Яңылыҡтар

08:38 - 20.04.2018

Республика башлығы Рөстәм Хәмитов менән тура эфирҙағы әңгәмәгә шылтыратыуҙар ҡабул итеү үҙәгенә 10 мең самаһы һорау-үтенес, мөрәжәғәт килде. Республика етәксеһе тура эфирҙа ике сәғәт ярым самаһы ваҡыт эсендә уларҙың иң көнүҙәк тип табылған 30-лабына яуап бирҙе. Халыҡ медицина, экология, алданған өлөшсөләр, ғаиләләргә ярҙам, юлдар сифаты, балаларға тәрбиә, туған тел һәм башҡа темалар буйынса һорауҙарға яуап алды. Ауыл хужалығына ла бәйле ҡыҙыҡһындылар. Аграр тармаҡ республика иҡтисады өсөн иң мөһимдәрҙән һанала, тине Рөстәм Хәмитов....

ҡаралған: 28
07:38 - 20.04.2018

Өфө футболсыһы Владимир Елисеев Рәсәйҙең 16 йәшкә тиклемге үҫмерҙәр йыйылма командаһына саҡырылды. Ул "Делле Национи" тигән халыҡ-ара турнирҙа ҡатнаша. Уйындар 24 апрелдән 1 майға тиклем Италия, Словения һәм Австрияла үтәсәк. Милли команда был турнирға Хорватияла әҙерләнә. Йыйын-күнекмә бөгөн башлана.

ҡаралған: 28
07:15 - 20.04.2018

Урман хужалығы министрлығының ошо турала бойороғо бар. Урмандар даими күҙәтеүҙә була, халыҡҡа, биләмәләрҙе ҡуртымға алыусыларға тейешле иҫкәртеүҙәр яһала. Ошо көндәрҙә генә республикала 51 урында ҡоро үлән, сүплек янып китеү осраҡтары теркәлгән. Ут таралыуға юл ҡуйылмаған. Башҡортостан урмандарында уҙған йылда 38 янғын булған, 354 гектарҙа ағастарға зыян килгән. Янғындың күбеһе кешеләр ғәйебе менән сыҡҡан.

ҡаралған: 34
06:44 - 20.04.2018

Һаулыҡ һаҡлау министрлығынан хәбәр итеүҙәренсә, уҙған йылда үлем 4 процентҡа кәмегән. Быйыл иһә ғинуар-февраль айҙарында был күрһәткес 7 процентҡа яҡшырған. Башҡортостанда уртаса ғүмер оҙонлоғо иһә 72 йәшкә яҡынлаша. Һуңғы өс йылда күрһәткес 2,4 процентҡа күтәрелгән. Ил буйынса ла кешеләр уртаса 72 йыл эшләй. Алдағы йылдарҙа 77-гә еткереү планлаштырыла.

ҡаралған: 27
21:38 - 19.04.2018

Рөстәм Хәмитов менән тура эфирҙағы әңгәмәгә 10 меңдән ашыу һорау-үтенес, мөрәжәғәт килде. Республика башлығы тура эфирҙа 2,5 сәғәт самаһы ваҡыт эсендә уларҙың иң көнүҙәк тип табылған 30-лабына яуап бирҙе. Халыҡ медицина, экология, алданған өлөшсөләргә, күп балалары ғаиләләргә ярҙам, юлдар сифаты, балаларға тәрбиә, туған тел һәм башҡа темалар буйынса һорауҙарға яуап алды.
“Башҡортостан башлығы менән һөйләшеү” программаһы 2011 йылдан ғәмәлгә ашырыла.

ҡаралған: 31
21:02 - 19.04.2018

Республикала демографияны яҡшыртыуға йүнәлтелгән программаға төҙәтмәләр индерәләсәк. Уға ярашлы, йәш ғаиләләрҙең беренсе сабый өсөн 300 мең һум алыу мөмкинлеге бар. Бер үк ваҡытта бала күрше төбәктең балалар табыу йортонда тыуһа, бындай мөмкинлек ҡаралмаған. Бөгөн Рөстәм Хәмитов менән әңгәмә барышында Әбйәлил районы ата-әсәләренең ошо етешһеҙлек тураһында мөрәжәғәте булды. Республика башлығы программаға төҙәтмәләр индереләсәк, тине.

ҡаралған: 35
20:55 - 19.04.2018

Республика Башлығы менән әңгәмә барашында башҡорттар күпләп йәшәгән төбәктәр менән тура элемтә ойошторолдо. Ҡонашаҡ районында йәшәгән милләттәштәребеҙ туған телде үҫтереүгә бәйле һорау бирҙе. Рөстәм Хәмитов әйтеүенсә, туған һәм дәүләт телдәрен үҫтереү буйынса программа ҡабул ителде һәм фонд булдырылды. Уның буйынса милләттәштәребеҙгә лә ярҙам буласаҡ.

ҡаралған: 31
20:49 - 19.04.2018

Рөстәм Хәмитовҡа Ишембай Шихандарына бәйле һорау бирелде. Республика Башлығы әйтеүенсә, айырыуса һаҡланған тәбиғәт һәйкәлдәренә бер кем дә теймәйәсәк. Был тәбиғәт ҡомартҡылары закон буйынса һаҡлана. Уларҙың статусын алыу мөмкин түгел. Республика Хөкүмәте бер ҡасан да ҡануниәткә ҡаршы бармаясаҡ, тине Рөстәм Хәмитов.

ҡаралған: 36
20:28 - 19.04.2018

Башҡортостанда торлаҡ төҙөлөшөнә аҡса индереп алданғандар проблемаһы мотлаҡ хәл ителәсәк. Төбәк башлығы белдереүенсә, әле республика буйынса 77 проблемалы обьект иҫәпләнә. Был йорттарҙа 5 650 кеше йәшәй алыр ине. Был йорттар буйынса график төҙөлгән - 2018 йылда - 32, 2019 йылда - 40, 2020-селә - 10 һәм 2021 йылда 3 йортто төҙөп бөтөрөү планлаштырыла, тине Рөстәм Хәмитов.

ҡаралған: 31
20:06 - 19.04.2018

Республика башлығы һаулыҡ һаҡлауға бәйле һорауға ла яуап бирҙе. Быйыл 12-13 миллиард һумға дауахана-поликлиникалар төҙөлә. Исемлектә ҙур объекттар – диспансерҙар, шулай уҡ район һәм ҡалаларҙағы дауаханалар бар. Медицина нисек кенә үҫешмәһен, һәр кем сәләмәтлеген ҡайғыртырға тейеш, тине Рөстәм Хәмитов. Республикала Сәләмәт тормош алып барыу стратегияһы әҙерләнгән.

ҡаралған: 30
19:46 - 19.04.2018

Рөстәм Хәмитов менән әңгәмә әле дауам итә, уны Башҡортостан юлдаш телевидениеһы, “Рәсәй-24”, "Бөтә Өфө" телеканалдарында ҡарарға, "Спутник ФМ" һәм "Рәсәй-Башҡортостан" радиоларында тыңларға мөмкин. Һорауҙарҙың береһе уҙған көн Стәрлетамаҡтағы ғәҙәттән тыш хәл буйынса булды. 1-се мәктәптә бер үҫмер класташтарына бысаҡ менән ташланды. Республика башлығы бындай хәл сәбәптәренең төптә булыуын, уларҙы өйрәнергә, баһа бирергә, тейешле саралар күрергә кәрәклеген әйтте.
Рөстәм Хәмитов әйтеүенсә,...

ҡаралған: 25
19:29 - 19.04.2018

Республика буйынса 2018 йылдың башын яҡшы баһаларға була. "Башнефт"тән килгән табыш 16 миллиард һум тәшкил итте. Был үҙ сиратында төҙөлөш, йәмәғәт эштәрен алып барыу өсөн яңы мөмкинлектәр тыуҙыра. Төбәк башлығы белдереүенсә, йыл дауамында инвестиция программаһы 20 миллиард һумдан билдәләнә. Был үҙенә күрә рекорд, бындай кимәлдә адреслы инвестиция программаһы күҙәтелмәне. Республика өсөн мөһим проекттар тормошҡа ашырыла, ҡуйылған маҡсаттарға ирешер өсөн мөмкинлектәр етәрлек, тине Рөстәм Хәмитов.
“Республика башлығы менән...

ҡаралған: 24
19:02 - 19.04.2018

Тап ошо минуттарҙа Башҡортостан Башлығы менән тура эфирҙа әңгәмә башланды. Уны Башҡортостан юлдаш телевидениеһы, “Рәсәй-24”, "Бөтә Өфө" телеканалдарында ҡарарға, "Спутник ФМ" һәм "Рәсәй-Башҡортостан" радиоларында тыңларға мөмкин. Һорауҙарҙы тапшырыу аҙағынаса 8-800-347-0-347 һандарына шылтыратып еткерергә була. Уларҙы 10 оператор башҡорт, рус, татар телдәрендә ҡабул итә. Шулай уҡ 8-937-347-0-347 номеры буйынса "Ватсап", "Вайбер" кеүек мессенджерҙар аша смс-һорауҙар ҡабул ителә. Шылтыратыуҙар үҙәгенән белдереүҙәренсә, һорауҙар 6...

ҡаралған: 27
18:48 - 19.04.2018

Сит ил делегацияһын Болгарияның Рәсәйҙәге Ғәҙәттән тыш һәм тулы хоҡуҡлы илсеһе Бойко Коцев етәкләй. Осрашыуҙа хеҙмәттәшлекте нығытыу темалары ҡаралды. Рөстәм Хәмитов яҡтар араһында сауҙаны үҫтерергә саҡырҙы. Болгария вәкилдәре аҙыҡ-түлек, көнкүреш химияһы, лифт һәм катерҙар етештереү өлкәһендә бәйләнештәрҙе йәнләндерергә тәҡдим итте. Бынан тыш, мәҙәниәт, мәғариф һәм туризм өлкәләре иғтибарға алынды. Башҡорт дәүләт университеты нигеҙендә Болгар теле һәм мәҙәниәте үҙәген ойоштороу тәҡдиме өйрәнелде. Ҡунаҡтар Башҡортостан вәкилдәрен Болгарияла...

ҡаралған: 18
18:15 - 19.04.2018

Башҡортостанда һәр кешегә 25 квадрат метр сауҙа һәм ял урыны тура килә. Йәғни, бындай майҙандар торлаҡҡа ҡарағанда күберәк. Мәғлүмәтәрҙән күренеүенсә, республикала кеше башына 24 ярым квадрат метр торлаҡ тура килә. Беҙҙә 26 мең сауҙа объекты бар, уларҙың 700-ҙән ашыуы эре үҙәктәр. Барыһы ла тейешле норма-талаптарҙы үтәмәй, күптәрендә янғын хәүефһеҙлеге системаһы камил түгел, рөхсәтһеҙ файҙаланғандары ла бар. Ошоға бәйле, Өфө мэрияһы сауҙа-күңел асыу комплексы итеп үҙгәртелгән элекке сәнәғәт биналарын йәнә тикшерергә ҡушты....

ҡаралған: 20
17:29 - 19.04.2018

Һәр ауылда урындағы әһәмиәттәге мәсьәләләрҙе хәл итеүсе вәкил әле лә бар, әммә быға тиклем уларҙың статусы ҡанун менән нығытылмағайны. Хәҙер ошо көмселек бөтөрөлә - закон ҡабул ителде. Башҡортостан муниципаль берәмектәр ассоциацияһының башҡарма комитеты етәксеһе Рөстәм Исхаҡов әйтеүенсә, улар йәмәғәт башланғысында эшләй, хеҙмәт хаҡы алмаясаҡ. Йәғни, староста– ауылдың абруйлы кешеһе, үҙ ауылының патриоты. Старостаны ауыл халҡы тәҡдиме буйынса урындағы хакимиәт билдәләй. Вазифа биләгән кешеләрҙе, чиновниктарҙы һайларға ярамай. Уның вәкәләттәре...

ҡаралған: 22
16:32 - 19.04.2018

Кинофорум Рәсәй баш ҡалаһында бөгөн башлана. Документаль, нәфис, оҙон һәм ҡыҫҡа метражлы яңы фильмдар ҡатнаша, йәмғеһе 20-ләп программа эшләйәсәк. Башҡортостан кинематографтарының ижад емеше конкурстан тыш программала күрһәтелә. “Бабич” – тулы метражлы нәфис фильм, азатлыҡ йырсыһы Шәйхзада Бабичҡа - Зәки Вәлидиҙең көрәштәшенә арналған.

ҡаралған: 29
16:00 - 19.04.2018

Ил баш ҡалаһындағы Ҡорос һәм ҡатышмалар техник университеты – МИСИС-та эшләп илгән “Интернациональ дуҫлыҡ клубы” бөгөн милләттәр көнөн уҙғара. Унда Башҡортостан йәштәре лә ҡатнаша. Беҙҙең Мәскәүҙә уҡып йөрөгән студенттар милли аш-һыуҙарыбыҙ менән таныштыра, мәҙәни байлыҡты концерт номерҙарында күрһәтә.

ҡаралған: 39
15:11 - 19.04.2018

Иртәгә, 20 апрелдә, Республикала һәм Өфөлә көндөң аяҙлы-болотло булыуы, ямғыр яуыуы көтөлә. Ел көньяҡ-көнбайыштан йүнәлешен төньяҡ-көнбайышҡа үҙгәртеп, талғын, ваҡыты менән көсәйеүсән. Һауа температураһының республикала төндә +2, +7, көндөҙ +6, +11, көньяҡ-көнсығышта +16 градусҡа тиклем йылы, Өфөлә төндә +4, +6, көндөҙ +9, +11 градус йылы булыуы күҙаллана. Алдағы ике көндә яуым-төшөмдөң кәмеүе көтөлә.

ҡаралған: 32
14:17 - 19.04.2018

Ил Хөкүмәте айырым категория тауарҙар өсөн НДС-ҡа ташламаларҙы ғәмәлдән сығарырға йыйына. Быға тиклем льготаға китеп торған аҡса хәҙер социаль яҡлауға мохтаждар мәнфәғәттәренә йүнәлтеләсәк. Ил президентының мөрәжәғәтнамәһен үтәп, адреслы ярҙамды арттырыу өсөн Хөкүмәт ошондай аҙымға бара. Әле аҙыҡ-түлек, балалар өсөн тауарҙар, китап, дәреслек, дарыуҙар өсөн НДС - 18 түгел, ә 10 проценттан билдәләнгән. Бындай ташлама бюджетҡа 650 миллиард һум йөк булып ята.

ҡаралған: 24

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

көндөҙ 5..7°C
кис 3..5°C
төндә -1..1°C
иртән 0..2°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.