Беҙҙең проекттар

19.07.2017

Үҙенсәлекле бала... Физик йәки психик сәләмәтлеге буйынса мөмкинлеге сикле бала тураһында бөгөн йыш ҡына шулай тиҙәр. Үҙенсәлекле балаға тейешле белем биреү, уны оло тормошҡа әҙерләү – йәмғиәтебеҙҙең төп бурыстарының береһе булып тора. “Самауыр янында” ошо мәсьәләләр хаҡында  ,,Әсә йөрәге,, төбәк йәмәғәт ойошмаһы етәксеһе Гөлшат Ибраһимова менән һөйләшәбеҙ.

18.07.2017

Балаларҙың йәйге ялын ойоштороуҙың төрлө формалары бар: ҡала ситендәге лагерҙар, балалар шифаханалары, профилле лагерҙар, ял йорттары, мәктәп лагерҙары һәм ялдың ,,ауылда, олатай - өләсәй янында,, тигән үҙенсәлекле төрө. Һәр кем үҙенең мөмкинлектәренән сығып, ялдың төрлө ысулын һайлай. 

14.07.2017

Тау битләүе уйҙыҡ – уйҙыҡ

Ҡыҙарып бешкән еләк,

Ҡыҙарып бешкән еләктең

Йылмайыуы ла ирмәк.

Их, үтә шул тиҙ генә,

Еләк мәле бер генә...

13.07.2017

Нуриман районы – Башҡортостандың үҙәк өлөшөндә урынлашҡан. Ҡариҙел, Дыуан, Салауат, Иглин, Благовещен райондары һәм Силәбе өлкәһе менән сиктәш. 1930 йылдың 20 авгусында Иҫке Күл районы булараҡ ойошторола. Административ үҙәге – Ҡыҙылъяр ауылы. Өфөнән 100 саҡрым алыҫлыҡта урынлашҡан.

12.07.2017

 “Мәргән уҡсы”. Традицион уҡтан атыуҙы тергеҙеү һәм популярлаштырыуҙы маҡсат итеп ҡуйған хәрәкәт шулай тип атала. Республикабыҙҙа уның барлыҡҡа килеүенә бер йыл ғына. Әммә ошо арауыҡ эсендә бик күп эштәр эшләнде. Уҡтан атыу буйынса төрлө ярыштар үтте, байтаҡ оҫталыҡ дәрестәре ойошторолдо. 13-16 июлдә иһә уҡсылар оло сараға – “Мәргән уҡсы” халыҡ-ара фестиваленә йыйыла. Берҙәмлек һәм мәргәнлек байрамы ҡайҙа үтәсәк? Ярыштарҙың үҙенсәлеге ниҙә? Ошо һәм башҡа һорауҙарҙы төшкө табын ҡунаҡтары, "Мәргән уҡсы" хәрәкәте етәксеһе Юлай Ғәлиуллин менән Денис Өмөтбаевҡа бирҙек. 

11.07.2017

Төшкө табында иғтибар үҙәгендә татыу парҙар, 30, 40 йыл, ярты быуат, йәки унан да күберәк бергә йәшәгән күркәм ғаиләләр. Һәр бер ауылда, ҡалала бер-береһен ярты һүҙҙән аңлап, килешеп йәшәгән, уңған һәм тәртипле балалар тәрбиәләгән матур ғаиләләр бар. Төшкө табын ҡунаҡтарына улар тураһында һөйләргә тәҡдим иттек. Татыу парҙарҙың үҙҙәрен дә самауыр сәйенә саҡырҙыҡ. Тапшырыуҙа шулай популяр автор-башҡарыусы, журналист Гөлфиә Шәүәлиева ла ҡатнаша.

10.07.2017

Һыйлы көнөң һыйырҙа, ти халҡыбыҙ. Бөгөн ауылда йәшәүселәр күпләп һыйыр аҫрап, төрлө һөт ризығы эшләргә өйрәнеп алды. Күптәре баҙарға алып сығып, ярайһы уҡ табыш ала. Ағы барҙың туғы бар тигәндәй, егәрле хужабикәләр көн дә тиерлек һөттән беҙ онота барған төрлө ризыҡ әҙерләй.

07.07.2017

Оҙаҡ йылдар ситтә йәшәп, тыуған яҡтарына әйләнеп ҡайтҡандар үҙҙәренең уй-фекерҙәре менән уртаҡлаша.

06.07.2017

Бәләбәй районы Башҡортостандың көньяҡ-көнбайыш өлөшөндә урынлашҡан. 1930 ойошторолған. Майҙаны 1869 км². Район үҙәге — Бәләбәй ҡалаһы.

 

 

05.07.2017

Биология фәндәре кандидаты, диетолог, нутрициолог Гөлназ Хәсәнова менән сәләмәт туҡланыу серҙәре тураһында һөйләшәбеҙ. 

04.07.2017

Ағы-туғын эш иткән, баҡсалағын да аҡсаға әйләндергәндәр менән йәнле әңгәмә.

03.07.2017

 Кемдәрҙә малай бар? Ә кемдәрҙең өйө хаҡында киләсәктә “Ҡыҙлы йорт - наҙлы йорт” тип һөйләйәсәктәр? Әсәйлек һәм атайлыҡ тойғоларын башлап кемдәр кисергән дә, кемдәр олатай - өләсәй булған? “Самауыр янында” бәпестәр-бәләкәстәр тураһында һөйләшәбеҙ.

30.06.2017

,,Минең өсөн ике генә йыл миҙгеле бар: береһе уның йәйҙе көтәм булһа, икенсеһе – йәмле йәйҙең үҙе", - тигән берәү шаяртып. Быйылғы йәйҙе көтөп-көтөп көтөк булдыҡ. Ямғыр муллыҡ-байлыҡҡа тип үҙебеҙҙе нисек кенә йыуатмайыҡ, ямғырҙарҙан биҙеп бөттөк инде. Ана шул ямғырлы көндәр сәйәхәттәргә ҡамасау булдымы икән? Быйыл тыңлаусыларыбыҙ ҡайҙарҙа булған? Ниҙәр күргән? Төрлө сәфәр тәьҫораттары менән урталашырға теләгәндәрҙе төшкө табынға йыйҙыҡ.

29.06.2017

Һуңғы йылдарҙа әүҙем йәштәр өсөн төрлө проекттар байтаҡ ойошторола. Улар йәштәрҙе туплау, үҙ-ара тәжрибә уртаҡлашыу, халҡыбыҙҙың милли мәҙәниәтен һәм рухи-әхлаҡи ҡиммәттәрен, сәләмәт йәшәү рәүешен пропагандалау, милләт-ара татыулыҡты нығытыуҙы маҡсат итеп ҡуя. "Самауыр янында" быйылғы проекттар тураһында һөйләшәбеҙ.

28.06.2017

Тимур Рамазанов күптән түгел генә Хакасияла үткән III "Ут йыры" Бөтөн Рәсәй этник эстрада фестиваль-конкурсында Башҡортостан исеменән сығыш яһап, беренсе урынға лайыҡ булды. Тимурҙы ошо еңеү менән ҡотланыҡ һәм ижадына ҡағылышлы һорауҙар бирҙек.

27.06.2017

"Йәшлек – гел шулайҙыр: дыуамал аҙыраҡ,

Аҡылға – һайыраҡ, хистәргә байыраҡ",  

- тип яҙа Башҡортостандың халыҡ шағиры Марат Кәримов. "Юлдаш" радиоһын тыңлаған апайҙарға һәм ағайҙарға дыуамал, хистәргә бай йәшлек йылдарын иҫкә алырға тәҡдим иттек.

23.06.2017

    Халыҡты өмөтһөҙлөктән аралаған, сабыр булырға өйрәткән, тыуым-үлемгә бәйле эштәрҙе атҡарған, күңел паклығына, изге ғәмәлдәргә әйҙәгән Иман йорттарын кемдәр төҙөй, кемдәр төҙөлөшкә бәйле мәшәҡәттәрен, матди сығымдарын үҙ өҫтөнә алған, намаҙға йөрөүселәр бармы, имам-хатибтар нисек эшләй, ғөмүмән, яңы мәсет ауыл күркенә әйләндеме? Самауыр янында ошо хаҡта һөйләштек.

 

21.06.2017

Бөгөн беҙ радиотыңлаусыларыбыҙ менән бергә ынйы эҙләнек. Эште еңеләйтер өсөн студияға ҡунаҡ саҡырҙыҡ. Бөрйән егете, БДОБТ солисы Айгиз Ғиззәтуллин менән осрашыуҙы тыңлаусыларыбыҙ ниңә яңы йондоҙ асыуға тиңләне?  Ниндәй ынйы? Уны ҡайҙан эҙләргә? Яуаптар - яҙмала.

20.06.2017

Күк йөҙө, ер, яҡты донъя,

Беҙҙең көйлө өй бит ул.

Ғүмер үҙе – серле, моңло,

Тыңлап туймаҫ көй бит ул.. – тип ҡайтауаздай йәшлек йылдарына алып китер, йәки берәй үтә лә иҫтәлекле ваҡиға менән бәйләр йыр-көйҙәрҙе хәтерләп, фондыбыҙҙан табылғандарын тыңлап, төшкө мәлде бергәләп матур хис-тойғоларҙа үткәрҙек.

16.06.2017

Һандыҡтарҙа һаҡланған ҡәҙерле ҡомартҡылар, улар менән бәйле тарихтар. 

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

көндөҙ 0..2°C
кис -1..-3°C
төндә -4..-6°C
иртән -4..-6°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.