Яңылыҡтар

06:27 - 15.04.2018

Рәсәйҙең аҙыҡ-түлек хәүефһеҙлеге тулыһынса тәьмин ителгән. Ошо турала Ауыл хужалығы министрлығынан хәбәр итәләр. Иген, ит, көнбағыш майы, шәкәр һәм картуфты башҡаса ситтән һатып алырға кәрәкмәй. Был өлкәлә импортҡа алмаш программаһы уңышлы эшләп килә. Әммә йәшелсәселеккә бәйле план әле үтәлмәй. Йылы япмалар хужалыҡтары әүҙем үҫешеүенә ҡарамаҫтан, йәшелсәне сит илдән һатып алырға мәжбүрбеҙ. Был өлкәлә үҙебеҙҙе тулыһынса тәьмин итеү өсөн өҫтәмә 1 мең ярым гектарҙа теплицалар төҙөргә кәрәк. Бынан тыш, һөтсөлөккә бәйле юғары күрһәткестәргә...

ҡаралған: 70
19:45 - 14.04.2018

Белорет, Благовещен, Нефтекамала "Йылдам үҫеш биләмәһе" булдырыла. Республиканың заявкаһы Мәскәүҙә ҡаралған һәм хупланған. Быға тиклем Бәләбәй менән Күмертау моноҡалалары ошондай статус алғайны. Хәҙер был биләмәләрҙә 14 резидент эшләй.

ҡаралған: 21
18:23 - 14.04.2018

Диктант 21 апрелгә планлаштырылған. Төп ойоштороусы - Башҡорт дәүләт университеты. Акция барлыҡ республика буйынса уҙа. Өфө, Белорет, Бөрө, Ишембай, Мәләүез, Нефтекама, Салауат, Сибай, Стәрлетамаҡ, Учалы ҡалалары яҙа. Әйткәндәй, күршеләр ҙә ситтә ҡалмай- башҡорттар күпләп йәшәгән өлкәләрҙә лә яҙалар. Башҡорт телендә төбәк диктанты акцияһы 4-сегә уҙғарыла.

ҡаралған: 23
17:38 - 14.04.2018

Рәсәйҙә былтыр 5 меңдән ашыу медицина белгесе “Ауыл табибы” программаһы буйынса 1 миллион һум ярҙам алған. Ошо турала Һаулыҡ һаҡлау министрлығынан белдерәләр. “Ауыл табибы” проекты 2012 йылдан эшләй. Уға ярашлы, ауылға йәки бәләкәй ҡалаға эшкә ҡайтҡан медицина белгестәренә 1 миллион һум бирелә. Башҡортостанда былтыр ошо программа буйынса 120 табипҡа аҡса түләнгән. Бынан тыш, республикала “Ауыл фельдшеры” проекты булдырылды. Уның буйынса, һуңғы ике йылда 120 белгес ауылда эшләй башлаған.

ҡаралған: 19
15:08 - 14.04.2018

Башҡортостанда кооперативтар 3 миллион һумғаса дәүләт ярҙамына өмөт итә ала. Республика Башлығы Рөстәм Хәмитов ауыл хужалығы кооперацияларын үҫтереү буйынса ҡул ҡуйған Указда ошо турала әйтелә. Документ 2020 йылғаса иҫәпләнгән. Өс йыл эсендә 450 хужалыҡ барлыҡҡа килергә тейеш. Дәүләт субсидияһынан тыш, кооперативтар банктан да ярҙам аласаҡ. Аграрийҙарға льготалы кредиттар бирелә. Займдар 5 проценттан артмаҫҡа тейеш. Бөгөнгә республикала 24 ауыл хужалығы кооперативы эшләп килә.

ҡаралған: 20
14:44 - 14.04.2018

Өфөнөң "Пристань" ресторан комплексындағы ҡоҙоҡта 5 кеше һәләк булған. Комплекс хеҙмәткәрҙәренең береһе һыуҙы ҡабыҙам тип ҡоҙоҡҡа төшә һәм унда аңын юғалта. Был хәлде күреп ҡалған башҡалар уға ярҙамға ашыға. Тик улар ҙа ер аҫты ҡоҙоғонан күтәрелергә өлгөрмәй, иҫһеҙ йығыла. Һәләкәт урынына килеп еткән ҡотҡарыусылар уларҙың кәүҙәләрен алып сыға. Берәүһе әлегә дауаханала реанимацияла. Тәфтиш комитеты ваҡиға буйынса енәйәт эше ҡуҙғатҡан. Тәү тикшереү һөҙөмтәләре буйынса, хеҙмәткәрҙәрҙең һөрөм газы менән ағыуланыуы билдәле.

ҡаралған: 23
14:14 - 14.04.2018

Иртәгә, 15 апрелдә, республикала һәм Өфөлә көндөң аяҙлы-болотло булыуы, төндә яуым-төшөмһөҙ, көндөҙ урыны менән ҡар ҡатыш ямғыр яуыуы көтөлә. Ел көнбайыштан, талғын. Һауа температураһының республикала төндә 0,-5, урыны менән -10 градусҡа тиклем түбәнәйеүе, көндөҙ +5, +10 градус йылы, Өфөлә төндә -3,-5 градус һалҡын, көндөҙ +8,+10 градус йылы булыуы күҙаллана. Алдағы ике көндөң һалҡынса тороуы, ҡар ҡатыш ямғыр яуыуы көтөлә.

ҡаралған: 19
14:05 - 14.04.2018

Башҡортостандан өс юғары уҡыу йорто халыҡ-ара рейтингтҡа индерелде. Өфөләге авиация, нефть һәм медицина университеттары эшмәкәрлеге юғары баһаланды. Дөйөм алғанда, исемлектә төрлө илдәрҙән 800-гә яҡын вуз күрһәтелгән. Өфө дәүләт авиация-техник университеты унда 680-се, Башҡорт дәүләт медицина университеты – 728-се һәм Өфө дәүләт нефть-техник университеты – 770-се урында. Халыҡ-ара рейтингты әҙерләүҙә Бөйөк Британия белгестәре ҡатнашҡан. Исемлектә беренсе урында – Америкалағы Гарвард университеты. Рәсәйҙән иң юғары баҫҡыста Мәскәү дәүләт...

ҡаралған: 18
13:14 - 14.04.2018

Зубово ауылын һыу баҫыуҙа бында йәшәүселәрҙең береһе ғәйепле булыуы ихтимал. Интернет селтәрендә әле ошондай хәбәрҙәр тарала. Зубово халҡы фекеренсә, коттедж хужаларының береһе төҙөлөш ваҡытында Бәрҫеүән йылғаһының үҙәнен үҙгәртеп, үҙ участкаһына борған була, әммә ярҙарын яҡшылап нығытмаған. Ташҡын ваҡытында һыу тап ошо урында йырылып йорттарҙы баҫҡан.

ҡаралған: 19
12:42 - 14.04.2018

Аварияның Дәүләт ауылы янында көндөҙгө сәғәттәрҙә булыуы рәсми теркәлгән. 27 йәшлек водитель һүҙҙәре буйынса, ГАЗель башҡа көндәрҙә Асҡар-Магнитогорск йүнәлешен хеҙмәтләндергән. Ә был юлы ул ремонтҡа китеп барған һәм пассажирҙарҙы юл ыңғайы ултыртып алған була. Фаразлауҙар буйынса, микроавтобус ҡар яуған ваҡытта тайып юлдан төшөп киткән. Ике кешегә медицина ярҙамы кәрәк булған. Осраҡ буйынса тикшереү бара.

ҡаралған: 21
12:31 - 14.04.2018

Иртәнге 8 сәғәттә алынған мәғлүмәттәр буйынса: Ағиҙел йылғаһының кимәле Өфө янында 296 сантиметр тәшкил иткән, тәүлек эсендә 53 сантиметрға кәмегән,
Шаҡша биҫтәһе эргәһендә Өфө йылғаһы 166 сантиметр - 68 сантиметрға түбәнәйгән,
Дим районының Бочкарев ауылы тирәһендә 16 сантиметрға күтәрелеп, 522 сантиметрға еткән.

ҡаралған: 16
11:47 - 14.04.2018

Был турала Иҡтисади үҫеш министры Максим Орешкин белдерҙе. Бер үк ваҡытта әле аныҡ фараздар әйтеп булмай, милли валюта сағыштырмаса оҙайлы ваҡыт арзанайһа ғына инфляция артасаҡ, тине ул. Март айында илдә тауарҙар һәм хеҙмәттәр уртаса 0,3 процентҡа ҡиммәтләнде. Валюталар курсына килгәндә, Рәсәй һумы һуңғы тәүлектә уларға ҡарата бер ни тиклем нығынған. Доллар Мәскәү биржаһында - 61 һум 90 тин тора, евро 76 һум 40 тингә баһаланған.

ҡаралған: 28
11:09 - 14.04.2018

Башҡортостан мәғариф учреждениеларында спорт ҡорамалдарын файҙаланыу ҡағиҙәләрен боҙоу осраҡтары асыҡланған. Мәктәптәрҙең береһендә мини-футбол һәм гандбол уйындары өсөн ҡапҡа тейешенсә беркетелмәгән булған. Шулай уҡ Башҡорт дәүләт педагогия университетында ҡапҡа ауыу сәбәпле, ике кеше йәрәхәтләнгән. Благовещен районында балалар баҡсаһында 5 йәшлек бала ҡулын һындырған. Йәнә 29 мәктәптә футбол ҡапҡаларының сертификаты булмаған. Тикшереүҙәр барышында бөтәһе 130 етешһеҙлек асыҡланған, 72 кеше яуапҡа тарттырылған, тип хәбәр итәләр Республика...

ҡаралған: 24
11:02 - 14.04.2018

Ғәҙәттән тыш хәлдәр буйынса дәүләт комитеты мәғлүмәте буйынса, Дим биҫтәһенең Бочкарев районы янындағы ҡасабалар тирәһен һыу баҫыу хәүефе бар. Киләһе аҙнала тау йылғаларының кимәле күтәрелеүе көтөлә. Ташҡын мәленең икенсе этабында Дим, Ағиҙелдең таулы өлөштәрендә, Оло һәм Кесе Инйәр, Еҙем, Өфө районында Әсән йылғаларында һыуҙың ярҙарҙан сығыуы фаразлана.

ҡаралған: 25
10:40 - 14.04.2018

Черниковкала был йәнлектең ағас башында ултырғанын, Киров урамында балалар баҡсаһының ҡоймаһы буйлап йөрөүен күреүселәр булған. Белгестәр әйтеүенсә, яҙын ризыҡ етешмәү арҡаһында, һыуһарҙар кешеләр йәшәгән урындарға яҡыныраҡ килә. Әйткәндәй, Өфө ҡалаһының символы итеп тап һыуһар һайланған.

ҡаралған: 25
10:10 - 14.04.2018

Өфөлә Ҡатын-ҡыҙҙар хоккей лигаһының ярым финалы барышында “Ағиҙел” Түбәнге Новгородтан СКИФ-ты ҡабул итте. Тәүге уйында Өфө командаһы 6-4 иҫәбенә еңеү яуланғайны, кисә дәғүәсеһен 6-ға 1 иҫәбенә отто. Шулай итеп, ике еңеүгә тиклем барған серияла “Ағиҙел” алға сыҡты. Ҡатын-ҡыҙҙар хоккей лигаһы финалында беҙҙекеләр Мәскәү өлкәһенән “Торнадо” менән осраша. Тәүге ике уйын Өфөлә 19,20 апрелдә уҙа.

ҡаралған: 16
09:47 - 14.04.2018

Бөгөн Өфөлә ошондай конференция үтә. Баш ҡала хакимиәте, мәғариф идаралығы, ҡала мәктәптәрендәге ата-әсәләр комитеттары, Бөтә донъя башҡорттары ҡоролтайы, йәмәғәт ойошмалары ҡатнашлығындағы сара Мостай Кәрим исемен йөрөткән 158-се Башҡорт гимназияһында буласаҡ, тип хәбәр итә ойоштороусылар. Унда дәүләт телдәрендә белем биреү, тыуған телдәргә өйрәтеү мәсьәләләре ҡарала. Был көндәрҙә барлыҡ ил буйынса ла ата-әсәләр йыйылыштары үтә.

ҡаралған: 33
09:04 - 14.04.2018

"Башҡортостандың тарихы биттәре" тигән ижади фестиваль дауам итә. Башҡортостан Республикаһының 100 йыллығы уңайынан былтыр декабрҙә башланған марафон бөгөн Ауырғазы вәкилдәренә тапшырыла. Сара Хөсәйен Әхмәтов исемендәге Башҡорт дәүләт филармонияһында уҙа. Ауырғазыларҙан һуң эстафетаны Ағиҙел ҡалаһы ҡабул итеп ала.

ҡаралған: 22
08:57 - 14.04.2018

Башҡортостанда йәшәүселәр рус теленән белемен һынап ҡарай ала. Бөгөн донъяла “Тоталь диктант” акцияһы үтә. Ул 75 илдә ойошторола. Өфөлә 30 урында диктант яҙырға була. Исемлектә Рәсәй почтаһының төп бинаһы, Үҙәк ҡала китапханаһы, ВДНХ-ла “Рәсәй – минең тарихым” паркы, юғары уҡыу йорттары бар. Республика халҡы өсөн Гүзәл Яхинаның яңы романынан өҙөк тәҡдим ителә. Ойоштороусылар белдереүенсә, бөгөнгә акция сайтында меңгә яҡын кеше теркәлгән.

ҡаралған: 24
08:12 - 14.04.2018

Торлаҡ-коммуналь хужалыҡ, муниципаль һәм дәүләт учреждениелары, ойошма-предприятиелар хеҙмәткәрҙәре, студенттар һәм уҡыусылар тирә-яҡты сүп-сарҙан таҙартырға сыға. Өмәлә күп ҡатлы йорттарҙа йәшәүселәрҙе лә саҡыралар. Улар коммуналь хеҙмәткәрҙәргә йәшәгән урындарын тәртипкә килтерергә ярҙам итә ала. Башҡортостанда экологик өмәләр уҙған аҙнала башланды. Санитар таҙартыу һәм йәшелләндереү саралары һәр шәмбе май урталарына тиклем дауам итә.

ҡаралған: 18

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

кис 9..11°C
төндә 5..7°C
иртән 3..5°C
көндөҙ 7..9°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.