Беҙҙең проекттар

16.05.2017

“Бер кем дә онотолмаған”. Бөйөк Еңеү көнө уңайынан “Юлдаш” радиоһы үткәргән күләмле акция шулай тип аталды. Орел өлкәһе Колпна районына сәфәр тәьҫораттары менән һөнәрҙәштәребеҙ - Башҡортостан юлдаш телевидениеһы хәбәрсеһе Морат Лоҡманов, Юлдаш радиоһы хеҙмәткәре Гөлнара Шәмсетдинова һәм йырсы, ҡурайсы Сәйет Билалов уртаҡлаша.

12.05.2017

Шәфҡәт туташы – урта махсус медицина белемле хеҙмәткәр, дауалау-профилактик учреждениеларҙа табип ярҙамсыһы булараҡ эшләй, табип күрһәтмәләрен үтәй, ер йөҙөндәге иң шәфҡәтле һөнәрҙәрҙең береһе һанала. Сирлеләргә иғтибар, юғары рухи кимәл, йомшаҡ, изге күңел, профессионализм – бына ниндәй төп сифаттарға эйә булырға тейеш бөгөн беҙ “Самауыр янында”телгә алған замандаштар.

 

 

11.05.2017

"Самауыр янында" тапшырыуында башҡорт бейеү сәнғәте легендаһы, республиканың халыҡ артисы Рәшиҙә Туйсина ҡатнаша. 

 

…Мәскәү. Кремль һарайы. Концерттың бер ни тиклем өлөшө үткәс, сәхнә артына Фәйзи Ғәскәров килеп инде лә: «Туйсина, на Загиду!» - тине. Тиҙ арала кейенеп сыҡтым да, бейенем. Көй бөттө, тынлыҡ. «Ни эшләйем икән, сығайым да икенсе бейеүгә әҙерләнәйем», - тип уйлап өлгөрмәнем, зал дәррәү алҡышлап ебәрҙе! Бер нисә тапҡыр баш эйергә сығырға тура килде…

   Күренекле бейеүсе, Рәсәйҙең атҡаҙанған, Башҡортостандың халыҡ артисы, Салауат Юлаев исемендәге дәүләт премияһы лауреаты Рәшиҙә Туйсинаның тапшырыу барышында яңғыраған бер хәтирәһе генә был. 

 

 

...
10.05.2017

    Һандуғас та, Ғәлиәбаныу ҙа, Ғәлимә лә, Зөлхәбирә лә, Шәфәҡ тә, Зөбәржәт тә ул. 45 йыл ғүмерен сәхнәгә арнаған Рәсәйҙең атҡаҙанған, Башҡортостандың һәм Татарстандың халыҡ артисы Илсөйәр Ғәзетдинованың тағы бик күп ролдәре, бигерәк тә яңы “Из Уфы с любовью” исемле кинофильмдағы Зөһрә өләсәй роле тураһында “Самауыр янында” һөйләштек.

 

 

02.05.2017

Ғәҙәттә, майҙа ер ҡоро, көндәр йылы була. Яндырылған сүп-сар, уйламай ырғытылған төпсөк, башҡаһы – оло ҡаза килтереүе ихтимал. Шуға ла күп төбәктәрҙә янғын хәүефе кәмемәй. Республикала 1 майҙан 1 июнгә тиклем янғынға ҡаршы махсус режим индерелгән. Янғын һүндереү хеҙмәте был хаҡта хәтергә төшөрә һәм яланда, баҡсала усаҡ яғыуҙан тыйылып торорға, яҡҡанда ла утты контролдә тоторға кәңәш итә. Ҡағиҙәләр үтәләме икән? Был һорауҙы тыңлаусыларыбыҙға бирҙек. 

28.04.2017

Башҡортостан элек  - электән оҫта  бейеүселәр менән дан алған. Һәр төбәктең бер баҫҡанда осҡон сәсер уҙамандары, ойотоп ҡына баҫыр һылыуҙары бар. Төшкө табында улар хаҡында һөйләшәбеҙ, шулай уҡ район-ҡалаларҙа эшләп килгән бейеү коллективтары менән танышабыҙ.

28.04.2017

Башҡортостан элек-электән оҫта  бейеүселәр менән дан алған. Һәр төбәктең бер баҫҡанда осҡон сәсер уҙамандары, ойотоп ҡына баҫыр һылыуҙары бар. Төшкө табында улар хаҡында һөйләшәбеҙ, шулай уҡ район-ҡалаларҙа эшләп килгән бейеү коллективтары менән танышабыҙ.

27.04.2017

Благовар районы Башҡортостандың үҙәк өлөшөндә урынлашҡан. Ул Саҡмағош, Кушнаренко, Шишмә, Дәүләкән, Бүздәк райондары менән сиктәш.  1935 йылдың ғинуарында Топорнин районын, Бүздәк һәм Шишмә райондарын бүлгеләү арҡаһында ойошторола. Административ үҙәге – Языков ауылы. Иң ҙур ауылдары - Благовар һәм Иҫке Күсәрбай.

26.04.2017

Учалы районының Яңы Байрамғол ауылында тыуып үҫ­кән Нажия Һибәт ҡыҙы Аллаярова бәлә­кәстән йырларға ярата. Уға өләсәһе Хөсниямал менән әсәһе Мәүжиҙә моңло халыҡ йырҙарын өйрәтә. Алтынсы класта уҡыған сағында уҡ сағыу тауышлы ҡыҙсыҡтың сығышын Баш­ҡортостан радиоһына яҙҙыралар. Өфө сәнғәт училищеһында һәләтле ҡыҙ Миләүшә Ғәли ҡыҙы Мортазина класына эләгә. Уҡытыу дәүерендә бик күп йондоҙҙар ҡабыҙасаҡ педагогтың тәүге уҡыусыларының береһе була ул. Нажия Аллаярова училищены, артабан Мәс­кәүҙең Гнесиндар исемендәге музыка-педагогия институтын тамамлап, сирек быуат Башҡорт дәүләт опера һәм балет театрында эшләй. Сыңғырлап торған саф тауышлы артистка классик опера репертуарын да, баш­ҡорт халыҡ йырҙарын да, композиторҙар әҫәрҙәрен дә берҙәй оҫта башҡарыуы менән билдәле. Тормош юлдашы – композитор Абрар Ғабдрахманов ижад иткән й...

25.04.2017

"Ҡайын йәме - туҙ менән, өйҙөң йәме - ҡыҙ менән" тигән халҡыбыҙ. “Самауыр янында” ҡыҙҙар-йондоҙҙар тураһында һөйләшәбеҙ. Кемдәрҙең йорто тураһында наҙлы йорт тиҙәр? Тик ҡыҙҙар ғына тәрбиәләгән ғаиләләр беҙҙә күпме икән? Ҡыҙ бала тәрбиәләүҙең төп шарты ниндәй? Ҡыҙҙарығыҙ һеҙҙе ниҙәр менән ҡыуандыра? Ошо һәм башҡа һорауҙарҙы йырлы табын ҡунаҡтарына бирҙек.

24.04.2017

Республикабыҙҙа Һуғыш һәм хеҙмәт ветерандарын, теге йәки был ойошмала эшләп, хаҡлы ялға сыҡҡандарҙы берләштергән ойошмалар бик күп.  Тапшырыуҙа уларҙың эшмәкәрлеге тураһында һөйләшәбеҙ.

21.04.2017

Ғаиләләге иң ҡыуаныслы һәм оло ваҡиға – ул бәпес тыуыу. Был хаҡта бар ғәләм ишетерлек итеп хәбәр таратыу, һөйләү хуплана ғына. Динебеҙҙә лә бәпес тыуҙы тигән хәбәр менән уртаҡлашыу фарыз тиелгән.

20.04.2017

Миәкә районы Башҡортостандың көньяҡ-көнбайыш өлөшөндә урынлашҡан. Әлшәй, Стәрлетамаҡ, Стәрлебаш, Бишбүләк райондары, Ырымбур өлкәһе менән сиктәш. 1930 йылдың 20 авгусында Ҡырғыҙ-Миәкә районы булараҡ ойошторола. 1933 йылдың сентябренән алып хәҙерге исемен йөрөтә.  Майҙаны ике мең квадрат километрҙан ашыу. 

19.04.2017

Билдәле йырсы Харис Шәриповтың үҙенсәлекле моңон, матур йырҙарын күптәр үҙ итә. Уның менән илһамлы ижад, яңы йырҙар тураһында һөйләшәбеҙ.

18.04.2017

Үҙенсәлекле, мауыҡтырғыс, кисерештәргә бай шиғриәт донъяһынан башҡа йәшәй аламаған замандаштарыбыҙ бик күп. Үҙҙәренең күңел тойғоларын аҡ ҡағыҙға төшөргән, “үҙем өсөн генә” тип шиғыр яҙғандар беҙҙе тыңлаусылар араһында ла байтаҡ. 

14.04.2017

Тапшырыуға Нефтекама дәүләт филармонияһы етәксеһе Рәис Исмәғилев саҡырылған. 

13.04.2017

Ейәнсура районы – Башҡортостандың көньяғында урынлашҡан. 1930 йылдың 20 авгусында Йылайыр кантонынан бүленеү һөҙөмтәһендә барлыҡҡа килгән. Күгәрсен, Йылайыр, Хәйбулла райондары һәм Ырымбур өлкәһе менән сиктәш. Майҙаны – 3 мең квадрат километрҙан ашыу. Район үҙәге – Иҫәнғол ауылы, Өфөнән 337 километр алыҫлыҡта урынлашҡан. Иң ҙур ауылдар – Иҙелбәк, Күгәрсен, Абҙан. 

12.04.2017

Тотоп ҡына тормош рәүешен яңыса ҡорорға, нимәлер ялҡыта икән, кинәт кенә өҙөп сығып китергә, оҡшамай икән хеҙмәт урынын алыштырырға, ғаилә хәлдәре бармай икән, үҙеңде ҡорбанға килтермәй генә тормошто яңынан башларға, иң ҙур хыялыңды ғәмәлгә ашырыр өсөн тәүәкәл аҙым эшләргә ни өсөн ҡурҡабыҙ? Тормошто нисек яңынан башларға? 

11.04.2017

Йыһан ҡеүәтен өйрәнгән кеше өсөн йырҙар ижад итеү хоббимы, әллә күңел талабымы? 

10.04.2017

Бер хат эҙенән

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

көндөҙ 0..2°C
кис -1..-3°C
төндә -4..-6°C
иртән -4..-6°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.