Беҙҙең проекттар

06.11.2017

Нимә ул Көҙән? Ошо һорау торғанда, күптәр Зәки Вәлидиҙең тыуған ауылын әйтер. Ә Көҙән башҡорто тигәндә, һүҙ уның үҙе тураһында барғанлығы билдәле. Йыртҡыс йәнлектең дә көҙән икәнлеге һәр кемгә мәғлүм. Шулай ҙа кем, йәки нимә ул көҙән? Бәлки, батыр исемелер. "Рухиәт " тапшырыуы ошо һорауға яуап бирер.

07.10.2017

Бөрйән районы Ғәлиәкбәр ауылына ҡағылышлы ер-һыу атамалары тураһында әйткәндә һүҙ үҙенән- үҙе Зәки Вәлиди эҙҙәренә бәйләнә. Сөнки, ул йәш сағында ошо ауыл эргәһендәге туғайлыҡтарҙа  атаһының солоғон япҡан, киске уйынға килгән. Ошо ауылдың аҡһаҡалы, мәғариф ветераны Рауил Ғәбитовтың сығышында ауылдаштарының ғына түгел, ә дөйөм башҡорт халҡының тарихы ла сағыла. 

09.09.2017

Ата-бабаларыбыҙ йәшәйешенең, көнкүрешенең айырылғыһыҙ өлөшө булған шөғөлдәре бихисап икәнлеге һәр кемгә мәғлүм.Хәҙерге көндә онотола барғандарының яңынан тергеҙелеүе ҡыуандыра. Мәҫәлән, кейеҙ баҫыу тураһында байтаҡ сығанаҡтар бар, шул йәһәттән саралар ойошторола. Тапшырыуҙа кейеҙ баҫыу тураһында ҡыҫҡаса һөйләгәндә "КЕЙЕҘ" тигән һүҙ хаҡында ла мәғлүмәт табылыр. Кемгәлер яңылыҡ, бәғзегә йыуаныс булыр. 

ҺҮРӘТТӘ: кейеҙҙән баҫылған ҡупшы шарф.

17.08.2017

     ,,Баҙыян,, тигәндә күптәр халҡыбыҙҙың ,,Шәүрә,, тигән йырын иҫенә төшөрә. Әммә, баҙыяндың нимә икәнлегенә ул тиклем иғтибар итмәйбеҙ. Ағасмы, хуш еҫ бөркөп торған сәскәме, үҫемлекме, ашарға яраҡлымы, орлоҡтан, йә тамырҙан үрсейме, күпйыллыҡмы һәм башҡа ошоға оҡшаш һорауҙарға яуаптар  һәр кем өсөн ҡыҙыҡлылыр. Ҡайһы берҙәренә яуап эҙләргә тәүәкәлләйек. Ағас һауыт, ҡашығаяҡтарҙы  ла баҙыян тиҙәр, хуш еҫле сәскәләрҙең дә шулай әйтелеше иҫтә.

22.07.2017

Гуманитар фән

15.07.2017

Һәр нәмә, хатта, ҡайһы бер үҫемлектәр ҙә бер мәлдә генә була, бер урында ғына үҫә. Икенсе урынға алып барып, ҡәҙерләп торһаң да, ят ерҙе үҙһенмәй, хатта бөтөнләй юҡҡа сыға. Музыка ҡоралдары буйынса ла шул уҡ күренеш. Дәүер силсиләләре арҡаһында күбеһе юҡҡа сыҡҡан. Тынлы музыка ҡоралдары араһынан хәҙер онотола барғандарының береһе- борғо.  Урта быуындыҡылар көслө тауышлы, баҫмаҡһыҙ, еҙ борғоларҙы мәктәп эскәмйәһендә ултырған сағынан уҡ яҡшы белә. Борғолар ҡысҡыртып, барабандар һуғып, пионер салюттары менән ветерандарҙы ҡаршы алып, уларға ҡыҙыл галстуктар бәйләүҙәр, матур иҫтәлек булып ҡалды. Тапшырыуҙа шул мәлдәрҙе бер аҙ иҫләгәндә ,,борғо,, тигән һүҙ хаҡында ла мәғлүмәт ишетерһегеҙ. 

10.06.2017

Төрки сығанаҡлы ер-һыу атамалары кеше исемдәренән, төҫө буйынса, обьекттың формаһы,ҙурлығы буйынса, ҡасан барлыҡҡа килеүенә ҡарап яһалыуы мөмкин. Хайуандар,ҡоштар,балыҡтар  исеменән алынған ер- һыу атамалары ла байтаҡ. Уларҙың береһе -"Ҡарға" тигәне йышыраҡ осрай. Тапшырыу шул хаҡта бара.

11.06.2016

Халҡыбыҙ ҡоштарға исемде төрлөсә биргән. Төҫөнә, тауышына, булмышына, осоуона, йөрөшөнә лә иғтибар иткән. Ауылдан ситтә, йә яланда йәшәүендә күҙ уңында тотҡан. Тапшырыуҙа ҡоштар тураһында тыңларбыҙ. Атаҡлы ғалимбыҙ, профессор Эрнст Файхрахман улы ҡатнаша.

11.06.2016

Һабан нимә ул?

11.06.2016

Ҡапкаларҙың да үҙ яҙмышы була. Ҡайылары  күп тә тормай йығыла, емерәләр, яндыралар, бәғзеләрен йылдар буйы төҙөйҙәр... Ике яҡты тоташтырыусы күпер кеүек тә ул. Күренгәне лә, күренмәгәне дә бар. Күренгәне- матди тормош, күренмәгәне- рухи. Икеһе лә кәрәк һәм мөһим. Ғөмүмән, нимә ул ҡапҡа? Ошо һорауға яуапты бергәләп эҙләйек.

10.06.2016

Башҡортостан башҡорт телендә региональ диктант яҙа.

20.04.2016

Аттарҙың төҫө , ҡашҡалары хаҡында тыңлағыҙ. Һүрәттә: ҡул эшем дә аттарҙың ҡашҡаһына бәйле.

20.04.2016

Һөйөү, мөхәббәт, наҙ, кеүек нескә тойғоларға, иркәлекте аңлатҡан һүҙҙәребеҙ ҙә, ер-һыу атамаларыбыҙ ҙа бихисап. Әлеге тапшырыуҙа ,,наҙ,, тигән Һүҙгә бер аҙ асыҡлыҡ индереп, шулай аталған йылға исеме хаҡында Һөйләрбеҙ.

01.04.2016

1 апрель- Көлкө көнө тип һәр кем мәрәкәләшергә тырыша. Кемдер был көн тураһында онотоп ебәрә.Көлкө һәм йор һүҙҙәр хаҡында һөйләшәйек.

18.03.2016

ХХ быуат башына ҡәҙәр Башҡортостанда документтарҙы йыйыу, уларҙы һаҡлауҙы ойоштору менән Ырымбур һәм Өфө губерна ғилми архив комиссиялары, Өфө губерна музейы, земство һәм статистика органдары, Өфө епархияһы, Ырымбур Дини Мосолман йыйылышы шөғөлләнгән.Тапшырыуҙа һүҙ шул хаҡта бара. Шулай уҡ ,, архив,, тигән һүҙ мәғәнәһе тураһында ла мәғлүмәт бар.

04.03.2016

Шишмә районы Йәшекәйгә бынан бер быуат элек Һарайлы-Моталиптан 11 ғаилә күсеп килеп нигеҙләй. Меңле ырыуы еренә заманында Әбей батша ла ҡыҙыҡҡан. Уның турала әлеге Йәшекәй ерҙәренә бәйле хәтирәләр ҙә бар. Тапшырыуҙа һүҙ ауылға Йәшекәй тигән исем биреүҙәре һәм уның ер- һыу атамалары тураһында бара.Ошо ауыл тураһында йәнә лә тапшырыуҙар яҙыласаҡ, өҫтәлмәләр планлаштырыла.

20.02.2016

      "Рухиәт" тапшыруының сираттағы сығарышылы "Салауат Юлаев" фильмының 75 йыллығына бәйле "кино" тигән һүҙ хаҡында яҙылды. Эштән бер аҙ туғарылған мәлдә кемдер кинотеатрҙарға барып, бәғзеләр телевизор ҡаршында үҙе яратҡан киноһын ҡарай. Совет заманында төшөрөлгәндәрен яратам тиһә лә, ғәжәп түгел. Әхләҡте, хеҙмәтте, илһөйәрлекте күтәрмәләгән киноларҙың тәбиәүи яҡтары һанһыҙ. Шундайҙарҙың береһе ,,Салауат Юлаев,, киноһы төшөрөлөп, тәүге тапҡыр халыҡҡа күрһәтелеүенә 75 йыл тулыуға арнап "кино" тигән һүҙ мәғәнәһенә иғтибар итәйек. Милли архивта һаҡланған Башҡортостан киноһына бәйле документтарҙан миҫалдар еткерелә. Шулай уҡ Башҡоростандағы кино сәнғәте хаҡында ла ҡыҫҡаса мәғлүмәттәр бар. Һүрәттә: Арслан Мөбәрәков 1940 йылда төшөрөлгән ,,Салават Юлаев кинофильмында батыр ролендә.

08.02.2016

"Рухиәт" тапшырыуының сираттағы сығарылышы ,,студент,, тигән һүҙҙең мәғәнәһе, тәржемәһе хаҡында яҙылды. Шул турала Башҡорт дәүләт университетының ғәрәп теле уҡытыусыһы, шәрҡиәтсе Илгиз Ғафаров һәм башҡалабыҙҙың З. Биишева исемендәге 140 -сы башҡорт гимназияһының инглиз теле уҡытыусыһы Венера Әхмәтоваларҙың сығышында ишетерһегеҙ. Һүрәттә: шәрҡиәтсе Илгиз Зөфәр улы Ғафаров

27.01.2016

Ырымбур башҡорттары -“Урал батыр” эпосында телгә алын¬ған Яйыҡ йылғаһы буйында ҡасандыр көн иткән ата-бабаларыбыҙҙың вариҫтары. Улар төйәкләгән тарихи Туҡ - Соран буйыныҡылар ҡыпсаҡ, табын, мең, үҫәргән һәм башҡа башҡорт ырыу¬ҙары вәкилдәре. Тапшырыуҙа шул йылға буйҙарында төйәкләнгән Александровка районы башҡорттары биргән ауыл исемдәре тураһында ишеткән- күргәндәребеҙҙе һөйләргә булдыҡ.. Сөнки, өлкә башҡорттары көнө лә Туҡ буйында Ҡайыпҡол ауылы яланында үтте. Шулай уҡ Башҡортостандағы, бигерәк тә Дим, Эзәк буйындағы ер- һыу атамалары менән уртаҡ исемдәр, бигерәк тә гидронимдар, йәғни һыу сығанаҡтарына бәйлеләре лә етәрлек.

27.01.2016

Утар- ауылдан күсеп ултырған бер- нисә йорт Һәм шулар биләгән ер, алыҫҡараҡ сығарып Һалынған йорт, ҡаралдылы бәләкәй хужалыҡ берәмеге. Һүҙлектәрҙә - рус, фарсыларҙан килгән ,,хутор,, тигән Һүҙ тип яҙылҺа ла, беҙҙең өсөн яңғырашы менән бабаларыбыҙҙың ,,ут,, Һәм ,,ар,, Һүҙенән торған кеүек. Ошо ике Һүҙҙе ҡушып әйтеү менән хутор, йәғни утарҙың мәғәнәҺе бик үк үҙгәрмәй ҙә, боҙолмай ҙа. Бабалырыбыҙҙың үләнде ,,ут,, тип әйтеүҙәре Һәр кемгә мәғлүм. "Ар"- рус Һәм фарсыларҙың Һүҙе- үлсәү берәмеге. Йөҙ квадрат метрға тигеҙ булған ер үлсәү берәмеге, гектарҙың йөҙҙән бер өлөшө. Мәҫәлән, аршин. Усаҡлы, мул үләнле, үлсәп алынған ерҙе икенсе төрлө әйткәндә- утар. Тапшырыуҙа ошо һүҙгә тәрәнерәк мәғәнә бирелә.

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

төндә 0..2°C
иртән 0..-2°C
көндөҙ 3..5°C
кис -1..1°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.