Беҙҙең проекттар

05.12.2018

Дуҫтар, беҙ һеҙҙе тырыш, уңған, әүҙем, илһөйөр һәм телһөйәр йәштәребеҙ менән таныштырыуыбыҙҙы дауам итәбеҙ. Бөгөн беҙҙең студияла "Башҡортостан йәш яҡташтар берлеге" ассоцияцияһы ағзалары: ассоцияцияның рәйесе урынбаҫары, Ғафури йәштәр берлеге ағзаһы Рәүзилә Юлыҡова, Баймаҡ йәштәр берлеге рәйесе Гөлфиә Сафина һәм Ейәнсура йәштәр берлеге рәйесе Илһам Рәхимғолов. (4 декабрь тура эфирынан яҙма.)

21.11.2018

Бөгөн беҙҙең студияла ҡумыҙға мөкиббән киткән, халҡыбыҙ көй-моңдарын бөтә донъя кимәлендә лә, үҙ халҡыбыҙ араһында ла пропагандалауға ваҡыттарын да, көстәрен дә йәлләмәгән ғаилә, шаулап-гөрләп үткән «Бери пример!» йәки «Өлгө ал, республика!» бәйгеһендә ҡатнашып, еңеп сығыусы Зәйнетдиновтар ғаиләһе. (20.11.18 тура эфирынан яҙма)

07.11.2018

Беҙҙе тыңлаусылар араһында һәр аҙна йәкшәмбе һайын Башҡортостан "Юлдаш" каналында эфирға сығыусы "Сулпылар" тапшырыуын яратып ҡараусы, унда ҡатнашыусы малайҙар һәм ҡыҙҙар ҙа күптер тип ышанабыҙ. Сөнки бөгөн беҙҙең студияла "Сулпылар - 2018" республика телевизвион конкурсын ойоштороусылар, бәйгенең телевизион вариантын әҙерләп зәңгәр экрандарға сығарыусылар үҙҙәре: тапшырыуҙың мөхәррире Асия Шашмина, ҡуйыусы режиссеры Гөлсәсәк Игебаева һәм алып...

24.10.2018

Һәр быуын үҙенән аҡыллыраҡ, зиһенлерәк, тәрбиәлерәк алмаш ҡалдыра алһа ғына кешелек донъяһында үҫеш була. Кеше ғүмерен тәрбиәле балалары, изге эше, уның хаҡынағы яҡты иҫтәлектәр дауам итә, тиҙәр.

Бөгөнгө "Йондоҙло ғаилә" циклына журналист, сатирик, "Башҡортостан" газетаһының бүлек мөдире Венер Айҙар улы Исхаҡовты саҡырҙыҡ. Ул беҙгә ҡыҙы Алтынай менән килде.( 23 октябрь тура эфирынан яҙма.)

25.09.2018

Бөгөнгө студия ҡунағы - педагог-тренер, бейеүсе, математик, сәхнә хәрәкәте һәм умыртҡа һөйәген нығыта белеү оҫтаһы, уҡсы.  Ул - Башҡортостандың атҡаҙанған бейеүсеһе Урал Мортазин. Шулай уҡ уҡыусыһы йәш өмөтлө уҡсы Ансар Таштимеров та беҙҙең тапшырыуҙа ҡатнаша.Бөгөн беҙ уҡтан атыу хаҡында әңгәмә ҡорасаҡбыҙ. 

12.09.2018

Тапшырыуҙың бөгөнгө ҡунағы 5 ай Ҡытайҙа белем алып ҡайтҡан Башҡорт дәүләт педагогия университетының  профессиональ белем биреү һәм информацион техноглогиялар факультеты студенты, йәштәр араһында танылған йырсы Сабина Кучаева. (11 сентябрь тура эфирынан яҙма.) 

26.07.2018

Йәйге ялды файҙалы итеп үткәреү зарур. Ошо осорҙо файҙалы ғына түгел, ә нисек икеләтә файҙалы итеп үткәрергә кәрәк тигән һорауға яуапты Рафаэль атлы егет белә. Ул бер үҙе генә килмәгән - әсәһе, Рәсәй һәм Башҡортостан яҙыусылар һәм журналистар союзы ағзаһы, Шәһит Хоҙайбирҙин йорт-музейының ғилми хеҙмәткәре Рәзилә Ишбулды ҡыҙы Ырыҫҡужина ла беҙҙең студияла. (25 июль тура эфирынан яҙма.)

19.07.2018

Балалар өсөн ниндәй генә лагерҙар, һауыҡтырыу һәм ял үҙәктәре юҡ. 1999 йылдан бирле эшләүсе "Йәйләү" регион-ара лагерь тураһында белмәгән кеше һирәктер. Бында йыл һайын Башҡортостандан ғына түгел, күрше өлкәләрҙән, Мәскәү, Санкт-Петербург ҡалаларынан йөҙәрләгән бала ял итә. 

Бөгөн "Күпер"ҙә "Йәйләү" лагерында ял итеп ҡайтыусы Дания Ғәзизова һәм уның әсәһе, БР-ҙың атҡаҙанған уҡытыусыһы Илмира Миҙхәт ҡыҙы.(18 июль тура эфирынан яҙма.)

...
12.07.2018

Дуҫтар, беҙ һеҙҙе Тыуған илен, туған телен яратҡан дәртле, уңған, тырыш, һәләтле йәштәребеҙ менән таныштырыуыбыҙҙы дауам итәбеҙ. Тап шундай йәштәр ойошторҙо ла инде июль башында Баймаҡ районы Талҡаҫ буйында үткән "Аҫылташ - 2018" форумын. Һәм бөгөн беҙҙең студияла ошо матур, ҙур әһәмиәткә эйә сараны ойоштороусы, унда ҡатнашыусы йәштәр үҙҙәре: Рузилә Юлыҡова, Айзилә Мөлөкова, Рамазан Әхмәҙин.(11 июль тура эфирынан яҙма.)

05.07.2018

"Урал батыр" эпосын йәш башҡарыусыларҙың республика бәйгеһе тураһында Башҡортостанда ишетмәгән-белмәгән кеше һирәктер. Быйыл ул тағы ла Бөрйән ерендә, инде 20-се тапҡыр үткәрелде. Бәйгелә йылдағыса Башҡортостандың төрлө төбәктәренән халыҡ ижадына мөкиббән киткән, халҡыбыҙ тарихына битараф булмаған ҡыҙҙар һәм егеттәр ҡатнашты. 

Беҙ үҙебеҙҙең тапшырыуҙарҙа бәйгелә ҡатнашыусылар, еңеүселәр, балаларҙы конкурсҡа әҙерләүсе етәкселәр менән йыл...

29.06.2018

Мәктәптәрҙә уҡыу тамамланыу менән йәйге ял лагерҙары гөрләп эш башланы. Ғәҙәттә, лагерҙар ниндәйҙер бер юҫыҡта алып барыла: кемдәрҙер сит тел өйрәнә, берәүҙәр өсөн спорт йүнәлеше яҡыныраҡ. Һанай китһәң, ял лагерҙарының төрҙәре бик күп. Иң мөһиме - балалар тәбиғәт ҡосағында ял итә ала, тыуған яҡ үҫемлектәре, тау-күлдәре менән таныша ала. Шулай уҡ ял менән хеҙмәтте сиратлаштырған лагерҙар эшләй. Мәктәп яны баҡсаһында уҡыусылар үҙ ашханалары өсөн...

21.06.2018

Бөгөнгө "Күпер"ҙе "Мин - башҡорт" тигән йырҙан башланыҡ. Сөнки бөгөн беҙҙең студияла үҙ милләтен, тыуған илдәре Башҡортостан данын бөтә Рәсәйгә танытыусы, үҙҙәренең һәләттәре менән бөтә ил халҡын таң ҡалдырыусы ҡыҙҙар. Һеҙ, әлбиттә, уларҙы бик яҡшы беләһегеҙ: Учалы ҡыҙы, "Синяя птица" Бөтә Рәсәй йәш таланттар конкурсы финалисы 10 йәшлек Ләйсән Золотарева, Әбйәлил ҡыҙы, НТВ каналында барған "Ты-супер!" социаль музыкаль проект ҡатнашыусыһы 15 йә...

30.05.2018

Бөгөн беҙҙең студияла Ҡош юлынан яңы юл ярыусылар, яңы ҡанат ҡағыусылар, тәүге, әммә ышаныслы аҙымдарын яһаусылар - "Ҡош юлы.Балалар" проектында ҡатнашып, финалға сығыусылар: Әбйәлил районы Асҡар ауылынан Нәркәс Баймырҙина, Бөрйән районы егете Алмаз Ғәбитов һәм проектты етәкләүселәрҙең береһе режиссер Ләйсән Мәзитова. 

24.05.2018

Мәктәптәрҙә яңғыраясаҡ һуңғы ҡыңғырау байрамына теп-теүәл бер көн ҡалды. Ҡыңғырау моңона сорналып, шау-шыулы, күңелле мәктәп йылдары, ғәмһеҙ бала саҡ артта ҡаласаҡ.Ә алда һикәлтәле һуҡмаҡтары, борма-борма юлдары, борсолоуҙары, шатлыҡ-ҡыуаныстары менән үҙаллы тормош.  Әҙерме һуң улар, кисәге мәктәп уҡыусылары, оло тормош юлына баҫырға? Нимәһе менән улар хәтерендә ҡалған мәктәп йылдары. Был турала белергә теләһәгеҙ, беҙҙең менән ҡалығыҙ, дуҫтар!...

17.05.2018

16 майҙа "Башҡортостан" дәүләт концерт залында "Бирешмә" төркөмө изгелек һәм дуҫлыҡ байрамы уҙғарҙы. Төркөмдөң концертынан йыйылған аҡса Ғафури районында йәшәүсе Руслан Шәрәфетдиновтың һаулығын нығытыуға ярҙам буласаҡ. (16 май эфирынан яҙма)

03.05.2018

Ҡурай - тынлы музыка ҡоралы. Ғәҙәттә, үләндән ҡырҡып алып, тишектәр уйып эшләйҙәр. Төрҙәренә килгәндә улар бик күп төрлө. Ҡурай хаҡында ҡыҙыҡлы мәғлүмәттәрҙе бөгөнгө тапшырыуҙан ишетерһегеҙ, дуҫтар. "Күпер"ҙең  ҡунаҡтары - Юнир Һағынбаев һәм уның өйрәнсектәре - йәш ҡурайсылар Илмир Баязитов, Әғләм Юлгилдин. (25 апрель эфирынан яҙма.)

19.04.2018

Дуҫтар, беҙ һеҙҙе тылсымлы ла, серле лә әкиәт иленә саҡырабыҙ. Бөгөн беҙҙең студияла ҡунаҡта халыҡ ижадына ғашиҡ, бигерәк тә әкиәттәр яратыусы ҡыҙҙар, малайҙар һәм уларҙың ата-әсәһе. Улар әкиәттәрҙе уҡып, тыңлап ҡына ҡалмай, үҙҙәре лә шул тылсымлы әкиәт илендә йәшәй, әкиәт геройҙары булып донъяға баға, улар исеменән беҙҙе яҡшылыҡҡа өндәй, изгелектең яуызлыҡты еңеүен иҫбатлай. Борон-борон заманда түгел, беҙҙең көндәрҙә... Улар донъя халыҡтары ә...

13.04.2018

Бөгөн беҙҙең студияла "Тамыр" каналы ойошторған "Сулпылар" - 2004 Республика телевизион йыр-моң конкурсы, республика,  Рәсәй, халыҡ-ара кимәлендә үткән бәйгеләр еңеүсеһе популяр йәш йырсы Илнур Рамазанов.

13.04.2018

"Шаяниум" шаяндар һәм отҡорҙар ҡала конкурсы 16-сы тапҡыр гөрләп үтеп китте. Быйылғы бәйгелә күп командалар ҡатнашты. Шаяндар һәм отҡорҙар конкурсында Гран-при яулаусылар бөгөн беҙҙең студияла. Республика инженер лицей-интернатының "Башҡорттар.РУ" командаһы егеттәре улар.

29.03.2018

Мәктәптә уҡыу - бала саҡтың иң сағыу мәле. Иң мөһиме - ҡуйылған билдәләр ҙә, уҡытыу ысулдарының төрлөлөгө лә түгел. Иң мөһиме - хәүефһеҙлек. Бөгөнгө алып барасаҡ әңгәмәбеҙ каникулдар осоронда хәүефһеҙлек хаҡында. Студия ҡунаҡтары Ирхан һәм Мораҙым атлы шәп егеттәрҙе тәрбиәләүсе Әлфиә һәм Вадим Хәбировтарҙың татыу ғаиләһе.

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

төндә -11..-13°C
иртән -14..-16°C
көндөҙ -11..-13°C
кис -12..-14°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.