Беҙҙең проекттар

13.06.2018

        Әнисә Муллағолова:

- Май сүлмәге тышынан билдәле, тигәндәй, иркен төҙөк йорт, ишле берҙәм ғаилә күңелгә йылы бөркә. Фая ата-әсәһе, ике өләсәһе, туғыҙ туғаны араһында үҫкән. Итәғәтле,  яғымлы,  эшкә тилбер, етмәһә, матур бейей, сәнғәткә ғашиҡ.   Был күркәм сифаттарҙы Өфөлә уҡығанда ғына түгел,  ауылда ла күреп-һынап, Рәйес Вәғизов буласаҡ ҡайны-ҡәйнәһенән ҡыҙҙың ҡулын һорай. Уларҙың тиң-татыу йәшәүенә әле 46 йыл. Фая Сабит ҡыҙы ғүмер буйы белемгә, яңылыҡҡа ынтыла. «Элегерәк ситтән тороп Ленинградта психолог һөнәренә лә уҡып сыҡтым», – ти ул. Әле был ханым 70-кә аяҡ баҫырға йөрөй. Һаман да ике урында эшләй. Колледж, мәктәп директорҙарына, йәш быуынға тәбиғәттән яралған ошондай педагогтар бик кәрәк. Шуға әле лә етәкселәре ихлас итеп, эшләй күрегеҙ, ти.  

21.05.2018

Ишморат Ишмырҙа улы  торған һайын ижад үрҙәренә нығыраҡ артыла. «Башҡортостандың  арҙаҡлы шәхестәре» серияһынан Мифтахетдин Аҡмулла, Мөхәмәтсәлим Өмөтбаев, Кинйә Арыҫланов, Муса Мортазин, Хөсәйен Әхмәтов, Харис Йосоповтарҙың  үлемһеҙ образын монументаль композиция-барельевтарҙа кәүҙәләндерә. «Мысыр илендәге һындар 4-5 мең йыл буйына ярсылмай үҙгәрешһеҙ тора. Шуның һымаҡ мин эшләгән барельефтар ҙа ныҡ булһын тип тырышам: махсус балсыҡты үҙебеҙгә Германия иленән яҙҙырып алам», - ти үҙ эшенә мөкиббән рәссам. 

09.05.2018

    Илем, ерем, халҡым Бөйөк Еңеүҙең 73-сы яҙын ҡаршылай... Дәһшәтле йылдарҙың ауырлығын үҙ иңдәрендә күтәреүселәр йылдан-йыл кәмей. Улар хаҡында ла хәтер генә ҡала. Әммә тиҫтәләрсә миллион ҡорбан килтергән һуғышты, үҙ иленең тарихын, атай-олатайҙарҙың батырлығын бөгөнгө быуын белеп йәшәргә тейеш. Тап ошо маҡсатты күҙ уңында тотоп, “Юлдаш” радиоһы Бөйөк Еңеү көнө алдынан “Еңеү алмағастары” ултыртты. Ошо йылы саранан әҙерләнгән “Йәшәү йәме” сығарылышын һеҙҙең иғтибарға тәҡдим итәбеҙ.

08.05.2018

Донъяла яҡты күңелле, нур бөркөп торған кешеләр була. Улар менән аралашҡы килә, һөйләгәндәре күңелгә рухи аҙыҡ бирә, донъя тағы ла яҡтыраҡ, нурлыраҡ булып китә…Хәйер, тапшырыу геройының исем- шәрифтәре лә нурҙан ҡойолған: Зиннур Нурғәлин ул. Хәләл ефете Ғәбтиә апай менән 1949 йылда  өйләнешкәндәр. Әле лә тиң ғүмер итәләр. Ғаиләләге өс бала ла ғилем юлын һайлаған.  Нур – юридик фәндәр кандидаты. Люциә – сит телдәр буйынса, Илдар күҙ ауырыуҙары буйынса диссертация яҡлаған.   Атайҙары, Зинур ағай – фән докторы, профессор,  академик. «Өс балам  да хәҙер хаҡлы ялда, мин эшләгән дә еткән тип туҡтаттым уларҙы», –тип йылмая Зиннур ағай.  90 йәшлек ил ағаһы әле лә һәлмәк баҫып, Өфө дәүләт сәнғәт институтында уҡытып йөрөй. Бында эшкә килгәненә быйыл  50 йыл икән!  Зиннур Әхмәҙи улы ҙу...

21.04.2018

  “Ҡыҙ булһа, ҡыҙ булһын, йондоҙҙарға тиң булһын”, - тиелә халҡыбыҙҙа. “Замана ҡатын-ҡыҙына талаптар ҙа юғары. Ул һылыу, уңған, тормош иптәшенә, туғандарына яраусан, һөйөклө әсә лә шул уҡ ваҡытта уңышлы булырға ла тейеш”, - ти  «Йәшәү йәме» сығарылышы геройы Юлиә Бәхтиева.

14.04.2018

Инйәр - Белорет районындағы иң ҙур ауылдарҙың береһе. Инйәр ҡатайҙары төйәк иткән ер баш ҡаланан алыҫта, тау-урмандар араһында ята. “Ҡатай ғына ере ҡая ташлы, ыжғыр буранлы” тип яҙа йәнтөйәген данлап билдәле шағирә Гүзәл Ситдыҡова. Ҡырыҫ тәбиғәт шарттары урындағы халыҡтың  холҡонда ла, һөйләшендә лә сағылыш таба тиҙәр. Ә шулай ҙа шағирә һүҙҙәре менән дауам иткәндә:  “Ҡаты ергә баҫһаң — ышаныслы, ныҡлы терәп була арҡаны.”  Шуға ла инйәрҙәр “Өрөк төшө кеүек аяулымын, Ҡатай ере, һин – ҡуш ҡалҡаным”, – тип йәшәй. Тауҙарҙың ҡырыҫ холҡо һүлпәндәрҙе, йоҡо һимертеүселәрҙе өнәмәй. Төбәктә бары тик сәмлеләр, үҙ һүҙле тырыштар ғына көн итә. Инйәрҙәр уңған ғына түгел, сәнғәткә лә маһирҙар. Ауылда заман талаптарына бөтә яҡтан да яуап бирерлек, ҡаланыҡынан һис тә ҡалышмаған мәҙәниәт йорто гөрләп тора. 1998 йылда бында йортон...

07.04.2018

    Һөйөү булған ерҙә бәхет бар”, - ти бөгөнгө “Йәшәү йәме” геройы  табип-аллерголог  Венера Фәрит ҡыҙы Һиҙиәтова. Изгелеге, эскерһеҙлеге, күңел бөтөнлөгө менән күптәргә өлгө булған һоҡланғыс ханым менән уның йәшлек йылдарына сәйәхәт ҡылырбыҙ.

07.04.2018

    Һөйөү булған ерҙә бәхет бар”, - ти бөгөнгө “Йәшәү йәме” геройы  табип-аллерголог  Венера Фәрит ҡыҙы Һиҙиәтова. Изгелеге, эскерһеҙлеге, күңел бөтөнлөгө менән күптәргә өлгө булған һоҡланғыс ханым менән уның йәшлек йылдарына сәйәхәт ҡылырбыҙ.

07.04.2018

    Һөйөү булған ерҙә бәхет бар”, - ти бөгөнгө “Йәшәү йәме” геройы  табип-аллерголог  Венера Фәрит ҡыҙы Һиҙиәтова. Изгелеге, эскерһеҙлеге, күңел бөтөнлөгө менән күптәргә өлгө булған һоҡланғыс ханым менән уның йәшлек йылдарына сәйәхәт ҡылырбыҙ.

07.04.2018

    Һөйөү булған ерҙә бәхет бар”, - ти бөгөнгө “Йәшәү йәме” геройы  табип-аллерголог  Венера Фәрит ҡыҙы Һиҙиәтова. Изгелеге, эскерһеҙлеге, күңел бөтөнлөгө менән күптәргә өлгө булған һоҡланғыс ханым менән уның йәшлек йылдарына сәйәхәт ҡылырбыҙ.

24.03.2018

Рәлиә Аратованың ҡул эштәре менән ҡыҙыҡһыныуы бала саҡтан. Мәхмүзә Ханнан ҡыҙы менән Дамир Әхмәтвәли улы Шәғәлиевтар ғаиләһендә өс ҡыҙ үҫә. Ата-әсәләре уларҙың тегеү, сигеү, бәйләүгә булған ҡыҙыҡһыныуын хуплап тора. 

13.03.2018

Залина Усманованың Сибай театрында эш башлауы көтөлмәгәнсә килеп сыға. Туғанының туйында йөрөгәндә саҡыртып алалар уны... Үткән йыл ул "Ҡатын-ҡыҙ ролен иң яҡшы башҡарыусы" исеменә лайыҡ була...

10.03.2018

Ул мәктәптә уҡыу алдынғыһы булырға ынтылмаған, тәүге юғары уҡыу йортонда ла төп шөғөл – белем эстәүгә ҡарағанда спортты өҫтөнөрәк күргән. Уның ике-өс йылда ғына оло ҡаҙаныштарға ирешеүе күптәрҙе таң ҡалдыра. Тапшырыу йәш замандашыбыҙ Илфат Байназаровтың дуҫтары һәм рухташтары менән тормошҡа ашырған ҡыҙыҡлы проекттар, уңышҡа илткән юл тураһында.

03.03.2018

Уҡытыусы булыу был тормошта һәр кемгә лә бирелмәй тиҙәр. Балаларҙы ихлас яратҡан, күңелен уларға биргән күркәм шәхестәр уҡытыусылыҡ эшендә уңыштарға ирешә. Йәшәү йәмен яратҡан эшендә тапҡан уҡытыусыларҙың береһе, йәш әҙибә Әлиә Саматова – тапшырыуыбыҙ геройы.

21.02.2018

«Минең атай фронтовик ине. Ғазаптар-михнәттәр аша яуланған Еңеү хаҡын беҙ, 9 балаһы, 23 февраль йә 9 май кеүек байрамдарҙа ғына түгел, һәр ваҡыт хәтерҙә тотабыҙ,  ти ул.  Ошо инаныуҙарыбыҙ  хәҙер  ир ҡорона ингән игеҙәк улдарыбыҙ – Иштуған менән Айтуғанға, кесе улыбыҙ Артурға ла  күсте, уларҙың балаларына  ла изге хәтер һеңер»,– тип йәшәй Әлфиә  һәм Таһир Ишбаевтар.  

 

13.02.2018

Әсә - бөйөк исем,
Нимә етә әсә булыуға;
Ҡатындарҙың бөтә матурлығы,
Бөтә күрке әсә булыуҙа.         

Шағир Һаҙый Таҡташтың әсә бөйөклөгөн данлаған ошо шиғри юлдары бала үҫтергән, уларға матур тәрбиә биргән бар әсәйҙәргә лә тура килә. Әсәй булыу – мөһим эш тибеҙ. Ошо эште лайыҡлы атҡарғандар араһында Белорет районы Йөйәк ауылы ағинәйе Хәсбиямал Сибәғәтуллина ла бар. 

02.02.2018

Ҡурай моңо… Халҡыбыҙҙың зары-һағышы ла, дәрте - дарманы ла күскән был  моңға… Тарихтың сал саҡрымдарын яҡтыртыр хәтер нуры бит ул.   60- ҡа артылырға торған Нурғәли Кейекбирҙин уны тап шулай ҡабул итә, уның Башҡорт иленә ҡурайсылар  тәрбиәләүенә быйыл– 40 йыл! Бала сағында Баймаҡ, Йылайыр сәхрәләрендә атаһының ҡурай моңон тыңлап, йөрәк аша кисереп үҫкән ул...(Әнисә Муллағолова)  

15.01.2018

Халыҡта, май сүлмәге тышынан билдәле, тиҙәр. Айҙар Мансур улы Сәйғәфәров - йәш ғаилә башлығы, хәләл ефете менән ике бала үҫтерәләр.   «Өфөлә Менделеев урамында  ”ТИРМӘКӘЙ” исемле башҡорт  балалар баҡсаһы астым. Хәләл баҡса!», – ти ул. Айҙарҙың тырыш, булдыҡлы  егет булыуын, мин оҙаҡ йылдар йәштәр менән эшләгән кеше,  тиҙ шәйләнем.  Етмәһә, баш ҡалала хәләл баҡса асҡан!.. 

02.12.2017

Ул һәр ваҡыт кеше араһында, йәнле, шаулы тормоштоң уртаһында. Мәләүез ҡалаһының Мөхәмәтша Буранғолов исемендәге беренсе китапханаһы хеҙмәткәре Рәзилә Ҡотлогилдина тынғыһыҙ, үҙ эшенә яуаплы ҡараған китапханасы. Төбәктә ул төрлө сараларҙың башында йөрөгән,  береһенән-береһе матурыраҡ, ҡыҙыҡлыраҡ байрам, осрашыуҙар үткәргән кеше булараҡ билдәле. Ул ағинәйҙәр хәрәкәтендә ҡатнаша, халыҡ театрында уйнай, йырлай, көйҙәр, шиғырҙар яҙа

20.11.2017

Борон-борондан ҡатын-ҡыҙға шундай яҙмыш яҙған: ғүмер йылдары күберәк сит ерҙәрҙә  үтә. Люциә апай Рәхимова 40 йылдан ашыу Ташкентта йәшәй. Кемдең арбаһына ултырһаң, шуның йырын йырларһың, тиһәләр ҙә, был ханым ғаиләһендә, тирә-яғында башҡорт мөхите булдырған...

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

көндөҙ 17..19°C
кис 19..21°C
төндә 15..17°C
иртән 15..17°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.