Яңылыҡтар

19:33 - 17.01.2018

Башҡортостанда самолет ҡолаған урында иҫтәлекле стела ҡуйыла. 1931 йылда француз осоусылары Париждан Мәскәү аша Токиоға осоп барып етергә теләй. Әммә двигатель сафтан сыға һәм самолет Танып йылғаһы тамағында, әлеге Краснокама районы Иҫке Бөртөк ауылы янында ҡолай. Һәләк булған пилоттар Франция геройҙары тип иғлан ителә. Рәсәй география йәмғиәтенең Республика бүлексәһе ошо тарихи ваҡиғаны мәңгеләштереү өсөн стела ҡуйырға планлаштыра. Әле иң яҡшы проектҡа конкурс иғлан...

ҡаралған: 24
18:32 - 17.01.2018

Өфөнән альпинист Рөстәм Әмиров Башҡортостандан иң беренсе булып донъяның иң бейек нөктәһендә булырға ниәтләй. Сәфәр май айында планлаштырыла. Эверестың бейеклеге 8 мең 848 метр. Әйткәндәй, унда менеү бушлай түгел, мәҫәлән, Непал властарынан рөхсәт алыу ғына 10 мең доллар тора.

ҡаралған: 26
17:31 - 17.01.2018

Башҡортостан министрлыҡ-ведомстволары яңы вәкәләттәр алды. Хәҙер дәүләт структуралары үҙ өлкәһендәге объекттарҙың инвалидтар өсөн уңайлы булыуын контролдә тота. Документты Ғаилә, хеҙмәт һәм халыҡты социаль яҡлау министрлығы әҙерләгән. Ведомствонан аңлатыуҙарынса, социаль, инженер һәм транспорт инфраструктуралары объекттарында инвалидтар өсөн тейешле шарттар булыу-булмауға дәүләт контроле индерелә. Социаль хеҙмәтләндереү сифатын дәүләт инспекторҙары менән бергә инвалидтар ойошмалары вәкилдәре баһалаясаҡ....

ҡаралған: 31
16:57 - 17.01.2018

Ғафури районы Красноусол ауылында йорт янды. Янғын һүндереүселәр утты тиҙ арала һүндереүгә өлгәшә. Әммә фажиғә ҡорбанһыҙ булмай. Янғында йорт хужабикәһе менән уның 47 йәшлек улы һәләк була. 62 йәшлек ир дауаханаға оҙатылған. Ғәҙәттән тыш хәлдәр министрлығынан хәбәр итеүҙәренсә, ут һүндермәй ташланған тәмәкенән сыға. Әле урында тәфтишселәр эшләй.

ҡаралған: 23
16:30 - 17.01.2018

Өфөгә инеү һәм сығыу урынында тығындарҙы бер аҙ кәметеү ысулы табылды. Хәбәр ителеүенсә, Ағиҙел аша иҫке күпер ябылды, уға ремонт талап ителә. Бөтә машиналар яңы күпер аша үтә. Һөҙөмтәлә, һуңғы көндәрҙә иртән - аэропорттан Өфөгә табан, кисен иһә Салауат Юлаев проспектында һәм эргәләге башҡа урамдарҙа ҙур тығындар барлыҡҡа килде. Яңы күперҙә әле биш хәрәкәт һыҙаты бар, киңлеге буйынса 6-сыһын да асыу мөмкинлеге ҡарала. 19 ғинуарға ҡарай төндә йәнә бер һыҙат булдырыласаҡ, тип хәбәр итәләр мэриянан.

ҡаралған: 26
15:29 - 17.01.2018

Башҡортостан кешеләрен ҡоштарҙы һанарға саҡыралар. 20-21 ғинуарҙа бөтә ил буйынса "Һоро муйын" тип аталған акция үтә. Йылға-күл буйҙарында ҡышлаусы ҡоштар иҫәпләнә. Эште башлыса орнитологтар, йәғни, ҡоштарҙы өйрәнеүселәр башҡара, әммә бөтә урындарҙы ғалимдар белеп тә бөтмәүе мөмкин, шуға урындағы кешеләрҙең дә ярҙамы һорала. Бөтә мәғлүмәттәр Ҡоштар атласына индерелә. Уҙған йылда республикала был акцияла 50-гә яҡын кеше ҡатнашҡан.

ҡаралған: 32
14:29 - 17.01.2018

ОСАГО-һыҙ йөрөгән өсөн штраф суммаһы бер нисә тапҡырға артыуы мөмкин. Әле машинаның страховкаһы булмаһа хужаһынан 800 һум түләтәләр. Дәүләт Думаһында сумманы 5 меңгәсә еткереү мөмкинлеге өйрәнелә. Проект авторҙары әйтеүенсә, водителдәргә юл инспекцияһына тотолған осраҡта ғына штраф түләп йөрөү страховка суммаһынан күпкә отошло. Рәсәйҙә әле 50 миллион еңел машина теркәлгән, 1 миллион самаһының страховкаһы юҡ, ти эксперттар.

ҡаралған: 102
13:56 - 17.01.2018

Рәсәй иҫәп-хисап палатаһы дәүләт ҡарамағындағы, әммә бюджеттан тыш фондтарҙы берләштереү башланғысын күтәрә. Ведомство башлығы Татьяна Голикова Мотлаҡ медицина страховкалау, Социаль страховкалау һәм Пенсия фондтарын ҡушырға тәҡдим итә. Улар урынына Берҙәм структура булдырыу иҡтисади йәһәттән отошло, һәр береһенә тиҫтәләрсә мең хеҙмәткәрҙән торған айырым аппарат кәрәк булмаясаҡ. Әйткәндәй, яңы фонд йәмәғәт милке иҫәпләнәсәк. Йәғни, эшмәкәрлеге үтә күренмәле буласаҡ, халыҡ араһында ла ышаныс яулаясаҡ.

ҡаралған: 27
13:08 - 17.01.2018

Иртәгә, 18 ғинуарҙа республикала һәм Өфөлә көндөң аяҙлы-болотло булыуы, урыны менән бер аҙ ҡар яуыуы, юлдарҙа боҙлауыҡ көтөлә. Ел көньяҡтан һәм көньяҡ-көнсығыштан, талғын, көсәйеүсән. Һауа температураһының республикала төндә -13, -18, урыны менән -23,-28 градусҡа тиклем түбәнәйеүе, көндөҙ -10, -15 градус, Өфөлә төндә -17, -19, көндөҙ -12, -14 градус һалҡын булыуы күҙаллана. Алдағы ике көн һалҡын буласаҡ, 19-ы - башлыса яуым-төшөмһөҙ, 20-һендә ҡар яуыуы көтөлә.

ҡаралған: 20
12:30 - 17.01.2018

“Халыҡтар дуҫлығы һәм берҙәмлеге менән йәшәй йөҙйәшәр Башҡортостан!” фестиваль-марафоны дауам итә. 1 февралдә Өфөгә Хәйбулла районы делегацияһы килә. Был сара 2017 йыл аҙағында башланды. Тәүгеләрҙән булып Башҡорт дәүләт филармонияһында учалылар сығыш яһаны. Башҡортостан республикаһының 100 йыллығына анналған фестиваль-марафонды ойоштороусылар исемлегендә Бөтә донъя башҡорттары ҡоролтайы, мәҙәниәт министрлығы, район-ҡалалар хакимиәттәре бар.

ҡаралған: 23
12:06 - 17.01.2018

18 мартта Рәсәй халҡына йәнә бер һайлау тора. Президент өсөн тауыш биреүҙән тыш, был көндә һәр кем үҙ ҡалаһында теге йәки был объектты яңыртыу өсөн тауыш бирә аласаҡ. Ил хөкүмәтенең ошондай күрһәтмәһе бар, тип хәбәр итә “Ведомости”. “Заманса ҡала мөхитен булдырыу” проектына ярашлы, 2018 йылда Башҡортостанда 1 миллиард һумдан ашыу тотоноу күҙаллана. Сумманың 900 миллионға яҡынын федераль бюджет бирә. Проектта барлыҡ муниципалитеттар ҙа ҡатнаша ала. Субсидиялар Рәсәй төҙөлөш һәм торлаҡ-коммуналь хужалыҡ министрлығы тәҡдимдәренә ярашлы...

ҡаралған: 31
11:30 - 17.01.2018

Рәсәй үҙәк һайлау комиссияһы Владимир Путиндың һайлау кампанияһындағы ышаныслы кешеләре исемлеген иғлан итте. Әлегә ил буйынса 259 кеше теркәлгән. Башҡортостандан икәү – Өфө дәүләт нефть-техник университеты ректоры Рәмил Бәхтизан менән “Салауат Юлаев” хоккей клубының генераль директоры Таһир Ибраһимов президентлыҡҡа кандидат Владимир Путиндың ышаныслы кешеләре тип теркәлде. Федераль исемлектә иһә КВН-сы Александр Масляков, “Мөжизәләр яланы”н алып барыусы Леонид Якубович, Эрмитаж директоры Михаил Пиятровский, йырсылар Диана Гурцкая, Лев Лещенко һәм...

ҡаралған: 28
10:55 - 17.01.2018

Салауат ҡалаһының 1-се Май урамында авария теркәлде. Юл хәрәкәте хәүефһеҙлеге дәүләт автоинспекцияһынан хәбәр итеүҙәренсә, Лада Гранта юлдан сығып оса. Автомобиль йөрөтөүсе ҡатын зыян күрмәй, ә бына ауыр йәрәхәт алған 61 йәшлек пассажир урында һәләк була. Ғәҙәттән тыш хәл буйынса тикшереү бара.

ҡаралған: 33
10:30 - 17.01.2018

Дуҫлыҡ Монументы янында Ағиҙел аша иҫке күперҙең ябылыуына бәйле водителдәргә лә, пассажирҙарға ла уңайһыҙлыҡтар тыуҙы. Өфө хакимиәте мәсьәләне хәл итеү өсөн автоинспекция менән берлектә саралар күрә. Мәҫәлән, хәҙер иҫке күпергә параллель яңыһындғы һыҙаттар берәүгә арттырыла. Элек унда 5 һыҙат булһа, хәҙер 6-ға әйләндерелә, һәр ике яҡҡа өсәр һыҙат тура килә. Һөҙөмтәлә Өфөгә ингән-сыҡҡанда тығындар ҙа бөтөр, тигән өмөттә властәр. Иҫке күпер менән иһә эксперттарҙың һығымтаһына тиклем файҙаланыу тыйылды.

ҡаралған: 18
09:56 - 17.01.2018

“Башҡортостан” телерадиокомпанияһының “Ҡурай-ТВ” каналы яңы премия булдырҙы. Ул “Ҡурай даны” тип атала. Телеканалды киңерәк билдәле итеү, туған телде, халыҡ йолаларын үҫтереү һәм һаҡлау, халыҡ иғтибары-ихтирамын яулау - премия булдырылыуҙың төп маҡсаттары. Еңеүселәр 10 номинацияла билдәләнә. Араларында “Йыл меценаты”, “Эшлекле ханым”, “Ҡул оҫтаһы”, “Миһырбанлы ғаилә”, “Ер кешеһе” һәм башҡа номинациялар бар. “Ҡурай даны” телепремияһы 4 турҙа үтә. Еңеүселәр бер йылдан – 2019 йылдың февралендә тәбрикләнәсәк.

ҡаралған: 27
09:24 - 17.01.2018

Был дата Американың билдәле дәүләт эшмәкәре, ғалим һәм журналист Бенжамин Франклиндың тыуған көнөнә бәйле. 12 йәшендә ул үҙенең тәүге асышын яһай - ҡулдар өсөн йөҙгөс уйлап таба. Әйткәндәй, әлеге ваҡытта киң билдәле батут, һыу саңғыларын, хатта калькулятор һәм Брайль шрифын балалар уйлап сығара. Балалар асыштары көнөндә, демонстрациялар үтә, төрлө конкурстар ойошторола, һәләтле балалар тәбрикләнә.

ҡаралған: 20
09:15 - 17.01.2018

Башҡортостан хоккей клубы Рәсәй йыйылма командаһың ҡапҡа һаҡсыһы Мария Сорокина менән килешеү төҙөнө. 22 йәшлек уйынсы әлегә тиклем Санкт-Петербургтың "Динамо"һы өсөн сығыш яһаны. Контракт ошо миҙгел аҙағына тиклем иҫәпләнгән. "Ағиҙел" быйыл чемпионлыҡҡа дәғүә итә, ил беренселегендә 1-се урында килә.

ҡаралған: 20
08:23 - 17.01.2018

Башҡортостан етәксеһе билдәләүенсә, был йыйында төбәктәр мәнфәғәттәренә туранан-тура ҡағылған мәсьәләләр тикшерелә. Мәҫәлән, федераль үҙәк һәм төбәк власы араһында мөнәсәбәттәрҙе көйләү буйынса фекерҙәр күп. Вәкәләттәргә килгәндә, әлеге финанс өлкәлә һорауҙар юҡ, Финанс министрлығы яҡшы эшләй. Контроль хеҙмәттәренең вәкәләттәре буйынса иһә уйларлыҡ урын бар. Шул уҡ тирә-яҡты һаҡлау, сәнәғәт хәүефһеҙлеге, санитар-гигиена талаптары кеүек темалар менән төбәк властары шөғөлләнергә тейеш. Төбәктә экологик һәм технологик тәртип тәү сиратта урында...

ҡаралған: 28
07:47 - 17.01.2018

Прокуратура мәғлүмәттәре буйынса, Өфө һәм Күмертауҙан өс кеше 2013 йылда "РостКапитал" тигән кредит кооператив булдыра. 18 проценттан 36 процентҡа тиклем табыш вәғәҙәләп, халыҡтан аҡса йыялар. Артабан, "Башстрой" тигән төҙөлөш кооперативын ойошторалар. 200-ҙән ашыу кешене 32 миллион һумдан ашыу суммаға алдайҙар. Әле мутлашыусыларҙың мөлкәте ҡулға алынған, хаҡы 22 миллион һумға баһалана. Енәйәт эше суд ҡарауына тапшырылған.

ҡаралған: 16
07:10 - 17.01.2018

Президент Владимир Путин инвалидлыҡты билдәләү тәртибен март айына тиклем әҙерләргә ҡушты. Шулай уҡ ил Хөкүмәте "Уңайлы мөхит" программаһын 2025 йылға тиклем оҙайтасаҡ. Төбәктәргә иһә инвалидтар өсөн реабилитация үҙәктәрен булдырыуға иғтибар йүнәлтергә ҡушылды.

ҡаралған: 22

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

төндә -13..-15°C
иртән -10..-12°C
көндөҙ -9..-11°C
кис -10..-12°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.