Яңылыҡтар

09:11 - 16.07.2018

Башҡортостанда бөгөн “Трактор” айлығы башлана. Махсус сараны үткәреү тураһында ҡарарға Республика Хөкүмәте Премьер-министры Рөстәм Мәрҙәнов ҡул ҡуйҙы. Айлыҡ барышында үҙйөрөшлө машиналар һәм тағылмаларҙың техник торошо тикшерелә. Шулай уҡ транспорттың дәүләт техник тикшереү үтеүе тураһындағы талондары һәм тракторсыларҙың таныҡлыҡтарына иғтибар бирелә. Айлыҡты ойоштороу менән Башҡортостандың үҙйөрөшлө машиналар һәм башҡа төр транспорттың техник торошон күҙәтеү буйынса дәүләт инспекцияһы һәм юл полицияһы шөғөлләнә.

ҡаралған: 22
08:30 - 16.07.2018

Башҡортостанда гепатит менән ауырыусылар һаны билдәле булды. Был сирҙең үтә хәүефле һаналған Б һәм С төрҙәре 50 кешелә асыҡланған. Уларҙың 22-еһе Өфөлә йәшәй. Шулай уҡ Нефтекама, Стәрлетамаҡ ҡалаларында, Иглин, Шишмә, Белорет райондарында гепатит менән ауырыусылар бар. Сирҙе наркотиктар ҡулланғанда энә аша йоҡторғандар. Сирлеләр араһында балалар юҡ, тигән мәғлүмәттәр бирә Наркотиктарға ҡаршы комиссия.

ҡаралған: 35
07:52 - 16.07.2018

Бөгөн, 16 июлдә, республикала һәм Өфөлә көндөң аяҙлы-болотло булыуы, урыны менән бер аҙ ямғыр яуыуы көтөлә. Ел йүнәлешен үҙгәртеүсән, талғын, ваҡыты менән көслө. Һауа температураһының республикала +25,+30, Өфөлә +27, +29 градус эҫе булыуы күҙаллана. Атмосфера баҫымы көн дауамында әллә ни үҙгәрмәй.

ҡаралған: 17
07:30 - 16.07.2018

Туймазы районында йәшәүсе Төркиәгә ял итергә барыу өсөн төҙөлөштө һүтергә мәжбүр була. Республика буйынса Суд приставтары идаралығынан хәбәр итеүҙәренсә, суд ҡарары буйынса төҙөлөш һүтелергә тейеш. Етмәһә, бинаға документтар ҙа булмай сыға. Әммә бурыслы ҡарарҙы инҡар итеп, төҙөлөштө һүтергә ҡабаланмай. Шуға суд приставтары бинаны көсләп һүтергә тигән ҡарар сығара. Сит илгә сығыуҙы сикләгәс кенә Төркиәгә ял итергә барырға теләге булған әфәнде төҙөлөштө үҙе һүтә. Бынан тыш, штраф буйынса йыйылған бурысты түләй. Һөҙөмтәлә, ғәйеплегә Анталияла ял...

ҡаралған: 16
07:00 - 16.07.2018

Өфө студенттары насар күргәндәр өсөн экскурсиялар ойоштора. “Ҡала тауышы” проекты сиктәрендә ҡала тарихы һәм мәҙәниәте хаҡында ҡыҙыҡлы мәғлүмәт алып була. Башҡорт дәүләт педагогия университеты студенттары ошондай проект уйлап тапҡан. Ул Рәсәй президенты грантына лайыҡ булды. Был аҡсаға ирекмәндәр махсус принтер һатып алырға ниәтләй. Уның ярҙамында күреү һәләте булмағандар өсөн тактиль һүрәттәр яһала. Макеттарҙы тотоп ҡарарға һәм Брайль шрифты ярҙамында уҡырға мөмкин. Әле экскурсиялар һынау рәүешендә ойошторола. Уңыш йылмайғанда, бындай саралар...

ҡаралған: 16
06:16 - 16.07.2018

Футбол буйынса донъя чемпионы исемен кәмендә 4 йыл Франция футболсылары йөрөтәсәк. Планета кимәлендәге турнир Рәсәйҙә 14 июндән 15 июлгә тиклем үтте. Финалда Франция һәм Хорватия фтуболсылары осрашты, француздар 4-2 иҫәбенә еңеү яуланы. Өсөнсө урынды Бельгия вәкилдәре алды. Киләһе чемпионатты 2022 йылда Катар ҡабул итә.

ҡаралған: 24
16:25 - 15.07.2018

Республикала экспорт менән шөғөлләнгән барлыҡ ойошмалар бер исемлеккә туплана. Тышҡы иҡтисад бәйләнештәре буйынса дәүләт комитеты экспорт каталогы өҫтөндә эшләй. Ошондай исемлек ярҙамында сит ил компаниялары Башҡортостанда бизнес-партнерҙар таба аласаҡ. Электрон майҙансыҡта республикала эшләгән һәр эшҡыуар теркәлә, мәғлүмәт бушлай урынлаштырыла, тип хәбәр итәләр ведомствонан. Башҡортостанда эшҡыуарҙарға тауарҙарын сит илгә һатырға булышлыҡ итеү өсөн Төбәк экспорт үҙәге һәм федераль ойошманың филиалы ла эшләп килә. 

ҡаралған: 12
15:43 - 15.07.2018

Башҡортостанда парламент һайлауында йәнә өс партия ҡатнашырға теләк белдерҙе. Республика Үҙәк һайлау комиссияһы “Берҙәм Рәсәй” сәйәси фирҡәһенең төбәк бүлексәһенән кандидаттар исемлеген теркәне. Либерал-демократтар ҙа һайлауға ҡушылды. ЛДПР-ҙың төбәк бүлексеһе вәкилдәре шулай уҡ Республика Үҙәк һайлау комиссияһына кандидаттар исемлеген тапшырҙы. “Рәсәй хеҙмәт итеү мөмкинлеге сикләнгән кешеләрҙең берләштерелгән партияһы”ның төбәк бүлексәһе лә кандидаттар исемлеген тәҡдим итте. Дәүләт Йыйылышы-Ҡоролтайға һайлау 9 сентябрҙә үтә. Республика парламентында...

ҡаралған: 21
14:50 - 15.07.2018

Башҡортостанда 90 кеше бурыстары арҡаһында автомобилһеҙ ҡалған. Суд приставтары һалым хеҙмәте менән берлектә рейдҡа сыҡты. Республикала “Юлдағы пристав” тигән система эшләп килә. Уның ярҙамында кешенең бурысы барлығы йәки юҡлығын бер нисә секудн эсендә асыҡларға була. Автоинспекция хеҙмәткәре водителде туҡтата һәм суд приставтары бурысты кире ҡайтарыу буйынса тейешле эш үткәрә башлай. Автомобиль хужаһы бурысты урында түләй алмаһа, машинаһы тартып алына һәм штраф туҡталҡаһына оҙатыла. “Юлдағы пристав” операцияһы барышында 90 кеше автомобилһеҙ...

ҡаралған: 22
13:36 - 15.07.2018

Башҡортостанда 5 меңдән ашыу абитуриент ГТО нормативтарын алтын билдәгә тапшырған. Юғары уҡыу йортона документтар биргәндә буласаҡ студенттарға өҫтәмә балл ҡуйыла. Бының өсөн егеттәр һәм ҡыҙҙарға Йәштәр сәйәсәте һәм спорт министрлығына мөрәжәғәт итеп белешмә алырға кәрәк. Документты ил буйынса бөтә вуздарҙа ла ҡабул итергә тейештәр. Һәр юғары уҡыу йорто спорт менән дуҫ абитуриенттарға балдарҙы үҙаллы ҡуя. Һәр хәлдә ГТО тапшырғандар башҡаларҙан айырмалы ошондай мөмкинлек менән файҙалана ала.

ҡаралған: 16
13:02 - 15.07.2018

Иртәгә, 16 июлдә, Республикала һәм Өфөлә көндөң аяҙлы-болотло булыуы, урыны менән күк күкрәп ямғыр яуыуы көтөлә. Ел көнсығыштан талғын, көндөҙ көсәйеүсән. Һауа температураһының республикала төндә +14, +19, көндөҙ +25, +30, Өфөлә төндә +16, +18, көндөҙ +27, +29 градус эҫе булыуы күҙаллана. Алдағы ике көндөң дә йылы тороуы, урыны менән ямғыр яуыуы көтөлә.

ҡаралған: 16
12:08 - 15.07.2018

Башҡортостанда юлдарҙы ремонтлау һәм яңыларын һалыу буйынса пландар үтәлеп килә. Ошо турала Транспорт һәм юл хужалығы буйынса дәүләт комитетынан хәбәр итәләр. Быйыл республикала юл фондына 19 миллиард һум бүленә. Атап әйткәндә, “Хәүефһеҙ һәм сифатлы юлдар” программаһына яҡынса 2 миллиард ярым һум, ауылдарға ингән юлдарҙы төҙөүгә 414 миллион, Өфөлә Көнсығыштан сығыу юлына 2 миллиард һум ҡаралған. Ведомствонан белдереүҙәренсә, бөгөнгә юл фондында ҡаралған сумманың 23 проценты йәғни 4 миллиард 400 миллионы һумы үҙләштерелгән. Ҡайһы бер райондар...

ҡаралған: 15
10:56 - 15.07.2018

Футбол буйынса донъя чемпионаты бөгөн тамамлана. Финалда Хорватия менән Франция осраша. Матч Мәскәүҙә үтә, уйын киске 8-ҙә башлана. Осрашыуҙы ҡарарға Рәсәй Президенты Владимир Путин килә. Кисә Англия менән Бельгия өсөнсө урын өсөн уйнаны. Бронзаны Бельгия яуланы, матч 2-0 иҫәбенә тамамланды. Рәсәй йыйылма командаһы төркөм этабын уңышлы үтеп плей-офттың тәүге раундында испандарҙы еңде. Сирек финалға сығыу өсөн хорваттар менән уйнап пенальти буйынса ғына еңелде. Яңы Рәсәй тарихында футбол йыйылма командаһы тәүге тапҡыр донъя...

ҡаралған: 16
09:36 - 15.07.2018

Республика Башлығы Рөстәм Хәмитов Указы менән Фәрхәт Самедов Рәсәй Президенты янында Башҡортостандың тулы хоҡуҡлы вәкиле – Республика Хөкүмәте Премьер-министры урынбаҫары итеп тәғәйенләнде. Быға тиклем был вазифаны Олег Матыцин биләне. Фәрхәт Самедовҡа 59 йәш, ул Грузияла тыуған, В.В. Куйбышев исемендәге Мәскәү инженер-төҙөлөш институтын тамамлаған, техник фәндәре кандидаты. Быға тиклем ул Республика Хөкүмәте Премьер-министры урынбаҫары булды.

Республика Башлығы Рөстәм Хәмитовтың Указы менән Андрей Трухан Башҡортостан Хөкүмәте Премьер...

ҡаралған: 23
08:45 - 15.07.2018

Өфө районында үткән туристар фестивале бөгөн тамамлана. “Турфест-2018” йәштәр йыйыны республикала 28-се тапҡыр уҙғарыла. Унда йәштәр профсоюз ойошмалары ағзалары, йәш эшсе һәм хеҙмәткәрҙәр - 16-35 йәшлектәр ҡатнаша. Быйылғы фестивалгә 8 команда килде. Ҡатнашыусылар физик әҙерлектәрен, ижади маһирлыҡтарын күрһәтте. Бөгөн фестиваль тантаналы йомғаҡлана.

ҡаралған: 19
08:00 - 15.07.2018

2025 йылға тиклем Рәсәй мәктәптәре тулыһынса 1 сменалы уҡытыуға күсергә тейеш. Ил президентының шундай фарманы бар. Башҡортостанда быйыл йәнә 5 яңы мәктәп асыла. Һөҙөмтәлә уҡыусыларҙың 90 проценты дәрескә иртәнсәк йөрөй башлай. Был турала республика мәғариф министрлығынан белдерҙеләр. Башҡортостанда 1953 мәктәп эшләй. Уҡыусыларҙың дөйөм һаны – 467042.

ҡаралған: 18
07:20 - 15.07.2018

Был байрам ил етәкселеге ҡарары менән уҙған быуат урталарынан иғлан ителгән һәм июлдең өсөнсө йәкшәмбеһендә билдәләнә. Металлургия электән ил иҡтисадында мөһим тармаҡ булып тора. Башҡортостан иҡтисадында ла уның роле ҙур. Белорет, Учалы, Благовещен, Баймаҡ, Хәйбулла башҡа төбәктәрҙә ул етди үҫешкән. Белорет металлургия комбинатындағы айырым цехтар бер быуаттан ашыу эшләп килә. Рәсәйҙән тыш, металургтар көнөн Белоруссия, Ҡаҙағстанда билдәләйҙәр.

ҡаралған: 17
18:03 - 14.07.2018

Сенаторҙар уҡыусылар өсөн шарттарҙы ябайлаштырыу мәсьәләһен өйрәнә. Мәҫәлән, әле барлыҡ ауыл мәктәптәре район үҙәгенә йөрөргә мәжбүр булһа, киләсәктә имтиханды һәр урта мәктәп үҙендә уҙғара аласаҡ. Фәҡәт мәктәптәрҙә видеокүҙәтеү ҡулайламалары булыуы шарт. Башҡортостандан сенатор Лилиә Ғүмәрова билдәләүенсә, айырым ҡанундар, йәки булғандарын үҙгәртеү талап ителмәй. Мәғариф һәм фән өсөн яуаплы ведомстволарҙың күрһәтмәһе лә етә. “Берҙәм дәүләт имтихандары уҡыусылар өсөн ауыр психологик мәл. Туған мәктәптәрендә тапшырыу уларға ошо йәһәттән отошло”, -...

ҡаралған: 23
17:21 - 14.07.2018

Башҡортостан Республикаһының 100 йыллығынан Рәсәй география йәмғиәте лә ситтә ҡалмай. Ойошма "100 йыллыҡҡа- 100 шишмә" проектын иғлан итте. Уның сиктәрендә шишмәләр таҙартыла, биләмәләре тәртипкә килтерелә, рәшәткә менән уратып алына. Барлыҡ мәғлүмәттәр – атамалары, координаталары, үҙенсәлектәре, тарихтары яҙыла, йәғни һәр шишмәнең үҙ паспорты буласаҡ. Был эштәрҙе Рәсәй география йәмғиәтенең урындағы бүлексәләре алып бара. Башҡортостандың һәр районында уның бүлексәләре булдырылған.

ҡаралған: 20
16:34 - 14.07.2018

17-се дауахана тирәһендә торлаҡ йорт төҙөү планлаштырыла. Бының өсөн авария хәлендәге 3 ҡатлы бинаны һүтәсәктәр. Урынына бер дауалау корпусы һәм ситтәрәк ике секциянан торған, 12 һәм 16 ҡатлы йорт һалына. Ул мецицина хеҙмәткәрҙәренә биреләсәк. Был мәсьәлә йәмәғәт тыңлауҙарына ла сығарылды һәм хуплау тапты. Һөҙөмтәләр оҙаҡламай билдәле буласаҡ, тип хәбәр итәләр ҡала советынан.

ҡаралған: 20

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

төндә 18..20°C
иртән 20..22°C
көндөҙ 20..22°C
кис 18..20°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.