икән?

15.03.2017

Бөгөн ҡулланыусылар хоҡуҡтарын һаҡлау көнө. Ә ниндәй хоҡуҡтар һуң ул? Бөтөн донъяла улар һигеҙ: хәүефһеҙ тауарҙар алырға, улар хаҡында тулы мәғлүмәт алырға, һайларға һәм үҙ фекеребеҙҙе белдеререгә хоҡуғыбыҙ бар. Хөрмәтле радиотыңлаусылар, ә һеҙ ҡулланыусы хоҡуҡтарығыҙҙы яҡлап еңгәнегеҙ бармы?

14.03.2017

Ҡатынығыҙ һеҙҙе "Венецияға барғым килә" тип аптырата икән, уны йылға эргәһендә урынлашҡан ауылға ебәрегеҙ. Бер-ике аҙнанан Венеция уға үҙе киләсәк. Ғәҙәттән тыш хәлдәр министрлығы быйылғы ташҡындың кимәлен алдан фаразлаған. Һуңғы 20 йылда һыу бындай кимәлгә еткәне юҡ. Һеҙҙең яҡтарҙа булған иң ҙур ташҡын ҡасан булды, уны нисек үткәрҙегеҙ?

13.03.2017

Уҙған аҙна ҡатын-ҡыҙҙар байрамы менән генә түгел, титандар алышы менән иҫтә ҡалды. Һәм ул дауам итә. Һүҙебеҙ Радик Юлъяҡшин һәм Салауат Фәтхетдинов араһында тыуған низағ тураһында. Кемдәр хаҡлы? Сәхнә кемдәрҙең ҡулында?

10.03.2017

Бөгөн ваҡыттың ҡәҙерен белгән, тарих менән туранан-тура аралашҡан һәм ҡыҙыҡ итеп аталған кешеләр - архивариустар һөнәри байрамдарын билдәләй. Әйткәндәй, беҙҙең халҡыбыҙҙа архивтар күптән бар - ул үҙебеҙҙең шәжәрәләр. Ә юлдаштарыбыҙ шәжәрәһен нисәнсе быуынға тиклем белә икән?

09.03.2017

Бөгөн 9-сы март. Совет заманында был көн кисәге көнгә тиң булып билдәләнгән. Сөнки йыһанға юл ярыусы Юрий Гагарин тап 9-сы мартта тыуған. Ниндәй эштә генә булмаһын, тәүге кеше булыу - яуаплыҡ та, ихтирам да билдәһе. Ә беҙҙең юлдаштар араһында ниндәйҙер өлкәлә тәүгеләр бармы икән?

07.03.2017

Рустар бындай ирҙәрҙе - ҡатынының үксәһе аҫтында, беҙҙең төбәктәрҙә - олтораҡ аҫтында, тиҙәр. Һүҙ ҡатынға тулыһынса буйһонған йыуаш егеттәр хаҡында. Үксә аҫтында булыуҙың ыңғай яҡтары бармы? Әллә ул тик кире генә күренешме?

06.03.2017

Был һүҙҙе ишеткәндә, күптәрҙең аяҡ быуындары бушай, йөрәк таш булып ҡата - теш табиптары. Бөгөн уларҙың һөнәри байрамдары. Әйткәндәй, белгестәр асыҡлауынса, теш табибынан ҡурҡыу аңһыҙ фобиялар төрөнә ҡарай. Ә һеҙҙә ниндәй аңһыҙ ҡурҡыуҙар, фобиялар бар?

03.03.2017

Шәжәрәләр төҙөү киң таралған булһа ла, нәҫел ҡушаматтары кеүек күренеш иғтибарһыҙ ҡала. Ә улар ҡайһы бер ваҡытта шәжәрәгә ҡарағанда ла, күберәк мәғлүмәт һаҡлай. Ә һеҙҙә нәҫел ҡушаматы бармы? Ара исемегеҙҙең тарихын беләһегеҙме?

02.03.2017

Юл өҙөклөгөнә бәйле әсе һүҙҙәр былай ҙа йыш ишетелә. Беҙ, киреһенсә, мәсъәләгә ыңғай ҡарамаҡсыбыҙ. Үҙ көсө менән трассаларҙы тәртиптә тотоусылар, ҡар тотҡононда ҡалған кешеләрҙе ҡотҡарыусылар, ауылдаштарына ярҙам итеүселәр. Буранлы, юлһыҙ миҙгел - кешелек сифаттарын күрһәтеү өсөн иң уңайлы ваҡыт.  "Үҙем йөрөйөм, үҙем көрәйем" принцибы менән йәшәгәндәр хаҡында һөйләгеҙ.

01.03.2017

Бөтә Донъя башҡорттары Ҡоролтайы бөгөнгө көндө башҡорт ғаиләһе көнө тип билдәләргә тәҡдим итә. Көнө лә уңайлы һайланған. Бөгөн шулай уҡ рәсми булмаған байрам - комплимент көнө билдәләнә. Һеҙ ғаиләлә бер-берегеҙгә нисек өндәшәһегеҙ? Башҡорт ғаиләһе көнөндә һәм Халыҡ-ара комплимент көнөндә бер-беребеҙгә хикмәтле, ҡыҙыҡлы мөрәжәғәт һүҙҙәрен өйрәтәйек.

28.02.2017

29 февраль көнө тыуғандар ер шарында 4 миллионға яҡын. Һәм улар өсөн немец ғалимы Хайнрих Хемме махсус ҡағиҙә лә уйлап сығарған. Әгәр кеше 29 февралдә төндә тыуһа, ул тыуған көнөн 28 февралдә билдәләй. Кисен тыуған булһа - 1 мартта. Көндөҙ тыуһа, йыл һайын алмашлап билдәләй. Һеҙҙең арала 29 февралдә тыуған кешеләр бармы?

27.02.2017

26 февраль - мыштырҙар көнө. Был байрамды Италияла уйлап сығарғандар. Беҙҙә бындай кешеләрҙе төрлөсә атайҙар - мыштыр, бызмыр, яйман тиҙәр. Уларҙың һөнәри байрамдары уңайынан беҙ уларҙың төп сифатын аҡларға булдыҡ. Яйлап эш итеү - насармы?

22.02.2017

Рәсәй армияһын башҡа илдәр менән сағыштырыу - күптәрҙең яратҡан эше. Мәҫәлән, "Нэйшнл Интерест" баҫмаһында Майкл Коффман исемле журналсит Рәсәйҙең хәрби көсөн баһалаған. Уның әйтеүенсә, һуңғы йылдарҙа беҙҙең ҡораллы көстәр ярайһы уғ көс туплаған һәм яңырған. Әммә оҙайлы хәрби бәрелешкә әҙер түгел, тигән ул. Шул уҡ ваҡытта Рәсәйҙең төп ҡоралы - ул диверсия һәм шпионаж, тип баһаланған. Ә һеҙ нисек уйлайһығыҙ, хөрмәтле радиотыңлаусылар, илебеҙҙең...

21.02.2017

Бөгөн Халыҡ-ара туған телдәр көнө билдәләнә. Туған телде белеү - шәп нәмә. Башҡа телдәрҙе лә белергә кәрәк. Күптәр бөгөн сит телдәрҙе икмәкле-тоҙло белеп кенә сит илдәргә бара. Тартай теленән таба, йәки телде белмәү арҡаһында килеп сыҡҡан мажаралар тураһында һөйләгеҙ.

17.02.2017

Бөгөн Рәсәйҙә студенттар отрядтары көнө билдәләнә. Өлкән йәштәгеләрҙә хәтирәләр уятҡан һүҙҙәр бар. "Студотряд" һүҙе - шуларҙың береһе. "Картуфлыҡҡа" тигән бойороҡто кемдер ҡурҡып, кемдер талпынып көттө. Ә кемгәлер йылы яҡтарҙа ҡарбуз, мамыҡ йыйыу бәхете тейгән. Бөгөн дә студенттарҙың хеҙмәт отрядтары бар. Әммә бөгөн беҙ һеҙгә хәтирәләргә сумырға тәҡдим итәбеҙ. Студотрядтар менән бәйле иҫтәлектәрҙе беҙгә юллағыҙ.

16.02.2017

Аномаль төбәктәр беҙҙә бар, әммә улар ен-пәрейҙәр менән бәйле түгел. Улар кешегә көс бирә. Һуңғы йылдарҙа бындай урындарға ҡыҙыҡһыныу арта ғына. "Уралдың көслө урындары" тигән махсус туристик маршруттар ҙа ойошторола. Ә һеҙ юғары көсө булған урындарға ышанаһығыҙмы?

15.02.2017

Барлыҡ республика хоккей менән йәшәй, кисә уҙған уйындың шауҡымы.Салауат Юлаев командаһы йәнә көйәрмәндәрҙе ҡайғыртты. Был осраҡта "Аҡ Барыҫтың" көйәрмәндәрен. Төркөм этабында Юлаевсыларҙың шәптән булмаған уйындың сәбәбен ниҙә күрәһегеҙ?

14.02.2017

Мөхәббәт, белеүебеҙсә, дыуамал тойғо. Йәшкә лә ҡарамай. Тап шундай мөхәббәт тураһында һөйләшәбеҙ бөгөн. Беҙҙең тыңлаусылар араһында иң ҙур йәш айырмаһы булған парҙы эҙләйбеҙ. "Мөхәббәт йәшкә ҡарамай" тигәндең тере миҫалы булған кешеләр бармы беҙҙең арала?

13.02.2017

Ата-әсәләр ошо  көндәрҙә мәктәп уҡыусыларына әйләнә алды. Өфөлә үҙенсәлекле һынау үтте. Унда Берҙәм дәүләт имтиханы тапшырылды. Тик абитуриенттар ролендә ата-әсәләр булды. Ә беҙҙең радиотыңлаусылар Берҙәм Дәүләт имтиханын тапшыра алыр инеме икән?

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

төндә -3..-5°C
иртән -5..-7°C
көндөҙ 1..3°C
кис -1..1°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.