Яңылыҡтар

19:36 - 19.01.2018

Республиканың Зәки Вәлиди исемендәге Милли китапханаһы "Халҡыма һәм мөһабәт еремә һөйөү менән" тип аталған әҙәби конкурс иғлан итте. Сара Башҡортостандың халыҡ яҙыусыһы, Салауат Юлаев исемендәге дәүләт премияһы лауреаты, бөйөк башҡорт әҙибәһе Зәйнәб Биишеваның тыуыуына 110 йыл тулыуға арнала. Унда 10 йәштән 17 йәшкә тиклемге уҡыусылар һәм китапханалар хеҙмәткәрҙәре ҡатнаша ала.

ҡаралған: 30
18:36 - 19.01.2018

Ошо туралағы Республика Хөкүмәте күрһәтмәһе 1 февралдән көсөнә инә. Документҡа ярашлы, һәр 10 саҡрым өсөн юл хаҡы 20 һум менән билдәләнә. Артабан һәр километр өсөн пассажир 2-шәр һум түләйәсәк. Юл йөрөү хаҡтарын төшөрөү мәсьәләһен Республика халҡын хеҙмәтләндереүсе "Башҡортостан ҡала яны пассажирҙар компанияһы" һәм Свердлов өлкәһенә ҡараған "Содружество" ойошмалары үҙҙәре билдәләй.

ҡаралған: 26
17:27 - 19.01.2018

Өфө аэропортынан 16 июндә Грузияның курорт ҡалаһы - Батумиға авиарейстар асыла. Осоштар даими нигеҙҙә аҙнаһына ике тапҡыр - шаршамбы һәм шәмбе көндәре башҡарыласаҡ. Самолет Өфөнән 18 сәғәт 05 минутта һауаға күтәрелә һәм Батуми аэропортына 20 сәғәт 05 минутта ултыра. Кире яҡҡа 12 сәғәт 05 минутта оса һәм республикабыҙ баш ҡалаһына 16 сәғәт 50 минутта килеп етә. "Өфө" халыҡ-ара аэропортының матбуғат хеҙмәтенән хәбәр итеүҙәренсә, билеттар һатыла башлаған да инде. Бер яҡҡа осоу хаҡы 10 мең 300 һумдан билдәләнгән. Рейстарҙы 50...

ҡаралған: 13
16:22 - 19.01.2018

Үҙәк банк нигеҙ ставканы 50 пунктҡа түбәнәйтте. Хәҙер йыллыҡ ставка кәмендә 7,75 процент була. Рәсәйҙә быйыл инфляция кимәле түбән, нефткә хаҡтар ҙа тотороҡло һаҡлана, нигеҙ ставка ошоларға ҡарап кәметелгән. Был мәсьәлә буйынса киләһе ултырыш 9 февралгә тәғәйенләнгән. Нигеҙ ставканың йәнә кәметелеү мөмкинлеге күҙаллана.

ҡаралған: 26
15:11 - 19.01.2018

Бөтә донъя башҡорттары ҡоролтайынан хәбәр итеүҙәренсә, ошо маҡсатта, "Ғаилә – туған тел һаҡсыһы" республика конкурс- фестивале үткәреү ҡаралған. Республикала иғлән ителгән Ғаилә йылы айҡанлы, шулай уҡ "Фотоһүрәттәрҙә тарих сағыла", "Милли мираҫҡа тоғролоҡ", "Өләсәйемдән отоп алдым" тип аталған интернет-конкурстар уҙғарыла. Уларҙа милли йолаларҙы хөрмәт иткән һәм үҙ балаларында туған телгә һәм ғөрөф-ғәҙәттәргә һөйөү тәрбиәләгән башҡорт ғаиләләре ҡатнаша ала.

ҡаралған: 27
14:30 - 19.01.2018

Өфөлә юл патруль хеҙмәте хоҡуҡ документы булмаған водителде тотҡан. 284-се маршрут буйынса йөрөгән микроавтобусты Октябрь проспектында туҡтаталар. Руль артында ултырыусыға административ протокол төҙөлгән, машина штраф туҡталҡаһына оҙатылған. Һуңынан асыҡланыуынса, Өфө районында йәшәгән 50 йәшлек ир 2013 йылда автомобиль менән иҫерек килеш идара иткән өсөн йөрөтөү хоҡуғынан мәхрүм ителгән булған. Әммә, ул документтарын тапшырмаған һәм пассажирҙар ташыу өлкәһендә эшен дауам иткән. Бының өсөн уны 30 мең һум штраф, 15 көнгә ҡулға алыу йәки...

ҡаралған: 20
14:03 - 19.01.2018

Әбйәлил районында Яҡтыкүлдән алыҫ булмаған тау саңғыһы трассаһында 14 йәшлек ҡыҙ һәләк булған. Бәхетһеҙ осраҡ 17 ғинуарҙа теркәлгән. Ҡыҙ бында тренер етәкселегендә Магнитогорск ҡалаһындағы "Металлург-Магнитогорск" спорт клубының 11 спортсыһынан торған төркөмдә шөғөлләнгән булған. Сираттағы күнекмә ваҡытында ул йығылған һәм юлдан ситтә ташҡа башы менән бәрелгән. Ауыр йәрәхәттән шунда уҡ һәләк булған. Әлеге ваҡытта ваҡиға сәбәптәрен асыҡлауға йүнәлтелгән оператив саралар үткәрелә.

ҡаралған: 18
13:12 - 19.01.2018

Иртәгә, 20 ғинуарҙа, республикала һәм Өфөлә көндөң аяҙлы-болотло булыуы, урыны менән бер аҙ ҡар яуыуы көтөлә. Ел көнсығыштан талғын, көндөҙ көсәйеүсән. Һауа температураһының республикала төндә -25,-30, урыны менән -15,-20, көндөҙ -14,-19, айырым райондарҙа -10, Өфөлә төндә -24,-26, ҡала үҙәгендә -17, көндөҙ -14,-16 градус һалҡын булыуы күҙаллана. Алдағы ике көндөң һалҡынса тороуы, айырым райондарҙа бер аҙ ҡар яуыуы көтөлә.

ҡаралған: 35
12:30 - 19.01.2018

Ошо көндәрҙә юлды асыу тантанаһы үтте. Йылайырҙағы иң төпкөл ауылдарҙың береһендә хәҙер яҙлы-көҙлө медицина ярҙамын алыуға, мәктәпкә барыуға, аҙыҡ-түлеккә бәйле ҡатмарлыҡтар юҡ. Юл "Ауыл биләмәләренең тотороҡло үҫеше" программаһына ярашлы төҙөкләндерелгән. Йылайыр районы хакимиәтенән белдереүҙәренсә, төҙөлөш планға ярашлы башҡарылған, тотҡарлыҡтар булмаған. "Ауыл биләмәләренең тотороҡло үҫеше" программаһына ярашлы, быйыл 5 райондың 8 ауылына инеү юлдарын төҙөү планлаштырыла.

ҡаралған: 18
12:03 - 19.01.2018

Өфөлә Башҡортостан, Тула һәм Силәбе эшҡыуарҙарының тәүге бизнес-осрашыуы үтте. Ул "Башҡорт балы менән Тула перәниге" тигән берлектәге бренд булдырыуға арналды. Тула кондитер фабрикалары вәкиле Ольга Петрова әйтеүенсә, сәфәр маҡсаты - бал буйынса потенциаль партнерҙар табыу. "Башҡорт балы" һәм "Тула перәниге" - гастрономия брендтары. Ике брендты бергә ҡушып, продукттың һатып алыусанлығын көсәйтәбеҙ. Был баҙарға яңы ризыҡ сығарыу тигән һүҙ. Әле илдә гастрономия брендтарының берләшкәне юҡ. Тула өлкәһендә башҡорт балы менән перәник һынау...

ҡаралған: 13
11:24 - 19.01.2018

“Халыҡтар дуҫлығы һәм берҙәмлеге менән йәшәй йөҙйәшәр Башҡортостан” фестиваль-марафоны дауам итә. Февраль башында Өфөгә Хәйбулла районы делегацияһы килә. Был сара 2017 йыл аҙағында башланды. Тәүгеләрҙән булып Башҡорт дәүләт филармонияһында учалылар сығыш яһаны. Башҡортостан Республикаһының 100 йыллығына анналған фестиваль-марафонды Бөтә донъя башҡорттары ҡоролтайы, мәҙәниәт министрлығы, район-ҡалалар хакимиәттәре ойоштора.

ҡаралған: 14
10:45 - 19.01.2018

Дуҫлыҡ Монументы янындағы иҫке күпер ябылыуға бәйле уңайһыҙлыҡтар тыуғайны. Мәсьәләне хәл итеү өсөн иҫке күпер яңындағыһында һыҙаттар берәүгә арттырылды. Быға тиклем унда 5 һыҙат булһа, бөгөндән 6-ға әйләндерелде, һәр ике яҡҡа өсәр һыҙат тура килә. Һөҙөмтәлә, Өфөгә ингән-сыҡҡанда тығындар ҙа кәмер тип көтөлә.

ҡаралған: 16
09:37 - 19.01.2018

Мәжит Ғафури исемендәге Башҡорт дәүләт академия драма театрында бөгөн билдәле актер Илшат Йомағоловтың тыуыуына 85 йыл уңайынан хәтер кисәһе уҙғарыла. Тәүге өлөштә ул уйнаған спектаклдәрҙән өҙөктәр, икенсе өлөштә улы - режиссер Айсыуаҡ Йомағоловтың атаһы ҡатнашлығындағы “Башватҡыс” фильмы күрһәтелә. Илшат Йомағолов 10 йыл элек вафат булды. Ошо көндәрҙә ул йәшәгән йортҡа иҫтәлекле таҡтаташ ҡуйылды.

ҡаралған: 26
08:43 - 19.01.2018

Башҡортостан кредит карталары иҫәбе буйынса илдә алдынғы урында килә. Кредит тарихы милли бюроһынан хәбәр итеүҙәренсә, республикала былтыр 179 мең банк картаһы бирелгән. 2016 йыл менән сағыштырғанда, был күрһәткес 70 процентҡа күберәк. Дөйөм ил буйынса рейтингта беҙҙең республика өсөнсө урында. Беренселә Һарытау өлкәһе урынлашҡан.

ҡаралған: 19
08:28 - 19.01.2018

Осрашыуҙа предприятиеларҙың инвестиция әүҙемлеге, масштаблы инвестиция проекттарын тормошҡа ашырыу перспективалары буйынса фекер алышынды. Башҡортостан башлығы билдәләүенсә, ҡыҙғанысҡа ҡаршы, былтыр күп кенә предприятиеларҙың эше һүлпәнәйгән. "Бөгөн беҙ уның сәбәптәрен, ни өсөн көтөлгән эштең булмауын асыҡларға тейешбеҙ. Бер үк ваҡытта, кәрәк булған осраҡта, дәүләт ярҙамы, хәлде төҙәтеү өсөн яҡын арала нимә эшләү мөмкинлеге тураһында ла һөйләшергә кәрәк. Әлбиттә, был мәсьәлә буйынса предприятиелар яғынан үҙгәрештәр талап итәсәкбеҙ",- тине төбәк...

ҡаралған: 19
08:01 - 19.01.2018

Республика халыҡ ижады үҙәге “Тере һүҙ” тигән бәйге иғлан итте. Унда 15 йәштән 35-кәсә егеттәр һәм ҡыҙҙар ҡатнаша ала. Конкурс Ғаилә йылына арнап үткәрелә. Шуға бәйге шарттары буйынса, әсәй, атай, бәхетле баласаҡ, ғаилә ҡиммәттәренә бәйле шиғырҙар һөйләргә кәрәк. Билдәле шағирҙар әҫәрҙен һөйләргә йәки үҙен яҙған шиғырҙарҙы тәҡдим итергә була. Ғаризалар Республика халыҡ ижады үҙәгендә 14 февралгә тиклем ҡабул ителә.

ҡаралған: 50
07:20 - 19.01.2018

Рәсәйҙә яғыулыҡ-ҡойоу станцияларына баһа ҡуйыла. Техник көйләү һәм метрология буйынса федераль агентлыҡ автохужалар федерацияһы менән берлектә АЗС-тарҙы ҡунаҡханалар кеүек "йондоҙ" билдәһе менән баһаларға тәҡдим итә. Бында яғыулыҡ сифаты ғына түгел, ә техник хеҙмәттәр күрһәтелеүе, туҡланыу урыны, бәҙрәф булыуы иҫәпкә алына. Стандартты әҙерләүҙә ябай халыҡ та ҡатнаша аласаҡ, тип белдерәләр "Росстандарт"тан.

ҡаралған: 15
06:38 - 19.01.2018

Башҡорт ҡурайы бренд булараҡ теркәлә. Был турала беҙҙең республиканан сенатор Лилиә Ғүмәрова белдерҙе. Интеллектуаль милек буйынса федераль хеҙмәткә ошоға бәйле заявка 25 декабрҙә ебәрелгән. Әлеге мәлдә Рәсәйҙә музыка ҡоралдарынан тула гармуны ғына бренд булараҡ теркәлгән. Яҡын арала был исемлеккә ҡурай ҙа индерелеүе ихтимал. Федерация Советында сенаторҙарға төбәк брендатарын асыҡлау буйынса эш йөкмәтелде. Республика етәкселеге лә һәр район һәм ҡалаға бренд булдырыу бурысы ҡуйғайны. Мәҫәлән, Бөрөлә алманы, Бөрйәндә балды, Баймаҡта ҡымыҙҙы,...

ҡаралған: 39
19:43 - 18.01.2018

Башҡортостанда “Урындағы мәҙәниәт йорто” проектына старт бирелде. Беҙҙең республикала был программала былтырҙан ҡатнаша башланы. Унда 18 райондан 30-лап мәҙәниәт йорто заявка биргәйне. Бының өсөн федераль бюджеттан 46 миллион һум бирелде. Быйылдан программала үҙгәреш бар. Смета әҙер булған осраҡта, мәҙәниәт йортон ремонтларға рөхсәт ителә. Быға тиклем музыка йәки яҡтыртыу ҡорамалдары, сәхнә кейеме һатып алырға ғына рөхсәт ителә ине. Проектта ҡатнашырға теләүселәрҙән документтар Мәҙәниәт министрлығында ҡабул ителә.

ҡаралған: 21
17:37 - 18.01.2018

Башҡортостанға Волга буйы федераль округынан социаль өлкә белгестәре йыйыла. Өфөлә 22-23 ғинуарҙа “Киләсәк” тип аталған форум үтә. Быға тиклем федераль округтарҙа ошондай саралар Калининградта һәм Ульяновскиҙа уҙҙы. Беҙҙең республика был исемлектә өсөнсө төбәк була. Һуңынан мартта Мәскәүҙә Бөтә Рәсәй форумы үтә. Өфөләге йыйында социаль хеҙмәтләндереү, инвалидтар өсөн тигеҙ мөмкинлектәр булдырыу, социаль дәүләт үҙенсәлектәренә бәйле темалар күтәрелә. Бөгөнгә илдә халыҡты социаль хеҙмәтләндереү өлкәһендә 600 меңдән ашыу белгес эшләй. Улар 10...

ҡаралған: 22

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

төндә -13..-15°C
иртән -10..-12°C
көндөҙ -9..-11°C
кис -10..-12°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.