Яңылыҡтар

19:42 - 19.06.2018

22 июндә Хәтер һәм ҡайғы уртаҡлашыу көнөндә Бөйөк Ватан һуғышында һәләк булған уҡытыусылар һәм уҡыусылар иҫтәлегенә обелиск асыу планлаштырыла. Ул 113-сө мәктәп ихатаһында урынлашҡан, һәйкәл 1967 йылда уҡ төҙөлгән. Күптән түгел реконструкция эшләнгән. Обелискты төҙөүселәр киләсәк быуындарға мөрәжәғәт тә ҡалдырған булған. 22 июндә ул асып уҡыласаҡ, тип хәбәр итәләр мэриянан.

ҡаралған: 6
18:20 - 19.06.2018

"Рейтинг" агентлығы ил төбәктәрендә ғаиләләрҙең финанс хәлен анализлаған. Айлыҡ мотлаҡ түләүҙәрҙән һуң ҡалған ирекле аҡсаны иҫәпләгәндәр. Иң бай ғаиләләр Ненец автономлы округында, Чукоткала һәм Мәскәүҙә йәшәй. Башҡортостан рейтингта 28-се урынға ҡуйылған. Күрше төбәктәрҙән Силәбе өлкәһе бер баҫҡысҡа түбән урынлашҡан, Татарстан 21-се урын алған. Иң фәҡир ғаиләләр иһә Төньяҡ Кавказ республикаларында йәшәй, ти рейтингты төҙөүселәр.

ҡаралған: 10
17:22 - 19.06.2018

Транспорт министрлығында әҙерләнгән талаптарға ярашлы, хәҙер пассажирҙары йөрөткән бөтә автобустар һәм троллейбустар кондиционер һәм автомобиль мейесе менән йыһазландырылырға тейеш. Бынан тыш, баҫып барған пассажирҙар буйынса талаптар бар, салондың бер квадрат метрында өс кешенән артыҡ ярамай. Документта автобус һәм троллейбус туҡталыштарының ел һәм ямғырҙан ҡапланырға тейешлеге, инвалидтар өсөн уңайлыҡтар булдырыу кәрәклеге лә яҙылған.

ҡаралған: 13
17:01 - 19.06.2018

Башҡортостан Башлығы Рөстәм Хәмитов льготаға эйә булғандарҙы ер участкалары менән тәьмин итеү буйынса кәңәшмә үткәрҙе. Ишле һәм инвалид бала тәрбиәләгән ғаиләләр, торлаҡ шарттарын яҡшыртыуға мохтаждар, бюджет өлкәһендә эшләүселәр, шулай уҡ йәш ғаиләләр бушлай ер биләмәһенә дәғүә итә ала. 2012 йылдан алып 52 меңдән ашыу участка бирелгән, бөгөнгә 37 мең ғаилә сиратта тора. Рөстәм Хәмитов әйтеүенсә, киләһе йылға күп балалы ғаиләләргә ер бүлеү мәсьәләһе тулыһынса хәл ителергә тейеш. Республикала 51 мең ярым ишле ғаилә иҫәпләнә, шуларҙың 30...

ҡаралған: 13
16:18 - 19.06.2018

Суд приставтары яңы рейд башлай. Йылға транспорты буйынса инспекторҙар менән берлектә кәмәлә, катерҙарҙа йөрөүселәр туҡтатыла. Махсус базаға инеп түләнмәгән бурыстары ҡарала. Бурыс булһа, транспорт ҡулға алына, түләү өсөн ваҡыт бирелә. Ваҡытында ҡапланмаһа, транспорт сараһы һатыуға сығарыла.

ҡаралған: 14
15:35 - 19.06.2018

Дума депутаттары тәмәке тартыусыларға йәнә бер сикләү әҙерләгән. Подъездар янында ла көйрәтеүҙе тыйырға ниәтләйҙәр. Ошо турала закон бөгөн ил парламентының пленар ултырышында ҡарала. Рәсәйҙә тәмәке тартыуға ҡаршы етди көрәш бер нисә йыл элек башланды. Подъезд эстәрендә, вокзалдарҙа, дауаханаларҙа, пляждарҙа һәм башҡа халыҡ күпләп йөрөгән урындарҙа көйрәтеү тыйылды.

ҡаралған: 16
14:36 - 19.06.2018

"Урман" операцияһы барышында законһыҙ ағас ҡырҡыуҙың 99 осрағы асыҡланған. Бөтәһе 62 енәйәт эше асылған, 200-гә яҡын административ протокол төҙөлгән. Шулай уҡ 7 йөк машинаһы ҡулға алынған, улар ағас ташыу ҡағиҙәләрен боҙған, тип хәбәр итәләр Урман хужалығы министрлығынн. Рейдтарҙа бөтәһе 447 инспектор ҡатнашҡан.

ҡаралған: 12
13:03 - 19.06.2018

Иртәгә, 20 июндә, республикала һәм Өфөлә көндөң аяҙлы-болотло булыуы, урыны менән күк күкрәп бер аҙ ямғыр яуыуы көтөлә. Ел көньяҡ-көнбайыштан талғын, ваҡыты менән көсәйеүсән. Һауа температураһының республикала төндә +10, +15, таулы райондарҙа +5 градус йылы, көндөҙ +23, +28 градусҡа тиклем күтәрелеүе, Өфөлә төндә +12, +14, көндөҙ +24, +26 градус йылы булыуы күҙаллана.
Алдағы ике көндөң сағыштырмаса йылы тороуы, 21-енә ҡарай төндә күпселек райондарҙа ямғыр яуыуы көтөлә.

ҡаралған: 15
12:43 - 19.06.2018

Башҡортостанда мәктәп кәрәк-яраҡтарын мохтаждарға бушлай биреү тураһында закон көсөнә инде. Республикала бындай ғәмәл бер нисә йыл ҡулланылып килә. Әммә ҡануниәт менән нығытылмағайны, ярҙам Башҡортостан хөкүмәте ҡарары менән күрһәтелде. Уҙған йылда 8 меңдән ашыу бала бушлай мәктәп-кәрәк яраҡтары менән тәьмин ителгән. Ошо маҡсатта йыл һайын 20 миллион һум самаһы аҡса бүленә. Быйылға һәм киләһе йылдарға сығымдар республика бюджетында ҡаралған.

ҡаралған: 15
12:11 - 19.06.2018

Бөҙрәхана хеҙмәткәрен йөрәк өйәнәге тотҡан. Коллегалары тиҙ ярҙам саҡырған, ләкин 50 йәшлек ҡатынды ҡотҡарып өлгөрмәйҙәр. Үлемдең сәбәбе инсульт тип фаразлана. Производствола бәхетһеҙ осраҡ факты буйынса тикшереү бара, ваҡиға сәбәптәре асыҡлана, тип белдерәләр республика Дәүләт хеҙмәт инспекцияһынан.

ҡаралған: 15
11:56 - 19.06.2018

"Зенит-2" командаһының 20 йәшлек һаҡсыһы Данил Круговой Башҡортостан командаһы өсөн сығыш яһасаҡ. Уның менән 4 йылға иҫәпләнгән контракт төҙөнө. "Өфө" командаһының отпускы тамамланды. Уйынсылар яңы миҙгелгә әҙерлек башланы.

ҡаралған: 11
11:09 - 19.06.2018

Стәрлетамаҡта 10 йәшлек малай уттан ауыр йәрәхәттәр алған. Балалар ташландыҡ автомобилдың бензин багына шырпы ташлай. Үҫмерҙәрҙең береһе тоҡанып киткән ут эсендә ҡала. Уны дауаханаға оҙаталар, табиптар малайҙың ғүмеренә хәүеф янамай тип белдерә. Ғәҙәттән тыш хәл буйынса урында тикшереү эштәре башланған.

ҡаралған: 14
10:40 - 19.06.2018

Башҡортостанда Чапайға һәйкәл асылды. Легендар командир Василий Чапаевтың бюсы Өфө районы Ҡыҙылъяр ауылында урынлаштырылды. Бер быуат элек тап ошо урында 25-се дивизия Колчак отрядтары менән алыша, Өфөнө азат итә. Василий Чапаев Ҡыҙыл Байраҡ ордены менән бүләкләнә. Әйткәндәй, уҙған йылда уның тыуыуына 130 йыл тулыуҙы билдәләнеләр.

ҡаралған: 24
10:16 - 19.06.2018

Баш ҡалабыҙҙа йәшәүсе 80 һумға "Гослото" билеты һатып ала һәм суперприз ота. Уның хаҡы 12 миллион 729 мең 340 һум. Бәхетле кеше июнь айында уйнатылған лотереяларҙа миллиондар отоусыларҙың дүртенсеһе булып тора. Быға тиклемге иң ҙур отош бер ай элек булғайны. 200 һумлыҡ билет һатып алған берәү 83 миллион һумдан ашыуға байығайны.

ҡаралған: 111
09:36 - 19.06.2018

Ҡулланыусылар хоҡуҡтарын күҙәтеү хеҙмәте Европа илдәрендә ҡыҙылса таралыуы тураһында иҫкәртә. Әле был инфекцияны йоҡтороу осраҡтары 28 дәүләттә теркәлгән. Иң ауыр хәл Украинала күҙәтелә, бында ҡыҙылса йоҡторғандан һуң 11 кешенең ғүмере өҙөлгән. Европала был ауырыуҙан прививка мотлаҡ түгел, шуға инфекция тиҙ тарала, ти эксперттар. Башҡортостанда һуңғы ике йыл эсендә ҡыҙылса йоҡтороуҙың ике осрағы теркәлгән.

ҡаралған: 33
09:12 - 19.06.2018

Сибай ҡала округына ингән Төйәләҫ ауылында ҡотороу сиренә бәйле индерелгән карантин ғәмәлдән сығарылды. Республика башлығы Рөстәм Хәмитовтың ошо турала указы бар. Сикләү 11 апрелдән индерелгәйне. Ауылда йорт хайуандарын һатыу, уларҙы ситкә алып сығыу тыйылды. Әле иһә Башҡортостанда ҡотороу сиренә бәйле Бөрө ҡалаһының бер өлөшөндә карантин ғәмәлдә.

ҡаралған: 13
08:38 - 19.06.2018

Өфөлә быйыл 2 мең 600-гә яҡын кеше ҡыҫҡартыуға эләккән. Халыҡ мәшғүллеге үҙәгенән хәбәр итеүҙәренсә. уларҙың 1 мең 200-ҙән ашыу эшкә урынлаштырылған. Әле республика баш ҡалаһында 4 мең 800 рәсми эшһеҙ иҫәпләнә. Улар өсөн 23 мең ярым вакансия тәҡдим ителә.

ҡаралған: 14
08:14 - 19.06.2018

Бөгөн "Өфө" футболсылары Европа лигаһында тәүге уйында осрашасаҡ команда билдәле була. Швейцарияла турнирҙың икенсе раундына йәрәбә һалына. Был этапта бөтәһе 74 команда ҡатнаша. Уйындар 26 июлдә һәм 2 августа уҙғарыла. Еңеүсе ике осрашыу һөҙөмтәһе буйынса асыҡлана.

ҡаралған: 12
07:45 - 19.06.2018

Республика халҡы июль аҙағында ай тотолоуын күҙәтә ала. Өфө планетарийынан хәбәр итеүҙәренсә, һирәк астрономик күренеш 27 июлдән 28-нә ҡарай төндә була. Ай Ер шары күләгәһендә 1 сәғәт 43 минут ҡаласаҡ. Ошо уҡ төндә тағы бер һирәк осраған күренеш көтөлә. Марс планетаһы Ер шарына яҡыная. Ул күк йөҙөндә яҡты йондоҙ булып балҡыясаҡ. Бындай астрономик күренеш 15-17 йылға бер ҡабатлана.

ҡаралған: 13
07:20 - 19.06.2018

Башҡортостанда Атайҙар советы барлыҡҡа килә. Ғаилә, хеҙмәт һәм халыҡты социаль яҡлау министры Ленара Иванованың атайҙар менән осрашыуында ошо турала әйтелде. Был йәкшәмбе бөтә донъяла Атайҙар көнө билдәләнде. Был дата Америкала барлыҡҡа килә, һуңғы ваҡытта ул беҙҙең илдә лә киң билдәләнә башланы. Осрашыу барышында ғаиләлә һәм балаларҙы тәрбиәләүҙә ир кеше ролен күтәреү, атайҙар абруйын арттырыу мәсьәләләре ҡаралды. Башҡортостандың ҡайһы бер райондар һәм ҡалаларында атайҙар советы эшләй. Ошондай ғаилә институтын республика кимәлендә лә...

ҡаралған: 21

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

көндөҙ 17..19°C
кис 19..21°C
төндә 15..17°C
иртән 15..17°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.