Беҙҙең проекттар

10.11.2016

Башҡортостан буйлап радиосәйәхәтебеҙҙе был юлы Ҡыйғы районында туҡтаттыҡ. Ҡыйғыла ниндәй яңылыҡтар бар? Тарихи үткәндәргә байҡау яһаған сығарылышҡа шылтыратыуҙар күп булды. Улар араһында Ҡыйғы районында тыуып үҫкән БАССР-ҙың халыҡ артисы Рәүис Заһитов, Рәсәйҙең һәм Башҡортостандың халыҡ уҡытыусыһы Лиза Әғәҙуллина һәм 70-се йылдарҙа ошо район менән етәкселек иткән Үзбәк Солтан улы Ямалиев та булды. Тыңлағыҙ, фекерҙәрегеҙҙе яҙығыҙ.

09.11.2016

"Мин - кредит ҡоло". Бөгөнгө тапшырыу шулай тип атала.

Тиҙ займ бирә торған офистар, беренсе сиратта, әҙ килемле, әҙ белемле кешеләрҙе ҡармаҡҡа эләктереү урыны. Бурысҡа ингәс, уны теләйһеңме, юҡмы, мотлаҡ түләргә кәрәк. Фатирыңды, булған ғына мөлкәтеңде һатып булһа ла.  Ошо сәбәпле туғандар тәмһеҙләшә, ошо сәбәпле ғаиләләр тарҡала. Тиҙ һәм еңел аҡса булмай, ошондай фекер менән йәшәүселәрҙе алдатып ҡына булыуына ишара бөгөнгө һөйләшеү. ...

08.11.2016

Әңгәмә иренендә һөйөү татын, йөрәгендә уттай ялҡын һаҡлап йәшәгән яңғыҙ ҡатындар яҙмышы һәм кисерештәре хаҡында.

07.11.2016

"Самауыр янында" ҡунаҡта Бишбүләк районынан һәүәҫкәр ижадсылар, "Юлдаш йыры-2014" конкурсы лауреаттары Зөлфиҙә һәм Ғаяз Муллағәлиевтар. 

03.11.2016

Көйөргәҙе районы Башҡортостандың Федоровка, Мәләүез, Күгәрсен райондары һәм Ырымбур өлкәһе менән сиктәш. 1935 йылдың ғинуарында БАССР-ҙың Мәләүез һәм Мораҡ райондарын бүлгеләү һөҙөмтәһендә ойошторола. 1963 йылда бөтөрөлә, территорияһы Мәләүез районына индерелә. Ике йылдан Күмертау районы булараҡ яңынан ойошторола. 1992 йылда алып хәҙерге исемен йөрөтә. Дөйөм майҙаны 2 мең квадрат километрҙан ашыу. Административ үҙәге – Ермолаевка ауылы. Айсыуа...

02.11.2016

Стәрлетамаҡ башҡорт драма театры ойошторолоуға быйыл 25 йыл тулды. Сирек быуатлыҡ тарих, театрҙың уңыш-ҡаҙаныштары тураһында һөйләшеү өсөн бөгөн беҙ самауыр сәйенә Башҡортостандың атҡаҙанған артистары Зөлфиә һәм Азамат Хәлиловтарҙы саҡырҙыҡ. 

01.11.2016

Балалар ҡайһы берҙә өлкәндәрҙән дә уҙҙырып берәй ҡыҙыҡ әйтеп ҡуйыусан. Тапҡыр телдәре, етди фекерҙәре менән дә таң ҡалдыра улар. Төшкө табында тыңлаусыларыбыҙ менән шуларҙы иҫләнек.

31.10.2016

Кем ул пенсионер? Ғәҙәттә, ул 55-60 йәшендә хаҡлы ялған сыҡҡан, бай тормош тәжрибәһе туплаған, физик һәм рухи потенциалы көслө кеше. Башҡаларҙан уны айырып торған тағы ла бер нәмә - ялға сыҡҡас уның буш ваҡыты күбәйә. Тап ана шул ваҡытты үҙ - үҙеңде камиллаштырыу, яңы һәләттәр асыу һәм белем арттырыу өсөн  файҙалы һәм емешле итеп ҡулланырға кәрәк. Яңылыҡҡа ынтылыу – кеше тормошоноң бер асылы һәм шул уҡ ваҡытта уның оҙайлылығына тәъҫир итеүсе б...

28.10.2016

Ул “ғүмер” һүҙен йырҙарында халыҡсан итеп ихлас әйтә. Тап ана шул халыҡсанлығы, үҙенсәлекле ҡабатланмаҫ моңо менән күптәрҙе арбай ҙа инде. Сәйет Билалов менән "ғөмөр"ҙө йәнле, йәмле иткән ижад, йырҙар тураһында һөйләшәбеҙ.

27.10.2016

Асҡын районы Ҡариҙел йылғаһының уң ярында, Пермь һәм Свердловск өлкәләре сигендә урынлашҡан. Дыуан, Ҡариҙел, Балтас һәм Тәтешле райондары менән сиктәш. Район 1930 йылда ойошторола.  Майҙаны – 2542 квадрат километр. Администартив үҙәге – Асҡын ауылы. Район территоряһының бер өлөшө Өфө яйлаһына тура килә, ул йылғалар һәм йырғанаҡтар менән бүлгеләнгән. Көнбайыш рельефына түбәлектәр хас. Климаты уртаса йылы, ярайһы уҡ дымлы. Райондың иң ҙур байлығ...

26.10.2016

Бөтөн донъяла автотранспорт етештереү ҡеүәте йылдан-йыл арта. Автомобиль донъяла иң күп рекламаланған тауарҙар исемлегенең башында тора. Һүҙ ҙә юҡ, бөгөнгө тормошто транспорт сараларынан тыш күҙ алдына ла килтереп булмай. Бының ыңғай яҡтары күп, әлбиттә. Шул уҡ ваҡытта  юл хәрәкәтенә ҡағылышлы проблемалар ҙа бихисап. Көн һайын юлдарҙа 3 мең кешенең һәләк булыуын иҫәпләп сығарғандар. Фажиғәләр, хәүеф-хәтәр булдырмау өсөн кем яуап бирергә бурысл...

25.10.2016

Уның әҫәрҙәре берәүҙе лә битараф ҡалдырмай, геройҙары үҙебеҙҙе, бер-беребеҙҙе, тормошто яҡшыраҡ аңларға, күнегелгән, ябай нәмәләргә лә башҡасараҡ ҡарарға ярҙам итә. Яҙыусы Гөлсирә Ғайсарова-Ғиззәтуллинаның әҫәрҙәре уҡыусы күңеленә күптән юл тапҡан. Кешеләрҙең рухи донъяһын, психологияһын нескә аңлаған яҙыусы төшкө табындың бөгөнгө ҡунағы. 

24.10.2016

Борон – борондан халҡыбыҙ биҙәү әйберҙәренә ныҡ иғтибар иткән. Беләҙек, сулпы, ҡашмау, селтәр, һаҡал һәм башҡа биҙәүестәр менән ҡыҙыҡһыныу беҙҙең көндәрҙә лә бар. Һуңғы йылдарҙа милли биҙәүестәрҙе яратып таҡҡан ҡатын – ҡыҙҙарҙы байтаҡ осратырға мөмкин. "Ә һеҙ ниндәй биҙәүестәргә өҫтөнлөк бирәһегеҙ? Ҡашмау, һаҡалды көндәлек тормошта кейер инегеҙме? Бәлки биҙәүестәрҙе үҙегеҙ ҙә эшләйһегеҙҙер?" тигән һорауҙар менән тыңлаусыларға мөрәжәғәт иттек....

20.10.2016

Башҡортостанға бөтә донъянан сәсәндәр йыйыласаҡ. Бөтә Рәсәй сәсәндәр фестивале башҡорт эпостарын һәм уларҙы башҡарыусыларҙы популярлаштырыуға йүнәлтелгән һәм донъя халыҡтары араһында үткәрелә. Фестиваль халыҡ ижадын, башҡорт эпостарын Рәсәй халыҡтарының матди булмаған мәҙәни мираҫ өлгөһө булараҡ пропагандалау маҡсатында тәүге тапҡыр уҙғарыла. Уны беҙ 2020 йылда республикабыҙҙа үтәсәк Бөтә донъя фольклориадаһына әҙерлектең бер өлөшө тип тә баһа...

19.10.2016

Саҡмағош районы – Башҡортостандың төньяҡ-көнбайыш өлөшөндә урынашҡан. Төньяҡта – Дүртөйлө һәм Илеш,  көнсығышта – Кушнаренко, көньяҡта – Благовар һәм Бүздәк, көньяҡ-көнбайышта – шаран, көнбайышта Баҡалы райондары менән сиктәш. 1930 йылдың 20 авгусында ойошторола. Майҙаны – 1686 квадрат километр. Административ үҙәге – Саҡмағош ауылы. Тапшырыуҙа Саҡмағош ерендә йәшәгән, тыуған яғының гүзәллеге менән ғорурланған замандаштарыбыҙ ҡатнаша.

18.10.2016

Башҡортостандың атҡаҙанған артисы Сәйҙә Ильясова моңло тауышы, ҡабатланмаҫ сағыу сығыштары менән тамашасы күңелен әсир итте. Башҡорт халыҡ йырына булған һөйөүе уның булмышын хәл итә. Борма-борма юлдар үтеп сәнғәткә килә ул. Башҡорт дәүләт университетында биолог һөнәрен үҙләштереп, Башҡортостан Республикаһының гимназия интернатында тәрбиәсе булып эшләп йөрөгәнендә, ижадташ дуҫы Роберт Юлдашев Сәнғәт институтына йырсылыҡҡа уҡырға барырға тәҡдим...

06.10.2016

Һәммәнең – яңы өмөттәрҙең, мөғжизә һәм яңы мөмкинлектәрҙең башланғысы сабыйҙарға бағышлы мәл. Самауыр янында - ,,Һөйөнсө, бәпес тыуған,, тип аталған әңгәмә.  

05.10.2016

Ҡырмыҫҡалы районы 1930 йылда ойошторола. Ул республикабыҙҙың үҙәк өлөшөндә урынлашҡан. Архангел, Ғафури, Иглин, Ауырғазы, Дәүләкән, Шишмә һәм Өфө райондары менән сиктәш. Райондың дөйөм майҙаны – 175 мең гектар. Уның составына 16 ауыл биләмәһе, 122 ауыл инә, уларҙа 50 меңдән ашыу кеше иҫәпләнә.  20-гә яҡын милләт вәкилдәре дуҫ һәм татыу йәшәй. Район үҙәге Ҡырмыҫҡалы – боронғо ауыл. Уға 1758 йылда нигеҙ һалынған. Тапшырыуҙа Ҡырмыҫҡалы ерендә тыу...

04.10.2016

Ер йөҙөндәге иң изге һөнәр эйәләре – уҡытыусылар үҙҙәренең һөнәре тураһында һөйләй.

03.10.2016

Һаулыҡтың ҙур байлыҡ икәнен күптәр ауырып китһәләр генә аңлай. Кешеләр ҙә бит осрашып күрешкәндә иң тәүҙә һаулыҡ теләү йәһәтенән: «Һаумыһығыҙ, хәлегеҙ нисек?» – тип өндәшә. Һүҙебеҙ ошо һаулыҡ өләшеүсе аҡ халатлы фәрештәләр – табиптар тураһында. Йырлы табын ҡунаҡтары "Рәхмәт, һиңә, доктор” тип кемгә өндәшә икән?

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

кис 18..20°C
төндә 14..16°C
иртән 16..18°C
көндөҙ 23..25°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.