Яңылыҡтар

18:45 - 24.02.2018

ЦИАН агентлығы ил ҡалаларында торлаҡ баҙарын анализлаған. Беҙҙең республика баш ҡалаһы яңы йорттарҙа фатирҙар хаҡы буйынса иң ҡиммәттәр рәтенә ҡуйылған. Өфөлә "квадрат" хаҡы 62 мең 800 һумға барып баҫа, яңы йорттарҙа фатир уртаса 3 миллион ярым һум тора. Был - ил ҡалалары араһында 10-сы күрһәткес. Рейтингта беренсе урынға Сочи ҡуйылған. Унда бер квадрат метр 108 мең һумдан арта. Исемлекте төҙөгәндә Мәскәү һәм Санкт-Петербургтағы хаҡтар иҫәпкә алынмаған.

ҡаралған: 5
18:00 - 24.02.2018

Башҡортостанда ир-егеттәр һәм ҡатын-ҡыҙҙарҙы иҫәпләнеләр. Беҙҙең республикала йәшәүселәрҙең 54 процентҡа яҡыны - гүзәл заттар. 2 миллион 180 мең ҡатын-ҡыҙ бар. Ирҙәр иһә 260 меңгә аҙыраҡ. Әйткәндәй, Рәсәйҙең өс төбәгендә генә ирҙәр ҡатын-ҡыҙҙарҙан күберәк. Улар: Чукотка, Камчатка крайы һәм Ямал-Ненец автономлы округы.

ҡаралған: 7
17:20 - 24.02.2018

Рәсәйҙә алтын запасы арта. Үҙәк банкта 1 мең 857 тонна ҡиммәтле металл тупланған. Был күрһәткес буйынса Рәсәй Ҡытайҙы үтеп киткән һәм донъяла 5-се урынға күтәрелгән. Донъяла иң күп алтын запасы Америка ҡушма штаттары банкында һаҡлана, Рәсәйҙекенән 4 тапҡырға күберәк. Икенсе урында - Германия, өсөнсөлә Халыҡ-ара валюта фонды тора. Донъяла алтынға хаҡ сағыштырмаса тотороҡло ҡала. Шуға күрә дәүләт резервтарының бер өлөшө валютала түгел, ошо металда һаҡлана.

ҡаралған: 9
16:40 - 24.02.2018

Башҡортостанда йорт ҡуяндары итен етештереү һәм сыр эшләү буйынса яңы заводтар төҙөлә. "Туҡмаҡ" агрофирмаһының тәҡдимдәре Республика өҫтөнлөклө инвестиция проекттары исемлегенә инде. Тәүгеһенә ярашлы, Шишмә районында йорт ҡуяндары үрсетеләсәк. Агрокомплекстың беренсе 4 корпусын быйыл уҡ төҙөү планлаштырыла. Йәнә бер проект Хәйбулла районында һөт-тауар фермаһын ремонтлап, сыр эшләп сығарыуға бәйле. Һөттө урындағы фермерҙарҙан алыу планлаштырыла. Агрофирма тәҡдим иткән инвестиция проекттарының дөйөм суммаһы ярты миллиард һумдан арта. 138 эш урыны...

ҡаралған: 9
16:00 - 24.02.2018

Өфөлә "Реаль кешеләр" проекты старт алды. Республика баш ҡалаһында йәшәүселәр, унда ҡатнашыу өсөн үҙ геройҙарын тәҡдим итә ала. Халыҡтың тормошон яҡшыртыу өсөн тырышҡан кешеләр тураһында мәғлүмәттәр туплана. Мәҫәлән, КамАЗ водителе, электромонтер, китапханасы, ғилми консультант, тракторсы һәм башҡа һөнәр эйәләре тураһында һөйләүселәр булған. Материалда мотлаҡ рәүештә геройҙың фотоһүрәте булырға тейеш. Конкурс йыл дауамында бара, һуңынан "Реаль кешеләр" күргәҙмәһе ойоштороласаҡ....

ҡаралған: 7
15:20 - 24.02.2018

Бөгөн Көньяҡ Кореялағы Олимпиадаға бара алмаған беҙҙең ил спортсылары өсөн альтернатив турнир старт алды. Унда 900-ҙән ашыу кеше ҡатнаша. Саңғыла йүгереү, бобслей, конькиҙа йүгереү спорты, биатлон һәм башҡа ярыштар 5 апрелгә тиклем бара. Улар илдең төрлө ҡалаларында үтә. Еңеүсегә 4 миллион һум бирелә. Көмөш миҙал өсөн - 2 миллион ярым, бронза миҙал хужаһына 1 миллион 700 мең һумлыҡ приз билдәләнгән. Рәсәйҙең байтаҡ спортсылары допинг ҡулланыуҙа ғәйепләнеп Ҡышҡы Олимпиаданан ситләтелде. Көньяҡ Кореялағы Уйындар иһә иртәгә тамамлана...

ҡаралған: 11
14:38 - 24.02.2018

Башҡортостанда һуңғы тәүлектә генә юл хәрәкәте ҡағиҙәләрен боҙоуҙың 3 мең 600-ҙән ашыу осрағы теркәлгән. Республика автоинспекцияһынан хәбәр итеүҙәренсә, 78 кешенең ҡанында алкоголь асыҡланған, улар машина йөрөтөүҙән ситләтелгән. 150 водитель ҡаршы яҡ юл һыҙатына сығып кешеләр ғүмере өсөн хәүеф тыуҙырған. Юл хәрәкәте ҡағиҙәләрен боҙоусыларҙың күбеһе штрафтар менән ҡотолған. Республикала юл инспекцияһы был ял көндәрендә лә көсәйтелгән тәртиптә эшләй.

ҡаралған: 9
14:00 - 24.02.2018

11 мартта "Башҡортостан" милли паркында балыҡ ҡармаҡлау фестивале үткәрелә. Унда теләгән һәр кем ҡатнаша ала. Үҙенсәлекле ярыш Мәләүез районының Иштуған ауылындағы Ҡыҙыл күлдә ике этапта ойошторола. Тәүгеһе һөҙөмтәләре буйынса 20 финалсы һайлап алына. Иң күп балыҡ ҡармаҡлағандар ир-ат, ҡатын-ҡыҙҙар һәм үҫмерҙәр араһында асыҡлана. Иң эре балыҡ эләктергән кешегә махсус приз ҡаралған.

ҡаралған: 9
13:20 - 24.02.2018

Башҡортостанда бушлай рус телен өйрәтеү курстары старт алды. Өфөлә "Тоталь диктант" бөтә Рәсәй акцияһына әҙерлек маҡсатында ошондай тәүге сара 21 февралдә булды. 11 апрелгә тиклем һәр шаршамбы ойошторола. Башҡа ҡалаларҙа ла курстар башланған, мәҫәлән, Стәрлетамаҡта һәр йома үтә. Рәсәйҙә йыл һайын рус теленән "Тоталь диктант" яҙалар. Быйылғыһы 14 апрелдә була. Башҡортостанда иһә башҡорт теленән дә диктант яҙыу буйынса акция ойошторолоп килә.

ҡаралған: 9
12:40 - 24.02.2018

Белорет районында "Борисов мейестәре" тигән тарихи мираҫ объекты Өфө уҡыусыһы отҡан грант аҡсаһына төҙөкләндерелә. 15 йәшлек Илья Жмаевтың проекты Бөтә Рәсәй конкурсында еңеп сыҡты. Уны ғәмәлгә ашырыу өсөн 200 мең һум бүленде. "Борисов мейестәре" Ҡараташ тауы итәгендә урынлашҡан. Унда 18 быуатта Инйәр металлургия заводы өсөн күмер етештергәндәр.

ҡаралған: 10
12:00 - 24.02.2018

Башҡортостан хужалыҡтары сәсеү кампанияһына әҙерләнә. Быйылғы яҙғы баҫыу эштәрен 40 көндә тамамларға иҫәп тоталар. Маҡсаттар һәм бурыстарҙы билдәләү өсөн республика райондарында махсус кәңәшмәләр уҙа. Аграр семинарҙарҙың береһе киләһе аҙнала, Әбйәлилдә үткәрелә. Урал аръяғы кооперативтары һәм етештереүселәре был һөйләшеүҙә сәселәсәк майҙандар күләмен билдәләп, ниндәй культураларға өҫтөнлөк биреләсәген аныҡлай. Быйыл Башҡортостандың көньяҡ өлөшөндә арыш-бойҙайҙан тыш, етен, кукуруз һәм шәкәр сөгөлдөрө сәсеүлектәрен киңәйтергә ниәтләйҙәр....

ҡаралған: 8
11:21 - 24.02.2018

Бөгөн Башҡорт дәүләт медицина университеты клиникаһында бер нисә ғәҙәти булмаған операция уҙғарыла. Унда төп табип ролендә робот-хирург буласаҡ. Уҡыу йортонан белдереүҙәренсә, пациенттар өсөн ул бер ниндәй эҙемтәһеҙ үтә һәм улар күпкә тиҙерәк аяҡҡа баҫа. Робот операцияны юғары аныҡлыҡта һәм төрлө микроинструменттар ярҙамында эшләй, был инде ҡан юғалтыуҙарҙы минималь кимәлгә еткерә.

ҡаралған: 7
10:40 - 24.02.2018

Республика ҡулланыусылар хоҡуҡтарын күҙәтеү хеҙмәтенән белдереүҙәренсә, ОРВИ эпидемияһына бәйле баш ҡаланың мәктәпкәсә учреждениеларҙы иҫкәртеү саралары күрелә. Бынан кире балалар баҡсаларында көндәлек медицина тикшереүҙәре үткәрелә. Тәрбиәселәр һәм башҡа хеҙмәткәрҙәр медицина битлектәре йөрөтөргә һәм уларҙы һәр 3-4 сәғәт һайын алыштырып торорға тейеш. Сирләгән хеҙмәткәрҙәр балалар менән эшләүҙән ситләтелә. Өфөлә грипп менән күпләп сирләүҙәр башланды һәм ул эпидемия кимәленән 20 процентҡа юғары.

ҡаралған: 12
10:00 - 24.02.2018

Бөгөн өфөләрҙе һәм баш ҡала ҡунаҡтарын ауыл хужалығы йәрминкәләрендә көтәләр. Саралар ҡаланың өс майҙансығында: Ленин районының Солтанов урамындағы 2-се йорт эргәһендәге трамвай ҡулсаһы майҙанында һәм Әхмәтов урамындағы «Тулҡын» скверы алдында, Орджоникидзе районында Орджоникидзе исемендәге майҙанда үтә. Сауҙала ит һәм башҡа төр ауыл хужалығы продукцияһы һатып алырға мөмкин. Йәрминкәләр иртәнге сәғәт 10-дан 4-кә тиклем эшләй.

ҡаралған: 8
09:20 - 24.02.2018

Бөгөн Нефтекамала йәшәүселәр ғәҙәти булмаған махсус техниканы һынауҙың шаһиты була ала. Бында үҙенең үтә ала һәләте буйынса донъяла тиңе булмаған "Шерп" вездеходына тест-драйв үткәрелә. Ойоштороусылар әлеге сараға һунарсылар һәм балыҡсыларҙы, туризм һәм сәләмәт тормош рәүешен үҙ итеүселәрҙе саҡыра.

ҡаралған: 9
08:21 - 24.02.2018

Женева ҡалаһында Берләшкән Милләттәр Ойошмаһы йортонда башҡорт халҡының "Урал батыр" эпосы яңғыраны. Бында Халыҡ-ара туған телдәр көнө айҡанлы әҙәби сара ойошторолдо. Унда ойошма хеҙмәткәрҙәре һайлап алыған телдәр менән интерактив экран урынлаштырылды. Шулай уҡ төрлө этнос вәкилдәре әсә телдәрендә үҙҙәренең эпостарын уҡып ишеттерҙе. Башҡорт халҡының ауыҙ-тел ижады өлгөһө менән бөгөнгө көндә Швейцарияла йәшәүсе Айһылыу Йәнтурина-Дарлес таныштырҙы.

ҡаралған: 9
07:38 - 24.02.2018

Туймазы ҡалаһында универсаль боҙ спорты комплексының 2-се сираты сафҡа индерелде. Әлеге объект Башҡортостандың 100 йыллығы айҡанлы төҙөлгөн 100 объект исемлегенә инә. «Туймазы-Арена» 2012 йылда төҙөлә башлағайны. Уның майҙаны 10 мең квадрат метр тәшкил итә. Унда боҙ аренаһынан тыш, тренажер бүлмәләре һәм еңел атлетика өсөн иркен зал бар. Комплекста киләсәктә төбәк-ара һәм федераль кимәлдәге ярыштар үткәрергә мөмкин.

ҡаралған: 10
07:15 - 24.02.2018

Республикала көслө һалҡындарға бәйле, М5 трассаһында йылыныу пункты булдырылды. Ғәҙәттән тыш хәлдәр министрлығының төбәк идаралығы көндәрҙең һыуытыуы тураһында иҫкәртә. Шуның өсөн туңып өшөүгә ҡаршы һәр кемдән тейешле саралар күрергә саҡыра, алыҫ юлдарға сығыуҙан тыйылып торорға тәҡдим итә. Алдағы көндәрҙә 30 градусҡа тиклем һыуытыуы көтөлә.

ҡаралған: 11
06:43 - 24.02.2018

«Китап» нәшриәтендә Ғүмәр Хәйәмдең Рәми Ғарипов тәржемәһендәге робағиҙары тәүге тапҡыр факсимиль баҫмала донъя күрҙе. Был хаҡта Республика Башлығы Рөстәм Хәмитов республика Хөкүмәте ултырышында хәбәр итте. Төбәк етәксеһе һүҙҙәренсә, баҫма Халыҡ-ара туған телдәр көнөнә арналған."Бик ҡыҙыҡлы эш. Бында күренекле башҡорт шағирының Ғүмәр Хәйәмдең робағиҙарын башҡорт теленә тәржемәләү буйынса эшмәкәрлеге факсимиль вариантта һүрәтләнгән. Йөкмәткеле баҫма", – тине Рөстәм Хәмитов. Ғүмәр Хәйәмдең робағиҙары тәржемәһе беренсе тапҡыр айырым китап булып...

ҡаралған: 8
18:37 - 23.02.2018

Илебеҙҙә иғлан ителгән Ирекмәндәр йылы айҡанлы, граждандар башҡаларға ярҙам күрһәтеү буйынса яңынан-яңы башланғыстар менән сығыш яһай. Башҡортостандың "көмөш ирекмәндәр", йәғни, өлкән быуын вәкилдәре лә, үҙ көстәрен берләштереп, башҡаларға һалҡын көндәрҙә аҙ ғына булһа ла йылылыҡ өләшергә ҡарар итте. Атап әйткәндә, улар мохтаждар өсөн оло быуын ирекмәндәре бәйләгән бейәләй һәм ойоҡбаштар, свитерҙар һәм шарфтар йыйыуҙы ойошторҙо. Тупланған әйберҙәр март башында балалар һәм ҡарттар йорттарына, социаль учреждениеларға тапшырыла.

ҡаралған: 11

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

кис -15..-17°C
төндә -19..-21°C
иртән -21..-23°C
көндөҙ -11..-13°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.