Яңылыҡтар

13:55 - 13.01.2018

Өфө хакимиәте был сикләүҙең ваҡытлыса булыуы хаҡында хәбәр итә. Иҫегеҙгә төшөрәбеҙ: белгестәр - ҡоролма иҫкереү сәбәпле, хәрәкәтте сикләү кәрәклеге хаҡында белдергәйне. Унан һуң, бер һыҙат - тулыһынса ябылып, тиҙлек - 20 саҡрымға тиклем кәметелде һәм күпер аша еңел автомобилдәргә генә үтергә рөхсәт бирелде. Баш ҡалаһының яһалма ҡоролмаларҙы хеҙмәтләндереү ойошмаһынан белдереүҙәренсә, күпер - көндәр йылытыу менән ҡабаттан асыла. Ә яҙҙан иһә, реконструкция башланасаҡ.

ҡаралған: 19
13:15 - 13.01.2018

Иртәгә, 14 ғинуарҙа, республикала һәм Өфөлә көндөң аяҙлы-болотло булыуы, урыны менән бер аҙ ҡар яуыуы көтөлә. Ел көнбайыштан һәм төньяҡ-көнбайыштан талғын. Һауа температураһының республикала төндә -20,-25, урыны менән -30,-35, көндөҙ -15,-20, Өфөлә төндә -24,-26, ҡала ситендә -31, көндөҙ -15,-17 градус һалҡын булыуы күҙаллана. Алдағы ике көндә һауа температураһының әкренләп күтәрелеүе көтөлә.

ҡаралған: 22
12:30 - 13.01.2018

Иҫкесә Яңы йыл айҡанлы, республика юл хәрәкәте хәүефһеҙлеге дәүләт инспекцияһы бөгөн-иртәгә киң күләмле рейдтар үткәрә. Төп иғтибар иҫерек водителдәргә йүнәлтелә. Хоҡуҡ һаҡлаусылар был көндәрҙә автоһәүәҫкәрҙәрҙе йышыраҡ туҡтатасаҡ һәм быға аңлап ҡарауҙарын һорай. Акцияның тәүге сиратта юлдарҙа ҡурҡыныс фажиғәләрҙе булдырмау өсөн ойошторолоуын да онотмайыҡ. Юл инспекцияһы һуңғы ваҡытта һауа торошона бәйле транспорт хәрәкәтенең ҡатмарланыуы хаҡында белдерә, руль артында айырыуса иғтибарлы булырға саҡыра.

ҡаралған: 22
12:11 - 13.01.2018

Германияның Рупольдинг ҡалаһында биатлон буйынса Донъя кубогы этабы сиктәрендә егеттәр араһында эстафета үтте. Өсөнсө урын өсөн пьедесталға Өфөнән Антон Бабиков та күтәрелде. Шуға ҡарамаҫтан, яҡташыбыҙ үҙенең сығышы менән ҡәнәғәт түгел. Антон сәпкә яҡшы атһа ла, йүгереү тиҙлеге буйынса, үҙе әйтмешләй, төп дәғүселәренән көсһөҙөрәк булды. Бөгөн ҡатын-ҡыҙҙар эстафетала көслөләрҙе асыҡлай.

ҡаралған: 18
11:38 - 13.01.2018

Илдең үҙәк һайлау комиссияһы Коммунистар партияһынан Рәсәй Президенты һайлауына кандидат итеп эшҡыуар Павел Грудининды теркәне. КПРФ вәкиле рәсми теркәлеү уҙған икенсе дәғүәсе. Иң беренсе булып тауыш биреүҙәргә Үҙәк һайлау комиссияһы ЛДПР лидеры Владимир Жириновскийҙы үткәрҙе. Президент һайлауы 18 мартта уҙа. Кандидаттар тәҡдим итеү кампанияһы уҙған йыл 18 декабрҙә старт алды.

ҡаралған: 21
11:10 - 13.01.2018

Стәрлетамаҡта шәхси участкаларҙың береһендә кеше мәйете табылған. Был турала социаль селтәрҙә яҙалар. Мәғлүмәт авторы билдәләүенсә, “Һеңлем - баҡсала кеше мәйетен күреп, был турала әсәһенә һөйләгән”. Табыш хаҡында полицияға хәбәр итәләр. Фаразлауҙар буйынса, йәш кеше иҫерек килеш йоҡлап китә һәм туңып үлә. Әле осраҡ буйынса тикшереү бара.

ҡаралған: 17
10:44 - 13.01.2018

Башҡортостан буйынса Тәфтиш комитеты Өфөлә шәхси йортто емереү осрағын тикшерә. Иҫегеҙгә төшөрәбеҙ: Ғафури урамындағы иҫке өйҙәрҙең береһендә йәшәүсе Фәрит Шәйнуров командировкала булған саҡта торлаҡһыҙ ҡалған. Эштән ҡайтыуына, уның мөлкәтен ер менән тигеҙләп ҡуйғандар, хәҙер был урында күп ҡатлы йорт төҙөлә. Ҡала хакимиәте һәм төҙөлөш ойошмаһы йортто емереүҙә уларҙың ҡатнашлыҡтары юҡ, тип белдерә. Осраҡ буйынса тикшереү дауам итә.

ҡаралған: 16
10:07 - 13.01.2018

1703 йылдың 13 ғинуарында Рәсәйҙә, батша Петр 1-се указына ярашлы, “Ведомости” газетаһының 1-се һаны донъя күрә. Ошо ваҡиға айҡанлы, 1991 йылдан алып 13 ғинуарҙа Рәсәй матбуғаты көнө билдәләнә башлай. Был күркәм дата журналистарҙың ғына түгел, шулай уҡ полиграфия өлкәһендә эшләүселәрҙең, газета-журнал таратыусыларҙың байрамы ла. Беҙҙең илдә 50 меңгә яҡын төрлө баҫма нәшер ителә, республикала 1 меңгә яҡын традицион һәм 200 самаһы электрон баҫма иҫәпләнә.

ҡаралған: 18
09:21 - 13.01.2018

"Комиавиатранс" ойошмаһы бөгөн республика баш ҡалаһынан Домодедово аэропортына рейстар аса. Улар аҙнаһына бер тапҡыр шәмбе–йәкшәмбе көндәрендә башҡарыла. Бер яҡҡа осош 2 ярым мең һум тора. Шулай итеп, ял көндәрендә һауа юлдары буйлап 5 мең һумға Мәскәүгә барып ҡайтыу мөмкинлеге булдырыла.

ҡаралған: 22
09:06 - 13.01.2018

Алдағы дүшәмбе икенсе ярты йыллыҡ башлана. Шул уҡ ваҡытта ялдарҙың оҙайыуы ла ихтимал- республика биләмәләренә һалҡындар килде. Мәғариф министрлығы һыуыҡтар осоронда дәрескә йөрөү-йөрөмәү тәртибен иғлан итте. Ауыл ерендә башланғыс класс уҡыусылары температура - 23, ҡалаларҙа 25 градустан түбән төшһә, өйҙә ҡала ала. 5-9 кластар өсөн 25 йәки 27, 10-11 кластарға 30-32 градустан билдәләнгән. Уҡытыусыларға был нормативтар ҡағылмай - улар эш урындарына - мәктәпкә мотлаҡ барырға тейеш.

ҡаралған: 27
08:47 - 13.01.2018

Баш ҡалала эштәр 2021 йылда тамамланырға тейеш. Һөҙөмтәлә, проспект Тимашевоға барып етә, бының өсөн 8 километр яңы юл һалырға, 14 километрын ремонтларға, юл үткәргестәр һәм күпер һалырға кәрәк буласаҡ. Киләсәктә Салауат Юлаев проспектынан йәмәғәт транспорты, Интернациональ урамынан аэропортҡа тиклем экспресс автобустар ебәреү күҙаллана. Сығымдар 10 миллиард һумдан билдәләнгән.

ҡаралған: 26
08:35 - 13.01.2018

Бөгөн, 13 ғинуарҙа, республикала һәм Өфөлә көндөң аяҙлы-болотло, ғәмәлдә яуым-төшөмһөҙ булыуы көтөлә. Ел төньяҡтан һәм төньяҡ-көнбайыштан талғын. Һауа температураһының республикала -19,-24, урыны менән -14, Өфөлә -20, -22 градус һалҡын булыуы күҙаллана. Атмосфера баҫымы көн дауамында түбәнәйәсәк.

ҡаралған: 19
07:48 - 13.01.2018

Башҡорт яҙыусыларының әҫәрҙәре Рәсәй халыҡтарының балалар әҙәбиәте антологияһына индерелде. Йыйынтыҡ Рәсәйҙең милли әҙәбиәттәргә булышлыҡ итеү программаһын тормошҡа ашырыу барышында донъя күрҙе. Баҫма бик үҙенсәлекле, унда 201 яҙыусының 870 әҫәре тупланған. Әкиәттәр, хикәйәләр, шиғырҙар, поэмалар Рәсәй халыҡтарының 55 теленән тәржемә ителгән. Антологияға Гөлфиә Юнысова, Айһылыу Йәғәфәрова, Тамара Искәндәриә кеүек танылған башҡорт балалар яҙыусыларының һәм йәш авторҙар — Тимур Рәхмәтуллиндың, Айнар Байбулатовтың әҫәрҙәре урын алған.

ҡаралған: 16
07:18 - 13.01.2018

Баш ҡала тирәләй урман паркы зонаһын булдырыу тураһында мэрияла ҡарар ҡабул ителде, тип хәбәр итәләр Республиканың Тәбиғәттән файҙаланыу һәм экология министрлығынан. Майҙаны 1 мең 700 гектарға етә, биләмәләрендәге тәбиғәт объекттарын һаҡлау маҡсатында, тәбиғәт менән файҙаланыу, башҡа хужалыҡ эшмәкәрлеге сикләнәсәк.

ҡаралған: 20
06:46 - 13.01.2018

Бөгөн Рәсәй Иҫкесә Яңы йылды ҡаршылай. Байрам йолаһы Юлиан календарынан башлана, элекке Советтар Союзы илдәрендә, Черногорияла, Сербияла, Македонияла һәм хатта Швейцарияла билдәләнә. Халыҡта ул оҙайлы байрамдарҙың тамамланыу нөктәһе тип тә ҡабул ителгән.

ҡаралған: 22
18:40 - 12.01.2018

Өфө мәктәптәренең береһендә профилле класс булдырыла. Урта мәктәптән һуң киләсәген мөғәллимлек менән бәйләргә теләүселәр профилле йүнәлеш буйынса уҡыясаҡ. Проект Дим районындағы 113-сө мәктәптә ғәмәлгә ашырылыр, тип көтөлә. Профилле класта психология, педагогика програмалары индерелә, һөнәр һайлау тестары, ғәмәли дәрестәр ҡаралған. Башланғыс “Берҙәм Рәсәй” партияһының “Яңы мәктәп” проекты сиктәрендә ғәмәлгә ашырыла. Унда Мифтахетдин Аҡмулла исемендәге Башҡорт дәүләт педагогика университеты ҡатнаша.

ҡаралған: 27
17:45 - 12.01.2018

Тәүгеләрҙән булып ҡатын-ҡыҙҙар уйнаны. Һөҙөмтәлә, башлыса Өфөнөң “Ағиҙел” ҡыҙҙарынан торған Көнсығыш командаһы Көнбайышты 3:2 иҫәбенә отто. Артабан боҙға йәштәр хоккей лигаһы уйынсыларының ике конференция йыйылма командалары сыҡты. Быныһында Көнбайыш көслөрәк булды. Көнсығыш өсөн уйнаған "Толпар" хоккейсыһы Илдар Абдеев 1 гол индерҙе. КХЛ йондоҙҙары шоуы иртәгәгә тәғәйенләнгән. Былтыр хоккей йондоҙҙары аҙналығы Өфөлә үткәйне.

ҡаралған: 28
16:03 - 12.01.2018

“Айыҡ Рәсәй” ойошмаһы шешәләргә ҡурҡыныс һүрәттәр йәбештерергә тәҡдим итә. Башланғыс авторҙары фекеренсә, алкоголде саманан тыш ҡулланыуҙың сәләмәтлек өсөн хәүефе тураһындағы яҙыуҙың һөҙөмтәһе юҡ. Спиртлы эсемлектәр арҡаһында йөрәк, бауыр, бөйөр йәки мейенең ни хәлгә төшөүен фотоһүрәттәрҙә күрһәтергә кәрәк, ти улар. Әлегә ошондай ҡурҡыныс һүрәттәр тәмәке ҡаптарында баҫыла.

ҡаралған: 24
15:10 - 12.01.2018

Дәүләт Йыйылышы-Ҡоролтай депутаттары ставкаларҙы 2 тапҡырға арттырырға йыйына. “Уйын бизнесына һалым” тураһында ҡанунға үҙгәрештәр парламенттың ғинуар ултырышында тикшереләсәк. Федераль закондар буйынса Рәсәйҙә 2009 йылдан уйын бизнесы тыйылған, фәҡәт Алтай, Краснодар, Приморье һәм Калининградта 4 зона булдырылған. Республика парламенты әҙерләгән үҙгәрештәр букмекер һәм тотализаторҙарға ҡағыла. Республикала 130 ошондай нөктә бар.

ҡаралған: 26
14:18 - 12.01.2018

Был турала Ғәҙәттән тыш хәлдәр министрлығының матбуғат хеҙмәтенән хәбәр итәләр. Яғыулыҡ цистернаһына ут ҡабыуы хаҡында иртәнге 10-да хәбәр итәләр. 20 минуттан янғын һүндерелә, зыян күреүселәр тураһында мәғлүмәттәр юҡ.

ҡаралған: 24

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

кис -20..-22°C
төндә -22..-24°C
иртән -21..-23°C
көндөҙ -16..-18°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.