Беҙҙең проекттар

24.01.2017

Донъяла ул бары берәү генә,
Башҡортостан кеүек берҙән-бер, 
Үҙ тауышы итеп йәшәү өргән 
Тамыр ебәргәндән тыуған ер. 

Милләтебеҙ ниндәй, ҡурай шундай: 
Тик тәбиғәт – барса булмышта, 
Ябай ғына, ә тылсымы сикһеҙ, 
Эскерһеҙ көй булып тулышһа. 

Сикһеҙ тылсымға эйә ябай ҡурайҙа арбағыс көс бар. Башҡортостан еренән һут, күктәрҙән нур алып, яҙғы, йәйге наҙлы елдәрҙә тирбәлеп үҫкән үләндең, музыка ҡоралы булараҡ, даны бөтә донъяға таралды. Сөнки күңелдәрендә ер-ил ғәмен йөрөткәндәр, ошо ғәмде, халҡыбыҙ тарихын, уның бөйөклөгөн ҡурай моңдары аша еткереү маһирлығына эйә ҡурайсыларыбыҙ бар. Бөгөн самауыр сәйенә тап шундай ҡурайсыларыбыҙ саҡырылыған. Беҙҙә ҡунаҡта Рәсәй Ҡурайсылар ойошмаһы рәйесе Артур Ғайсаров менән “Арғымаҡ...

23.01.2017

Уның йырҙары меңәрләгән тыңлаусыны әсир итә. “Йәшлегем”де лә, “Ҡайтауаз”ды  ла олоһо ла, кесеһе лә яратып тыңлай. Береһенән-береһе моңлораҡ һәм сағыуыраҡ йырҙары менән ул бер мәл балҡыны ла, бик оҙаҡҡа сәхнәләрҙән юғалып торҙо. Уны тамашасы һағынаған, йырҙарына һыуһаған. Йырсы Венер Абдуллин – “Юлдаш”  радиоһының да да көтөп алған ҡунағы. Бөгөн уны "Самауыр янында" сәләмләйбеҙ.

20.01.2017

Икмәк бөтәһенә лә баш, ти халыҡ әйтеме. Электән-электән беҙҙе “икмәктең ҡәҙерен бел” тип өйрәтеп үҫтерҙеләр. Әүәл икмәк төрлөлөгө менән әллә ни айырылмаған. Хәҙер иһә магазин кәштәләрендә уның ниндәй генә төрө юҡ! Ағы ла, ҡараһы ла, әсеһе лә, сөсөһө лә, тәмләткестәр ҡушылғаны ла күп. Тик улар сифаты, файҙалылығы, туҡлыҡлылығы йәһәтенән ауыл мейесендә ҡомалаҡ әсеткеһенән бешерелгән икмәк менән һис тә ярыша алмайҙыр ул. Күп төрлө тикшереүҙәр ҙә быны раҫлай. Файҙалы, тәмле икмәкте йорт шарттарында бешереүе ауырмы? Бөгөн икмәк һалыу серҙәрен белеүселәр күп ҡалғанмы икән? "Самауыр янында" ошоларҙы асыҡларға тырыштыҡ. 

19.01.2017

Уны Силәбегә ҡапҡа асыусы төбәк тиҙәр. Ҡайһы берәүҙәр уны Өфөнөң бер өлөшө тип тә шаярта. Был сығарылыш Иглин районына бағышлана.

18.01.2017

Самауырлы табын ҡунағы - Башҡортостандың атҡаҙанған артисы Фирүзә Париж. "Юлдаш" радиоһын тыңлаусыларға ул береһенән-береһе матурыраҡ, дәртлерәк, моңлораҡ йырҙары аша яҡшы таныш. Тапшырыуҙа ҡунағыбыҙ театр эшенән ситләшеп үҙен тулыһынса йыр сәнғәтенә бағышлауы тураһында хәбәр итте. Бар юлдаштарыбыҙ исеменән Фирүзәгә уңыштар, ижади табыштар теләйбеҙ!

17.01.2017

Һыу саңғыһы, емеш-еләк туңдырмаһы, Алясҡа байрағы һәм Брайль шрифтын балалар уйлап сығарыуы күптәргә мәғлүм. Балаларҙың асыштары, һис шикһеҙ тормошобоҙҙо сағыу һәм ҡыҙыҡлы итеп кенә ҡалмай, байтаҡ уңайлыҡтар ҙа алып килә. 17 ғинуарҙа билдәләнгән байрам тап йәш һәләттәрҙе дәртләндереү йәһәтәненән барлыҡҡа килгән дә инде. Һәр бер атай-әсәй өсөн  үҙенең балаһы иң һәләтлеһе, матуры, аҡыллыһы, әлбиттә. Самауыр янына йыйылыусылар ҙа шулай ти.

11.01.2017

"Самауыр янына" ҡунаҡҡа күренекле журналист, Башҡортостандың атҡаҙанған матбуғат һәм киң мәғлүмәт  хеҙмәткәре, Рәсәй һәм Башҡортостан журналистар берлеге ағзаһы Гөлдәриә Йосопова килде. Үткер ҡәләмле журналист, әүҙем йәмәғәт эшмәкәрен бөгөн нимәләр борсой, нимәләр һөйөндөрә? Әңгәмә Рәсәй матбуғаты көнө һәм алтын юбилей уңайынан ойошторолдо.

10.01.2017

Радиоһөйләшеү тыңлаусыбыҙҙың хаты буйынса ойошторолдо. 52 йәшлек ханым бик күп йылдар бәхетле һәм аңлашып йәшәгәндән һуң мөнәсәбәттер ҡатмарлашыуына зарлана, тәү сиратта үҙен ғәйепләй. Был радиоһөйләшеүҙә ҡылығын, булмышын аңлай алмаған ҡатынға кәңәштәр яңғырай.

09.01.2017

Элекке замандарҙа, әллә көрттәрҙе тракторҙар эттермәгән, ә халыҡ  "ҡар үҙе ирер әле", тигән ҡараш менән йәшәгәндә "Ғинуарҙа ҡарҙың мул яуыуы - уңышҡа!" тип юраған. Хәҙерге заман кешеләре бары тик юлдар таҙартылмай тип кенә зарлана. Шулай итеп, 2017 йылдың тәүге аҙнаһы - Яңы йыл каникулдарында Башҡортостан ҡар-бурандар ҡамауында ҡалды. Өфөлә коммуналь хужалыҡтар ни өсөн ҡаланы ҡарҙан таҙартып өлгөрә алманы. Республикабыҙ райондарында хәлдәр нисек? Ошо һәм башҡа һорауҙарға радиотыңлаусылар фекере менән уртаҡлашабыҙ.

30.12.2016

Байрам сығарылышы сәләмдәрҙән һәм Яңы йыл ҡотлауҙарынан төҙөлгән.

28.12.2016

2016 йыл төрлө ваҡиғаларға бай булды. Тыңлаусыларыбыҙ үҙҙәре өсөн иң яҡшы һәм уңышлылы ваҡиғаларҙы барлай.

27.12.2016

Башҡортостандың атҡаҙанған артисы Лилиә Биктимерова менән республиканың халыҡ артисы Фәдис Ғәниев беҙҙең һәм тыңлаусыларыбыҙҙың һорауҙарына ҙур ихласлыҡ менән яуап бирҙе.

26.12.2016

Фейерверк, бенгал уттары, майшәмдәр, ҡупшы шыршы...Яңы йыл байрамының айырылығыҙ бер өлөшө булған был биҙәүестәр шатлыҡ–ҡыуаныс урынына ҡайһы берҙә бәлә лә алып килә. Күңелһеҙ хәлдәр, ғәҙәттә, хәүефһеҙлек ҡағиҙәләрен үтәмәүҙән килеп сыға. Күмәк кеше ҡатнашлығындағы байрам саралары үткән урын йорттарҙың беренсе – икенсе ҡатында ғына урынлашырға тейеш. Унан сығыу юлдары ла икәү булыуын талап итә янғын хәүефһеҙлеге буйынса белгестәр. Ә һеҙ яңы йыл осоронда янғын булдырмау саралары ниндәй булырға тейеш тип иҫәпләйһегеҙ? Ғөмүмән. үғегеҙҙе, яҡындарығыҙҙы, йәшәгән ерегеҙҙе янғындан һаҡлау буйынса нимәләр эшләйһегеҙ? Тыңлаусыларыбыҙға ошондай һорауҙар менән мөрәжәғәт иттек.

23.12.2016

Спорт менән шөғәлләнгән кеше һәр саҡ һоҡланыу уята. Буш ваҡыттарын юҡ–барға сарыф итмәй, файҙалы эшкә - спортҡа бағышлаусыларҙан көс-ғәйрәт, сәләмәтлек, йәшәү дәрте, күтәренке кәйеф урғыла. Спорт менән дуҫ кеше, ғәҙәттә, һәр йәһәттән алдынғы була. "Самауыр янына" ҡунаҡҡа килеүселәр ҙә шундай фекерҙә. 

22.12.2016

Ғафури районы Башҡортостан (Көньяҡ) Уралының көнбайыш итәгендә урынлашҡан. Архангел, Белорет, Ишембай, Стәрлетамаҡ, Ауырғазы, Ҡырмыҫҡалы райондары менән сиктәш. 1930 йылда Красноусол районы булараҡ ойошторолған, 1940 йылда хәҙерге исеме бирелә. Район үҙәге – Красноусол ҡасабаһы. Унан Өфөгә — 130, Стәрлетамаҡҡа — 60 км. Майҙаны — 3 мең кв. километрҙан ашыу. Районда йөҙгә яҡын ауыл бар. Шуларҙың иң ҙурҙары – Красноусол ҡасабаһы, Табын һәм Сәйетбаба ауылдары. 

21.12.2016

Һеҙҙең яҡтарҙа ниндәй һәйкәлдәр бар? Беҙҙең ауыл–ҡала урамдарын ниндәйерәк скульптур композициялар биҙәй икән? Уларҙың һуңғы осорҙа ҡуйылғандары бармы? Тыңлаусыларыбыҙға ошондай һорауҙар менән мөрәжәғәт иттек һәм үҙенсәлекле яуаптар алдыҡ.

20.12.2016

Бѳгѳнгѳ кѳндә йәштәр генә түгел, ә ололар араһында ла иң популяр йырсыларҙың береһе "Юлдаш" радиоһы тыңлаусыларының һорауҙарына яуап бирә.

08.12.2016

Балаҡатай районы Башҡортостандың төньяҡ-көнсығышында урынлашҡан. Свердловск, Силәбе өлкәләре, Ҡыйғы һәм Мәсетле райондары менән сиктәш. 1930 йылда Иҫке Балаҡатай районы булараҡ ойошторола ул. 1933 йылдан алып хәҙерге исемен йөрөтә. Майҙаны 3037 кв. км.  Административ үҙәге  - Яңы Балаҡатай ауылы. Беҙҙе бында Фм 103.2 Мгц йышлыҡтарында тыңлайҙар. 

07.12.2016

Башҡортостандың халыҡ артисы Фәнүнә Сиражетдинованың моңло тауышын республикабыҙҙа танымаған кеше һирәктер.  Йырсы  40 йылдан артыҡ сәхнәлә эшләй, ижад итә, уның йөҙҙән артыҡ береһенән–береһе матурыраҡ, моңлораҡ йырҙары бар. Юлдаш радиоһын тыңлаусылар был йырҙарҙы  ифрат үҙ итә.  “Бер йырлап уҙам әле”, “Әсәйемдең мамыҡ шәле”, “Ялан сәскәләре”, “Бер-бер артлы йылдар уҙа” тигән йырҙар интернет киңлектәренлә лә киң таралған.  Үҙенсәлекле моңло тауышы менән тамашасы күңелен яулаған йырсы бөгөн студиябыҙҙа ҡунаҡта. Фәнүнә  хәниф ҡыҙын төшкө табын түренән урын алырға саҡырабыҙ. 

06.12.2016

Бәләкәсме ул, ҙурмы, ихлас күңелдән бирелгән бүләк йәнгә рәхәтлек бирә. Байрамдарҙа, тыуған көндә, хатта сәбәпһеҙ генә булһа ла, бүләк бирешеү – матур йола. Күберәк беҙ беребеҙгә сәскә гөлләмәһе, матур ҡаптарҙағы кәнфиттәр, һуңғы йылдарҙа теге йәки был магазиндан үҙеңә йәнең теләгәнде һайлап алыу мөмкинлеген биргән сертификаттар бирәбеҙ. Әлбиттә, бүләктең ҡиммәте, ҙурлығы мөһим түгел. Тәү сиратта уның ихлас күңелдән бирелеүе шарт. Бүләк биргәндә уңайһыҙ хәлгә ҡалмаҫ өсөн бик ныҡ ҡына тырышарға тура килә. Ә шулай ҙа тырышып тә берәй ерен килештермәй ҡуйыуың бар бит әле. Халыҡ араһында ошоға бәйле төрлө лаҡаптар ҙа бар. Төшкө табында шуларҙы иҫкә алабыҙ, тыңлаусыларыбыҙ үҙҙәренә оҡшаған, шаҡ ҡатырған бүләктәр тураһында һөйләй.

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

көндөҙ 0..2°C
кис -1..-3°C
төндә -4..-6°C
иртән -4..-6°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.