Яңылыҡтар

14:06 - 13.07.2018

Башҡортостан кешеләре төндәрен күктә Халыҡ-ара йыһан станцияһын күрә ала. Өфө планетарийынан хәбәр итеүҙәренсә, бинокль-телескоптар кәрәкмәй, киреһенсә, оптик приборҙарһыҙ яҡшыраҡ күренә. Орбиталағы комплекс төнгө күктә тиҙ хәрәкәт итеүсе сағыу йондоҙ рәүешендә була. Башҡортостан күгендә 21 июлгә тиклем күрергә мөмкин.

ҡаралған: 20
13:10 - 13.07.2018

Иртәгә, 14 июлдә, Республикала һәм Өфөлә көндөң аяҙлы-болотло булыуы, урыны менән күк күкрәп бер аҙ ямғыр, айырым райондарҙа күк күкрәп ҡойма ямғыр яуыуы көтөлә. Ел төньяҡтан һәм төньяҡ-көнсығыштан талғын, көндөҙ көсәйеүсән. Һауа температураһының республикала төндә +12,+17, көндөҙ +23,+28, Өфөлә төндә +14,+16, көндөҙ +26,+28 градус йылы булыуы күҙаллана. Алдағы ике көндә һауа температураһының күтәрелеүе, ҡайһы бер райондарҙа күк күкрәп ямғыр яуыуы көтөлә.

ҡаралған: 20
12:52 - 13.07.2018

Рейтингта беренсе урында – Швейцариялағы Цюрих менән Женева килә. Бында йәшәү өсөн айына кәмендә 4 мең 260 доллар, йәғни 265 мең һум кәрәк. Нью-Йорк, Осло, Копенгагенда яҡынса 3 мең 600 доллар – 223 мең һум талап ителә. Исемлектә йәмғеһе 77 ҡала күрһәтелгән. Улар араһында Рәсәйҙән Мәскәү менән Санкт-Петербург 54-се һәм 51-се урындарҙа килә. Илебеҙ баш ҡалаһында йәшәү өсөн 2 мең 260 доллар, йәғни 140 мең һум кәрәк.

ҡаралған: 22
11:38 - 13.07.2018

Башҡортостанда Берҙәм дәүләт имтихандарында 100 балл йыйғандар 100 мең һум ала. Мәғариф министры Гөлназ Шафиҡова әйтеүенсә, республика вуздарын һайлаған уҡыу алдынғылары юғарыраҡ стипендияға дәғүә итә ала. Берҙәм дәүләт имтихандарында 100 балға өлгәшкәндәргә иһә тәүге уҡыу йылында 100 мең һум түләнә. Быйыл республикала 54 уҡыусы 100 балл йыйҙы. Егеттәр һәм ҡыҙҙар йәмғиәтте өйрәнеү, физика, химия һәм биологияға өҫтөнлөк биргән. Йылдан-йыл уҡыусыларҙың һөҙөмтәләре арта бара. Берҙәм дәүләт имтихандарында 80-дән күберәк балл йыйыусы...

ҡаралған: 24
11:04 - 13.07.2018

Ауыл биләмәһе башлығын аманатлыҡҡа алған Башҡортостан кешеһен суд хөкөм итәсәк. Шишмә районы прокуратураһы 51 йәшлек иргә ҡарата енәйәт кодексының бер нисә статьяһы буйынса ғәйепләү ҡарары сығарҙы. Тәфтиш мәғлүмәттәренә ярашлы, уҙған йылда ул үҙе эшләгән мейесте күрһәтеү һылтауы менән Шишмә ауылы биләмәһе башлығын йортона саҡыра, уны гаражда бикләп ҡуя, пистолет менән янай, муйынына элмәк кейҙерә һәм биленә шартлатҡыс макетын бәйләп аҡса талап итә. Туғандары 3 миллион һумға...

ҡаралған: 20
10:40 - 13.07.2018

Өфөнән Адлерға йүнәлгән пассажир поезы ике сәғәткә һуңлаған. Төньяҡ Кавказ тимер юлдары компанияһынан хәбәр итеүҙәренсә, рельс өҫтөнә ауыр йөк машинаһы ҡолаған. Ошо сәбәпле, тимер юлында хәрәкәт тотҡарланған. Өфөнән йүнәлгән поездан тыш, йәнә 5 состав тәғәйенләнгән урынға һуңлап барып еткән.

ҡаралған: 25
09:47 - 13.07.2018

Башҡортостандың иң оҫта ҡымыҙ бешеүселәре Өфө районы "Йоматау" шифаханаһында йыйылды. Бөгөн унда Республика конкурсы үтә, район кимәлендәге ярыштар еңеүселәре ҡатнаша. Ҡымыҙ бешеүселәр араһындағы бәйге бер нисә йыл уҙғарылып килә. Рәсәйҙә етештерелгән ҡымыҙҙың яртыһы - Башҡортостан өлөшө, йылына 3 мең тоннанан арта.

ҡаралған: 15
09:38 - 13.07.2018

Рәсәйҙә авариялы торлаҡтан күсереү мәсьәләһен хәл итеү юлы табылды. Төҙөлөш һәм торлаҡ-коммуналь хужалыҡ министрлығы ошоға бәйле проект әҙерләй. Авариялы торлаҡтан күсереүҙе яңы программаға индерергә ниәтләйҙәр. Уға “Торлаҡ” тигән атама уйлап табылған, 2024 йылғаса иҫәпләнгән. Яңы проектҡа ярашлы, финанслау ҙа артасаҡ. Бөгөнгә был программа 471 миллиард һумға баһалана. Аҡса федераль бюджет һәм төбәк ҡаҙналарынан да бүленәсәк. План буйынса, алдағы 6 йылда халыҡты 11 миллион квадрат метр авариялы торлаҡтан яңыларына күсереү планлаштырыла....

ҡаралған: 23
09:13 - 13.07.2018

Башҡортостанда архитектура һәйкәлдәре дүртәүгә артты. Мәҙәни мираҫ объекттарын дәүләт һаҡлауы буйынса идаралыҡ ошоға бәйле бойороҡ сығарҙы. Исемлектә Өфөләге Аксаков урамында урынлашҡан Башҡорт дәүләт педагогия университеты ятаҡханаһы, Благовещендағы Земство дауаханаһы бинаһы, Бөрйән районы Иҫке Монасип ауылындағы мәсет һәм Асҡын районы Михайловка ауылындағы сиркәү күрһәтелгән. Архитектура һәйкәлдәре биналары мәҙәни мираҫ объекттары һанала һәм уларҙы емерергә йәки һүтеп ташларға ярамай.

ҡаралған: 21
08:38 - 13.07.2018

Республикала Дәүләт Йыйылышы-Ҡоролтайға һайлауға әҙерлек бара. Тауыш биреүҙә ҡатнашырға теләгән партияларға халыҡтан 15 меңдән ашыу ҡултамға йыйырға кәрәк. Бер мандатлы округтарҙан күрһәтелгән кандидаттарға ла имзалар йыйыу талап ителә. Кәмендә 2 мең ҡултамға булырға тейеш. Был сара 21 июлгәсә дауам итә. Ҡултамғаларҙы махсус комиссия тикшерә. Уның составында Республика Үҙәк һайлау комиссия хеҙмәткәрҙәре, федераль һәм республика власть органдары вәкилдәре эшләй, ти Республика Үҙәк һайлау комиссия рәйесе Хәйҙәр Вәлиев. Быға тиклем республика...

ҡаралған: 30
08:16 - 13.07.2018

Башҡортостан буйынса 8 йыл эсендә был һан 15 процентҡа күбәйгән. Республика Хөкүмәтендәге кәңәшмәлә ошо турала хәбәр ителде. Бөгөнгә республиканың 58 процент ауыл-ҡала- ҡасабаларында спорт ҡоролмалары бар. 2030 йылға барыһында ла шундай объекттар булырға тейеш. Быйыл Башҡортостанда спорт үҫеше өсөн өҫтәлмә 87 миллион һум бүленә. Бадминтон, биатлон, бобслей, еңел һәм ауыр атлетика, йәмғеһе 23 спорт төрө ярҙам аласаҡ.

ҡаралған: 28
07:48 - 13.07.2018

Башҡорт ҡатын-ҡыҙҙары йәмғиәтенән ошо турала хәбәр итәләр. Өләсәйҙәр мәктәбе айырым урындарҙа әленән бар, быуындар бәйләнешен нығытыу, халыҡ йырҙарын, әкиәт, риүәйәттәрҙе, боронғо уйындарҙы йәштәргә тапшырып барыу тап ошо мәктәп нигеҙендә башҡарыла. Йәмғиәт шулай уҡ “Бәндәбикә” проектының дауам ителәсәген белдерә. Район-ҡалалар буйлап сәйәхәт быйыл башланды.

ҡаралған: 43
06:40 - 13.07.2018

Ямайкаға барыу өсөн башҡаса виза кәрәкмәй. Бөгөнгә ил халҡы 118 дәүләткә ирекле йөрөй ала. Был күрһәткес буйынса Рәсәй донъяла 46-сы урынға ҡуйылды. Быға тиклем бер баҫҡысҡа түбәнерәк урынлашҡан инек. Исемлектә төрлө илдәр бар. Улар араһында үҙенсәлекле дәүләттәр – Африкала – Ботсвана, Көньяҡ-Көнсығыш Азияла – Бруней, Тымыҡ океанда Бруней утрауын атарға мөмкин. Ғәҙәттә ил халҡы визаһыҙ дәүләттәрҙә 30 көндән 90 көнгәсә була ала. Донъя рейтингына килгәндә, Сингупур һәм Япония беренсе урындарҙа килә. Был ил граждандары 189 дәүләткә...

ҡаралған: 22
19:35 - 12.07.2018

Башҡортостанда тәбиғәт парктарында ярты йылда 43 меңдән ашыу кеше ял иткән. Ошо турала Айырыуса һаҡланған тәбиғәт биләмәләре буйынса дирекциянан хәбәр итәләр. Туристар иң яратҡан урындарҙың береһе – ул “Ҡандракүл”. Бында 23 мең ярым кеше булып киткән. “Ирәмәл”, “Мораҙым тарлауығы”, “Асылыкүл”гә лә туристар күп килә. Һуңғы көндәрҙә бигерәк тә йылға-күл буйҙарында ял итеүселәр артҡан. Шул уҡ Асылыкүлдә уҙған ял көндәрендә 1 мең ярым кеше ял иткән. Бында уңайлы ял өсөн бөтә шарттар булдырылған. Ҡомлоҡ бар, беседкалар һәм сүп-сар йәшниктәре ҡуйылған...

ҡаралған: 23
18:37 - 12.07.2018

Рәсәйҙә оло йәштәгеләргә капиталь ремонт өсөн түләмәҫкә рөхсәт ителә. Ошондай закон 2019 йылдан көсөнә инергә тейеш. Дәүләт Думаһында капиталь ремонтҡа льготаларға бәйле ҡанун проекты икенсе уҡыуҙа ҡабул ителде. Уға ярашлы, ғаиләлә 70 йәштән өлкәнерәк пенсионер йәшәгән осраҡта, капиталь ремонт өсөн 50 процент ташлама яһала, ә 80-де үткәндәргә бөтөнләй түләмәҫкә рөхсәт ителә. Башҡортостанда ла ошоға оҡшаш закон ҡабул ителгәйне. Әммә ул янғыҙ йәшәгән пенсионерҙарға ҡағылышлы булды. Үҙгәрештәргә ярашлы, ғаиләлә 70 йәштән олораҡ кеше йәшәгән...

ҡаралған: 24
17:45 - 12.07.2018

Башҡортостанда юл япмаһы өсөн битум етештереү мәсьәләһе өйрәнелә. Яҡынса мәғлүмәттәр буйынса, завод йылына 500 мең тонна нефть эшкәртеп, 170 мең тонна битум етештереү ҡеүәтенә эйә буласаҡ. Проект хаҡы 4 миллиард ярым һум. Рәсәй стандарттары буйынса эшләнгән битум 47-50 градус ҡояш йылыһында йомшара, ҡышын 16 градус һалҡында ла сатнай башлай. Һөҙөмтәлә, юлдар тиҙ таушала. Башҡортостан битумы ошондай етешһеҙлектәрҙе иҫәптә тотоп, әҙерләнәсәк. Уның технологияһын да Өфө ғалимдары әҙерләгән.

ҡаралған: 22
17:08 - 12.07.2018

“Салауат Юлаев” уйынсылары кисә һәм бөгөн ентекле медицина тикшереүе үтте. Өфөлә бер нисә көн булғандан һуң, хоккейсылар 16 июлдә ике аҙнаға Финляндияға юллана. Һуңынан күнекмәләр Өфөлә дауам итә. 14-18 августа команда Силәбе губернаторы призына тәүге миҙгел алды турнирында ҡатнашасаҡ. Континенталь лигала чемпионат 1 сентябрҙә старт ала. Миҙгел алдынан “Салауат Юлаев”тың составы яртылаш яңырҙы.

ҡаралған: 16
16:12 - 12.07.2018

Башҡортостанда 400-ләп килограмм һөт һатыуҙан тартып алынған. Республика буйынса Ҡулланыусылар хоҡуҡтарын күҙәтеү хеҙмәте һөт тауарҙары сифатын тикшергән. Магазин кәштәләрендәге тауарҙың 5 проценты нормаларға тап килмәгән. Белгестәр лабораторияла физик-химик тикшеренеү үткәргән. Һөҙөмтәлә, һөт санитар талаптарға яуап бирмәгән, ҡайһы берҙәренең ялған булыуы асыҡланған. Сауҙа әйләнешенән 444 килограмм прордукция тартып алынған. Уның ҡулланыу мөҙҙәте тамамланған, һаҡлау температураһы теүәл үтәлмәгән, тауарҙы тамғалау талаптары боҙолған.

ҡаралған: 20
15:19 - 12.07.2018

Башҡортостанда ҡыҙылса сире тарала. Был ауырыуҙы йоҡтороусылар күберәк Өфөлә теркәлгән. Табиптар бөгөнгә 6 кешегә ошондай диагноз ҡуйған. Өфө районында - биш, ә Иглин районында -вирусты йоҡтороусы бер сирле асыҡланған. Килеп тыуған хәл арҡаһында баш ҡалала айырым саралар ҙа күрелә. Эпидемиологик хәлде сикләү өсөн махсус программа ҡабул ителде. Ҡыҙылсаның таралыуына белгестәр, ата – әсәләр балаларына вакцина эшләтеүҙән баш тартыуы тип аңлата.

ҡаралған: 26
14:17 - 12.07.2018

Башҡортостанда быйыл спорт үҫешенә 87 миллион һум бүленә. Ошо турала Йәштәр сәйәсәте һәм спорт министрлығынан хәбәр итәләр. Өҫтәмә финанслау спорт менән шөғөлләнеүселәр һанын арттырырға, һөҙөмтәләрҙе яҡшыртырға булышлыҡ итәсәк. Бөгөнгә республикала 84 федерация үҙ ҡарамағындағы спорт төрҙәрен үҫтереү буйынса программа әҙерләгән. Министрлыҡ 42 документты хуплаған да инде. Киләсәктә лә төп спорт төрҙәрен үҫтереүгә бюджеттан аҡса бүленәсәк. Республикала был исемлеккә биатлон, теннис, велоспорт, еңел һәм ауыр атлетика, заманса биш алыш, фехтование...

ҡаралған: 22

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

төндә 18..20°C
иртән 20..22°C
көндөҙ 20..22°C
кис 18..20°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.