Яңылыҡтар

18:42 - 21.07.2018

Стратегик тикшеренеүҙәр институты ғалимдары 20-ләп районда халыҡ фекерен белешергә ниәтләй. Бындай алым муниципалитеттарҙы үҫтереү стратегияларын эшләү өсөн кәрәк. Анкета 80 һорауҙан тора. Халыҡтан эш урыны, матди хәле, белеме, йәшәү рәүеше, урында медицина хеҙмәтләндереүе һәм башҡаларҙы һорашалар. Социологик тикшеренеү һөҙөмтәләре буйынса райондарҙа социаль-иҡтисади үҫтереү стратегиялары булдырыла. Ошо документтарҙан сығып Башҡортостандың 2030 йылғаса иҫәпләнгән үҫеш стратегияһына ла тейешле үҙгәрештәр индерелә.

ҡаралған: 8
17:15 - 21.07.2018

Тиҙҙән тәбиғәт паркы биләмәһендә ошондай тыйыу ҡабул ителә, тип белдерҙе Башҡортостан тәбиғәтте һаҡлау буйынса район-ара прокуроры Рунар Шайхетдинов. Айырыуса һаҡланған биләмәлә закон буйынса механик транспорт йөрөмәҫкә тейеш, тине ул. Ошондай уҡ сикләү Ирәмәл һыртында ла ғәмәлгә инде. Ҡарғиҙәрҙәрҙә йөрөү тыйылды. Бизнес ойошторған булғандар, туристарҙы алып барып еткереү өсөн һәр береһән бишәр мең һум алғандар. Әле Прокуратура һәм Тәбиғәттән файҙаланыу һәм экология министрлығы башҡа варианттар эҙләй. Туристарҙы Ирәмәл итәгенә аттар менән алып...

ҡаралған: 11
16:15 - 21.07.2018

Рәсәйҙә барыһы өсөн дә түгел, мосолмандар күпләп йәшәгән төбәктәрҙә, шул иҫәптән, Башҡортостанда Ҡорбан байрамы билдәләнә. Быйыл ул 21 авгусҡа тура килә. Байрам алдынан эш көнө бер сәғәткә ҡыҫҡара. Өфөлә ҡорбан салыу өсөн бер генә айырым майҙансыҡ билдәләнгән. Ул Зинин ауылы янында була. Рәсәйҙә закон менән мал салыуға талаптар ҡәтғиләште, бөтә санитар-эпидемиологик талаптар үтәлергә тейеш, төрлө урында үҙ белдегең менән салыу тыйылған.

ҡаралған: 12
15:11 - 21.07.2018

Башҡортостан сысҡан биҙгәген йоҡтороу хәүефе ҙур булған төбәктәр рәтендә. Ҡулланыусылар хоҡуҡтарын күҙәтеү хеҙмәте ил буйынса хәлде анализлаған. Рәсәйҙә һәр 100 мең кешегә гемморрагик биҙгәк йоҡтороуҙың 5-6 осрағы тура килә. Беҙҙең республикала иһә был күрһәткес биш тапҡырға ҙур - уҙған йылда һәр 100 мең кешегә 32 осраҡ булған. Башҡортостандан тыш, Удмурт, Мордва, Марий Эл республикаларында сысҡан биҙгәге менән ауырыусылар күп. Гемморагик биҙгәк хәүефле ауырыу һанала, уны сысҡандар тарата, башлыса баҡсала эшләгәндә туҙан, бысраҡ аша йоға...

ҡаралған: 11
14:09 - 21.07.2018

Башҡортостанда мал аҙығы әҙерләүҙең ҡыҙған мәле. Әлегә 407 мең тонна бесән әҙерләнгән, тип хәбәр итәләр Ауыл хужалығы министрлығынан. План 54 процентҡа үтәлгән. Ейәнсура, Көйөргәҙе һәм Балтас хужалыҡтарында быйыл бесән мул булған. Республикала бөгөнгә 943 мең сенаж һалынған. Был кәрәк булғандың 55 процентына тиң. Балтас, Благовещен һәм Йылайыр районындары ауыл хужалығы эшсәндәре был планды тулыһынса үтәгән.

ҡаралған: 11
13:18 - 21.07.2018

Иртәгә, 22 июлдә, республикала һәм Өфөлә көндөң аяҙлы-болотло булыуы, урыны менән бер аҙ ямғыр яуыуы көтөлә. Ел көнсығыштан талғын, көсәйеүсән. Һауа температураһының республикала төндә +11, +16, көндөҙ +21,+26, Өфөлә төндә +13,+15, көндөҙ +23, +25 градус йылы булыуы күҙаллана. Алдағы ике көндөң яуым-төшөмһөҙ булыуы, һауа температураһының әкренләп күтәрелеүе көтөлә.

ҡаралған: 12
12:39 - 21.07.2018

Хеҙмәт һәм социаль яҡлау министрлығы әҙерләгән документҡа ярашлы, Яңы йыл каникулы 10 көнлөк була. 1 ғинуарҙан 8-енә тиклем һуҙыла. Шулай уҡ быйыл 30 декабрь йәкшәмбе һәм 31 декабрь дүшәмбе ял итәбеҙ. Байрамға тура килгә ҡайһы бер ял көндәре күсерелә. Һөҙөмтәлә, Халыҡ-ара ҡатын-ҡыҙҙар көнө уңайынан һәм ноябрҙә өс көнлөк ялдар була. Май айында ла оҙайлы ялдар бар - 1-енән 5-енә тиклем ял итәсәкбеҙ, унан һуң өс көн эшләп алғас, йәнә 9 майҙан 12-еһенә тиклем ял ҡаралған.

ҡаралған: 13
12:10 - 21.07.2018

Рәсәйҙә Хеҙмәт кодексына төҙәтмәләр әҙерләнә. Хеҙмәт һәм социаль яҡлау министрлығы ышанысты юғалтыу арҡаһында эштән бушатыу тигән һылтауҙы коммерция предриятиелары өсөн дә ғәмәлгә индереүҙе тәҡдим итә. Әле бындай сәбәп менән дәүләт хеҙмәткәрҙәре генә вазифаһынан бушатыла ала. Йыш ҡына коммерция менән шөғөлләнеүсе, сит ил банктарында аҡса һаҡлаусы, килемен йәшереүсе чиновниктар ышанысһыҙ тип табыла.

ҡаралған: 12
11:38 - 21.07.2018

Өфөнөң “Планета” сауҙа-күңел асыу комплексында бөгөн ғаилә ҡиммәттәренә арналған экспозиция асыла. Ул "Ғаилә ҡумтаһы” Бөтә Рәсәй проекты сиктәрендә тормошҡа ашырыла. унда ил кимәлендә конкурстарҙа еңеү яулаған ғаиләләр тарихы хаҡында күргәҙмә ойошторола, психологтар консультация бирә, музыкаль коллективтар сығышы ҡаралған. Күсмә экспозиция Өфөлә 2 көн була.

ҡаралған: 12
11:12 - 21.07.2018

Бөгөнгө сара "Планета" сауҙа һәм күңел асыу үҙәгендә була. Көйәрмәндәргә Башҡортостан командаһының яңы формаһы күрһәтеләсәк. "Өфө" Австрияла миҙгел алды күнекмәләре уҙғарҙы. Премьер-лигала даими беренселек 29 июлдә старт ала. Чемпионат башланыр алдынан баш ҡала футболсылары Европа лигаһында һайлап алыу этабында уйнаясаҡ. 26 июлдә Өфөгә “Домжале” клубы килә. Яуап уйыны бер аҙнанан Словенияла үтә.

ҡаралған: 10
10:13 - 21.07.2018

Мәскәүҙә бөгөн һабантуй уҙа. Милли байрам баш ҡаланың Коломенское музейы биләмәләрендә ойошторола. Йыл һайын уҙғарылып килгән сараға Мәскәүҙә йәшәгән меңдәрсә яҡташыбыҙ килә.Башҡортостан исеменән баш ҡала халҡын Әбйәлил менән Стәрлетамаҡ коллективтары тәбрикләй. Асыҡ һауалағы этнографик күргәҙмәлә байрам ҡунаҡтары башҡорт һәм татар ауылдары буйлап йөрөй, ике туғандаш халыҡтың тарихы, мәҙәниәте, көнкүреше менән таныша һәм милли аш-һыуҙы тәмләп ҡарай ала. Сувенирҙар, халыҡ кәсептәре әйберҙәрен һәм милли нәшриәттәрҙә донъя күргән китаптар һатыу...

ҡаралған: 16
10:06 - 21.07.2018

Республика Үҙәк һайлау комиссияһынан хәбәр итеүҙәренсә, бер мандатлы округтар буйынса 304 кандидат документтар тапшырған. Улар араһында 26 кеше үҙ-үҙҙәрен күрһәтеүселәр, ҡалғандары – сәйәси партиялар вәкилдәре. Кандидаттарҙан документар бөгөн 18 сәғәткәсә ҡабул ителә. Дәүләт-Йыйылышы-Ҡоролтайға һайлау 9 сентябрҙә үтә.

ҡаралған: 11
09:20 - 21.07.2018

Бөгөн Өфөлә еләк йәрминкәһе уҙа. Спорт һарайы алдындағы майҙанда фермер хужалыҡтары һәм баҡсасылар күргәҙмә ойоштора. Унда емеш-еләк үҫтереүселәр ҡатнаша ала. Сара иртәнге сәғәт туғыҙҙан киске сәғәт бишкә тиклем үтә. Йәрминкәлә шулаҡ уҡ ауыл хужалығы продукциялары тәҡдим ителәсәк. Ит һәм һөт ризыҡтары һатыу тыйыла.

ҡаралған: 16
09:01 - 21.07.2018

Салауат ҡалаһында "Ауструм" көнкүреш йорто биналарында янғын хәүефһеҙлеге талаптары үтәлмәгән. Кинотеатр, балалар залында автоматлаштырылған ут һүндереү системалары ҡуйылмаған, иҫкәртеүсе приборҙар ҙа юҡ. Бынан тыш сауҙа рәттәре эвакуация юлдарында урынлашҡан. Административ протоколдар төҙөлгән, ҡала прокуратураһы етешһеҙлектәрҙе бөтөрөү талабын ҡуйған. Быйыл Кемеровола сауҙа-күңел асыу комплексында янғын сығып, 60-тан ашыу кеше һәләк булды, ошонан һуң ил буйынса күләмле тикшереүҙәр башланды. Әлегә тиҫтәләрсә...

ҡаралған: 11
08:31 - 21.07.2018

Киров районында Эшсе хәбәрселәр урамындағы бер йортта йәшәүселәр эргәләге майҙанды үҙҙәренең машиналарын ғына ҡуйыр өсөн кәртәләп алған. Әммә был эште үҙ белдеге менән башҡарған, район хакимиәте ризалығын алмаған. Махсус комиссия шлагбаумды алып ташларға ҡушҡан. Дөйөм биләмәне төрлө ысулдар менән уратып алыу, бикләү законһыҙ тип һанала, граждандарға кәмендә 5 мең һумлыҡ штраф ҡаралған.

ҡаралған: 11
07:30 - 21.07.2018

Геологтар Ерҙең әлеге дәүеренә рәсми атама тапты. Һуңғы 4 мең 200 йыл яңы эра тип һанала, уға Мегхалай тигән исем бирелгән. Халыҡ-ара геохронология комиссияһы ошондай ҡарарға килгән. Эксперттар 4 мең йыл элек планетала көслө ҡоролоҡ арҡаһында ҙур боронғо цивилизациялар юҡҡа сығыуын иҫәпкә алған. Яңы тарихты ошонан иҫәпләйҙәр. Шулай итеп 11 мең 700 йыл элек башланған галоцен дәүерендә төньяҡ гриппин, гренландия һәм яңы мегхалай эралары була.

ҡаралған: 13
07:00 - 21.07.2018

"Башҡортостандың асыҡ сифаты" тигән мәғлүмәт-аналитика порталы булдырыла, тип хәбәр итәләр Республика хөкүмәтенән. Ошо эш менән Сауҙа һәм ҡулланыусылар хоҡуҡтарын яҡлау буйынса дәүләт комитеты шөғөлләнә. Был сайтта төрлө продукцияның сифаты, лаборатория анализдары, тәмләп ҡарау һөҙөмтәләре, дәүләт стандарттарының үтәлеше буйынса мәғлүмәттәр урынлаштырыла. Портал авторҙары фекеренсә, интернет-ресурс халыҡ, бизнес ойошмалары шулай уҡ контроль органдары өсөн берҙәй кәрәкле буласаҡ. Яңы сайттың асылыу ваҡыты тураһында мәғлүмәттәр бирелмәй.

ҡаралған: 11
18:21 - 20.07.2018

Республика Башлығы Рөстәм Хәмитовтың ЮНЕСКО геопарктары бөтә донъя селтәренең халыҡ-ара эксперты Сурен Гевинян менән осрашыу ваҡытында ошо турала әйтелде. Унда “Янғантау” геопаркына ЮНЕСКО статусын биреү тураһында һүҙ барҙы. Тәбиғәттән файҙаланыу һәм экология министры Илдар Һаҙыев әйтеүенсә, Салауат районында тауҙарҙа “алтын киҫелештәр”эшләргә тәҡдим ителде. Ошондай урындарға ҡарап, ғалимдар геологик үҙенсәлектәрҙе асыҡлай ала. Ҡая таштары киҫелгән урындарҙа табылған боронғо тереклек эйәләренә ҡарап, тау тоҡомдары барлыҡҡа килеүе ваҡытын асыҡларға...

ҡаралған: 38
17:17 - 20.07.2018

Өфөлә "Ҡашҡаҙан" паркын капиталь төҙөкләндереүгә йәнә аҡса бүленә. Унда фонарҙәрҙе, эскәмйәләрҙе алмаштырыу, теннис, баскетбол , мини-футбол майҙансыҡтарын яңыртыу, балалар өсөн яңы скейт-парк һәм ҡаяға үрмәләү өсөн ҡоролма урынлаштырыу, инженер селтәрҙәрен ремонтлау планлаштырыла. Ошо маҡсатта ҡала бюджетынан 122 миллион һум бүленә. Уҙған йылда иһә "Ҡашҡаҙан" 72 миллион һумға тәртипкә килтерелде.

ҡаралған: 17
16:32 - 20.07.2018

Республика Хөкүмәтендә "Цифрлы белем" проектын ғәмәлгә ашырыу мөмкинлектәре ҡаралды. Уны тәүҙә мәғариф учреждениеларында ҡулланыу планлаштырыла. Электрон курстар, тестар ойошторола. Киләсәктә цифрлы иҡтисадты үҫтереү йүнәлешендә эшләйәсәк белгестәрҙең берҙәм базаһын булдырыу көтөлә. "Цифрлы белем" интернет һәм заманса технологиялар дәүерендә хәүефһеҙ һәм һөҙөмтәле тормош алып барыу өсөн мөмкинлектәр тупланмаһы булып тора, ти эксперттар.

ҡаралған: 17

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

кис 21..23°C
төндә 16..18°C
иртән 15..17°C
көндөҙ 21..23°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.