Беҙҙең проекттар

22.05.2017

Был донъяның иң ҙур һөйөнөсө -

Яңы тыуған бала тауышы.

Ул бит иртәгәгә оран һалыу,

Ул киләсәк менән ҡауышыу, - тигән шағир. Иртәгәгә оран һалған, ул ғына ла түгел, бәхеттән һәм шатлыҡтан бүтәндәрҙе лә ҡысҡыртҡан, йырлатҡан, илһамландырған бәпестәр, май ҡыҙҙары һәм малайҙары тураһында һөйләшәбеҙ.

19.05.2017

Белгестәр дәллиләүенсә, үҙең  тыуған ерҙә үҫкән аҙыҡ-түлек һинең һаулығыңа яҡшы йоғонто яһай. Иммунитет ныҡ була, төрллө аллергик ауырыуҙарға бирешеп бармайһың. Һәр милләттең үҙ рационы була. Беҙҙең ата-бабаларыбыҙ, мәҫәлән, ер ҡарҙан әрселеп, тәүге йәшеллек күренеү менән, төрлө аштар бешергән, файҙалы үҫемлектәрҙең тиҫтәләгән төрөн ашауҙа ҡулланған. Бөгөн беҙ улар хаҡында нимә беләбеҙ, нисек ҡулланабыҙ? Һөйләшеүҙә ошо һорауҙарға яуап эҙләйбеҙ...

18.05.2017

Федоровка районы – Башҡортостандың көньяҡ-көнбайыш өлөшөндә урынлашҡан. Ул Стәрлебаш, Мәләүез, Көйөргәҙе райондары, Ырымбур өлкәһе менән сиктәш. 1935 йылда Мәләүез һәм Стәрлебаш райондарын бүлеү һөҙөмтәһендә ойошторола. Административ үҙәге – Федоровка ауылы. Өфөнән 200 саҡрым алыҫлыҡта урынлашҡан. Данлы Дим һәм Ашҡаҙар йылғалары Федоровка ерендә баш ала.

17.05.2017

1941 йыл. Һуғыш башланған йылдың ҡышы. Башҡорт дәүләт филармонияһында музыкаль-әҙәби лекторий эш башлай. Уны Мәскәүҙән Өфөгә эвакуцияланған билдәле музыка белгесе һәм лектор Григорий Поляновский ойоштора. Концерт-лекцияларҙың төп маҡсаты – халыҡтың патриотик рухын күтәреү була. 70 йылдан ашыу тарихы булған музыкаль-әҙәби лекторий әле лә уңышлы эшләй. Филармонияның иң тәүге коллективтарының береһе юбилейын билдәләй. Оло байрамды ул ниндәй уңышт...

16.05.2017

“Бер кем дә онотолмаған”. Бөйөк Еңеү көнө уңайынан “Юлдаш” радиоһы үткәргән күләмле акция шулай тип аталды. Орел өлкәһе Колпна районына сәфәр тәьҫораттары менән һөнәрҙәштәребеҙ - Башҡортостан юлдаш телевидениеһы хәбәрсеһе Морат Лоҡманов, Юлдаш радиоһы хеҙмәткәре Гөлнара Шәмсетдинова һәм йырсы, ҡурайсы Сәйет Билалов уртаҡлаша.

12.05.2017

Шәфҡәт туташы – урта махсус медицина белемле хеҙмәткәр, дауалау-профилактик учреждениеларҙа табип ярҙамсыһы булараҡ эшләй, табип күрһәтмәләрен үтәй, ер йөҙөндәге иң шәфҡәтле һөнәрҙәрҙең береһе һанала. Сирлеләргә иғтибар, юғары рухи кимәл, йомшаҡ, изге күңел, профессионализм – бына ниндәй төп сифаттарға эйә булырға тейеш бөгөн беҙ “Самауыр янында”телгә алған замандаштар.

 

 

11.05.2017

"Самауыр янында" тапшырыуында башҡорт бейеү сәнғәте легендаһы, республиканың халыҡ артисы Рәшиҙә Туйсина ҡатнаша. 

 

…Мәскәү. Кремль һарайы. Концерттың бер ни тиклем өлөшө үткәс, сәхнә артына Фәйзи Ғәскәров килеп инде лә: «Туйсина, на Загиду!» - тине. Тиҙ арала кейенеп сыҡтым да, бейенем. Көй бөттө, тынлыҡ. «Ни эшләйем икән, сығайым да икенсе бейеүгә әҙерләнәйем», - тип уйлап өлгөрмәнем, зал дәррәү алҡышлап е...

10.05.2017

    Һандуғас та, Ғәлиәбаныу ҙа, Ғәлимә лә, Зөлхәбирә лә, Шәфәҡ тә, Зөбәржәт тә ул. 45 йыл ғүмерен сәхнәгә арнаған Рәсәйҙең атҡаҙанған, Башҡортостандың һәм Татарстандың халыҡ артисы Илсөйәр Ғәзетдинованың тағы бик күп ролдәре, бигерәк тә яңы “Из Уфы с любовью” исемле кинофильмдағы Зөһрә өләсәй роле тураһында “Самауыр янында” һөйләштек.

 

 

02.05.2017

Ғәҙәттә, майҙа ер ҡоро, көндәр йылы була. Яндырылған сүп-сар, уйламай ырғытылған төпсөк, башҡаһы – оло ҡаза килтереүе ихтимал. Шуға ла күп төбәктәрҙә янғын хәүефе кәмемәй. Республикала 1 майҙан 1 июнгә тиклем янғынға ҡаршы махсус режим индерелгән. Янғын һүндереү хеҙмәте был хаҡта хәтергә төшөрә һәм яланда, баҡсала усаҡ яғыуҙан тыйылып торорға, яҡҡанда ла утты контролдә тоторға кәңәш итә. Ҡағиҙәләр үтәләме икән? Был һорауҙы тыңлаусыларыбыҙға би...

28.04.2017

Башҡортостан элек  - электән оҫта  бейеүселәр менән дан алған. Һәр төбәктең бер баҫҡанда осҡон сәсер уҙамандары, ойотоп ҡына баҫыр һылыуҙары бар. Төшкө табында улар хаҡында һөйләшәбеҙ, шулай уҡ район-ҡалаларҙа эшләп килгән бейеү коллективтары менән танышабыҙ.

28.04.2017

Башҡортостан элек-электән оҫта  бейеүселәр менән дан алған. Һәр төбәктең бер баҫҡанда осҡон сәсер уҙамандары, ойотоп ҡына баҫыр һылыуҙары бар. Төшкө табында улар хаҡында һөйләшәбеҙ, шулай уҡ район-ҡалаларҙа эшләп килгән бейеү коллективтары менән танышабыҙ.

27.04.2017

Благовар районы Башҡортостандың үҙәк өлөшөндә урынлашҡан. Ул Саҡмағош, Кушнаренко, Шишмә, Дәүләкән, Бүздәк райондары менән сиктәш.  1935 йылдың ғинуарында Топорнин районын, Бүздәк һәм Шишмә райондарын бүлгеләү арҡаһында ойошторола. Административ үҙәге – Языков ауылы. Иң ҙур ауылдары - Благовар һәм Иҫке Күсәрбай.

26.04.2017

Учалы районының Яңы Байрамғол ауылында тыуып үҫ­кән Нажия Һибәт ҡыҙы Аллаярова бәлә­кәстән йырларға ярата. Уға өләсәһе Хөсниямал менән әсәһе Мәүжиҙә моңло халыҡ йырҙарын өйрәтә. Алтынсы класта уҡыған сағында уҡ сағыу тауышлы ҡыҙсыҡтың сығышын Баш­ҡортостан радиоһына яҙҙыралар. Өфө сәнғәт училищеһында һәләтле ҡыҙ Миләүшә Ғәли ҡыҙы Мортазина класына эләгә. Уҡытыу дәүерендә бик күп йондоҙҙар ҡабыҙасаҡ педагогтың тәүге уҡыусыларының береһе була ул...

25.04.2017

"Ҡайын йәме - туҙ менән, өйҙөң йәме - ҡыҙ менән" тигән халҡыбыҙ. “Самауыр янында” ҡыҙҙар-йондоҙҙар тураһында һөйләшәбеҙ. Кемдәрҙең йорто тураһында наҙлы йорт тиҙәр? Тик ҡыҙҙар ғына тәрбиәләгән ғаиләләр беҙҙә күпме икән? Ҡыҙ бала тәрбиәләүҙең төп шарты ниндәй? Ҡыҙҙарығыҙ һеҙҙе ниҙәр менән ҡыуандыра? Ошо һәм башҡа һорауҙарҙы йырлы табын ҡунаҡтарына бирҙек.

24.04.2017

Республикабыҙҙа Һуғыш һәм хеҙмәт ветерандарын, теге йәки был ойошмала эшләп, хаҡлы ялға сыҡҡандарҙы берләштергән ойошмалар бик күп.  Тапшырыуҙа уларҙың эшмәкәрлеге тураһында һөйләшәбеҙ.

21.04.2017

Ғаиләләге иң ҡыуаныслы һәм оло ваҡиға – ул бәпес тыуыу. Был хаҡта бар ғәләм ишетерлек итеп хәбәр таратыу, һөйләү хуплана ғына. Динебеҙҙә лә бәпес тыуҙы тигән хәбәр менән уртаҡлашыу фарыз тиелгән.

20.04.2017

Миәкә районы Башҡортостандың көньяҡ-көнбайыш өлөшөндә урынлашҡан. Әлшәй, Стәрлетамаҡ, Стәрлебаш, Бишбүләк райондары, Ырымбур өлкәһе менән сиктәш. 1930 йылдың 20 авгусында Ҡырғыҙ-Миәкә районы булараҡ ойошторола. 1933 йылдың сентябренән алып хәҙерге исемен йөрөтә.  Майҙаны ике мең квадрат километрҙан ашыу. 

19.04.2017

Билдәле йырсы Харис Шәриповтың үҙенсәлекле моңон, матур йырҙарын күптәр үҙ итә. Уның менән илһамлы ижад, яңы йырҙар тураһында һөйләшәбеҙ.

18.04.2017

Үҙенсәлекле, мауыҡтырғыс, кисерештәргә бай шиғриәт донъяһынан башҡа йәшәй аламаған замандаштарыбыҙ бик күп. Үҙҙәренең күңел тойғоларын аҡ ҡағыҙға төшөргән, “үҙем өсөн генә” тип шиғыр яҙғандар беҙҙе тыңлаусылар араһында ла байтаҡ. 

14.04.2017

Тапшырыуға Нефтекама дәүләт филармонияһы етәксеһе Рәис Исмәғилев саҡырылған. 

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

төндә 6..8°C
иртән 6..8°C
көндөҙ 10..12°C
кис 8..10°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.