Беҙҙең проекттар

17.02.2017

Бөгөн Рәсәйҙә студенттар отрядтары көнө билдәләнә. Өлкән йәштәгеләрҙә хәтирәләр уятҡан һүҙҙәр бар. "Студотряд" һүҙе - шуларҙың береһе. "Картуфлыҡҡа" тигән бойороҡто кемдер ҡурҡып, кемдер талпынып көттө. Ә кемгәлер йылы яҡтарҙа ҡарбуз, мамыҡ йыйыу бәхете тейгән. Бөгөн дә студенттарҙың хеҙмәт отрядтары бар. Әммә бөгөн беҙ һеҙгә хәтирәләргә сумырға тәҡдим итәбеҙ. Студотрядтар менән бәйле иҫтәлектәрҙе беҙгә юллағыҙ.

16.02.2017

Аномаль төбәктәр беҙҙә бар, әммә улар ен-пәрейҙәр менән бәйле түгел. Улар кешегә көс бирә. Һуңғы йылдарҙа бындай урындарға ҡыҙыҡһыныу арта ғына. "Уралдың көслө урындары" тигән махсус туристик маршруттар ҙа ойошторола. Ә һеҙ юғары көсө булған урындарға ышанаһығыҙмы?

15.02.2017

Барлыҡ республика хоккей менән йәшәй, кисә уҙған уйындың шауҡымы.Салауат Юлаев командаһы йәнә көйәрмәндәрҙе ҡайғыртты. Был осраҡта "Аҡ Барыҫтың" көйәрмәндәрен. Төркөм этабында Юлаевсыларҙың шәптән булмаған уйындың сәбәбен ниҙә күрәһегеҙ?

14.02.2017

Мөхәббәт, белеүебеҙсә, дыуамал тойғо. Йәшкә лә ҡарамай. Тап шундай мөхәббәт тураһында һөйләшәбеҙ бөгөн. Беҙҙең тыңлаусылар араһында иң ҙур йәш айырмаһы булған парҙы эҙләйбеҙ. "Мөхәббәт йәшкә ҡарамай" тигәндең тере миҫалы булған кешеләр бармы беҙҙең арала?

13.02.2017

Ата-әсәләр ошо  көндәрҙә мәктәп уҡыусыларына әйләнә алды. Өфөлә үҙенсәлекле һынау үтте. Унда Берҙәм дәүләт имтиханы тапшырылды. Тик абитуриенттар ролендә ата-әсәләр булды. Ә беҙҙең радиотыңлаусылар Берҙәм Дәүләт имтиханын тапшыра алыр инеме икән?

10.02.2017

Ҡыуыш төҙөп, бөтә күршеләрҙе эскәмйәләре менән бергә саҡырып, ҡаҙан аҫып, шишмәгә төшөп ауылдамы? Әллә ресторан алып, музыканттар саҡырып, проспектар буйлап машиналарҙа үтеп ҡалаламы?Һайларға һеҙгә кәрәк булыр. Йәғни бөгөнгө һөйләшеүҙең темаһы - Ҡала туйымы, ауыл туйымы? 

08.02.2017

Бөгөн Рәсәй фәне көнө. Әммә беҙ фәндең заманса хәлен барларға тип эфирға сыҡманыҡ. Беҙҙең маҡсат - юлдаштар араһында Кулибиндарҙы табыу. Уйлап табыусылар бармы беҙҙең арала?

07.02.2017

Рәсәйҙең Хеҙмәт һәм халыҡты социаль яҡлау министрлығы ҡатын-ҡыҙҙарға тыйылған һөнәрҙәр исемлеген яңыртырға теләй. 17 йыл дауамында был исемлек булған икән. Был исемлек киңәйтеләсәк, тип хәбәр ителә. Әлегә унда тимер ҡойоу, төҙөлөш һәм тау сәнәғәтенең ҡайһы бер профессиялары ингән. Ә һеҙ ниндәй һөнәрҙә ҡатын-ҡыҙҙарҙы күрергә теләмәҫ инегеҙ?

02.02.2017

Үҙенсәлекле исемдәр йөрөткән кешеләр һуңғы көндәрҙә йыш осрай. Бындай исемдәр менән хәҙер һаҡ булырға кәрәк. Депутаттар ғаилә һәм граждандар кодексына үҙгәрештәр индерергә теләй. Уларға ярашлы, балаларға экзотик, йәки бөтөнләй мәғәнәһеҙ исемдәр ҡушыу тыйыласаҡ.Ә беҙҙең тыңлаусылар ниндәй исемдәрҙе тыйыр ине?

01.02.2017

Натуралата түләүҙең дә уңайлы яҡтары бар. Бөгөн ҡырағай ысул кеүек яңғыраһа ла, заманында шунан башҡа юл юҡ ине. Бөгөн дә ул бар. Мәҫәлән, ауылда. Силәбе фермерҙары "Балкондағы һыйыр" исемле башланғыс менән сыҡҡан. Ҡалала йәшәүсе ауылдан һыйыр һатып ала, ә алмашҡа уға һауылған һөттөң өлөшөн көн һайын еткерәләр. Ә һеҙ әйберләтә түләү алғанығыҙ булдымы?

31.01.2017

Бөгөн Ванганың тыуған көнө. Ә беҙҙең тыңлаусылар араһында eның кеүек кешеләр бармы? Төш юрау ысынмы? Юрағанығыҙ юш килгәне булдымы?

30.01.2017

Мутлашыусылар бәйләнешкә күсте. Кешенең бите аша инәләр ҙә, дуҫтарынан аҡса һорайҙар. Барыбыҙға ла бындай хаттар килгәне бар. Әлбиттә, йыш осраҡта шылтыратып һорашҡандан һуң, ялған эш асыҡлана. Шулай ҙа, ҡармаҡҡа эләккәндәр бар. Ә һеҙ бындай осраҡта нимә эшләйһегеҙ, юлдаштар?

27.01.2017

Тыңлаусыларыбыҙҙың йән әсенеүҙәрен иҫәпкә алып, бөгөнгө һөйләшеүҙе тап тығындарға бағышларға булдыҡ. Эс бошороп ултырмаҫ өсөн, машинала нимә эшләргә була? Нисек үҙ-үҙеңдең күңелеңде күрергә?

26.01.2017

Дәүләт думаһында кисә ғаиләлә ҡул күтәреүҙе декриминализация тураһында закон проектын икенсе уҡыуҙа ҡаранылар. Ул ҡабул ителде. Йәғни, көнкүрештә булған һуғыш-талаштар енәйәт кодексынан алынып, административ юҫыҡҡа күсерелә.  Хөрмәтле радиотыңлаусылар, ғаиләлә ҡул күтәргәндәргә һеҙҙең ҡарашығыҙ ниндәй?

25.01.2017

Бөгөн Юлдаштар араһында Ильичтың "Уҡырға, уҡырға һәм уҡырға" тигән һүҙҙәренә тоғроларҙы барлайбыҙ, йәғни иң оҙаҡ студент булған кешеләрҙе эҙләйбеҙ. Һеҙ нисә йыл студент булдығыҙ? Сал сәстәренә тиклем студент билетынан айырылмаған таныштарығыҙ бармы?

24.01.2017

Нимә һуң сынығыу? Физиотерапияның бер алымы. Тәбиғәт факторҙарын файҙаланып организмды нығытыу.

Ә һеҙ сынығаһығыҙмы?

23.01.2017

Бөгөн үҙенсәлекле байрам, халыҡ-ара ҡулдан яҙыу көнө. Ғалимдар әйтеүенсә ҡағыҙға яҙыу кешенең телмәрен үҫтерә, мейе эшмәкәрлеген тиҙләтә, хәтерен яҡшырта. Күптәр инде ҡулға күптән ҡәләм-ҡағыҙ алғандары юҡ. Ә һеҙ үҙегеҙ ҡулдан яҙған хат кемгә булды?

20.01.2017

Ҡалала йәшәүсенең тығында үткәргән ваҡытын иҫәпләгәндәр. Йылына ике тәүлек тирәһе килеп сыға. Иң ауыры, әлбиттә тығында торған ашығыс ярҙам машинаһын күреү. Медиктарҙы юлда үткәрмәгән кешеләр ҡасан аҡылға килә икән? Медиктар, ут һүндереүселәр һәм башҡа ашығыс ярҙам экипаждары башҡа машиналарға төкөргә хоҡуҡлымы?

18.01.2017

Иртән уянған кешенең кәйефе булмай, айыуҙар ҙа беҙгә оҡшаған. Аңра айыуҙар мәле башланды. Башҡортостан йәнлектәргә, айырыуса йыртҡыстарға бай төбәк. Айыу, бүре, һеләүһен. Ә һеҙҙең ҡырағай йыртҡыстар менән осрашҡанығыҙ булдымы?

17.01.2017

Cовет ваҡытында эшләнгән уйынсыҡтар ҡайһы бер ғаиләләрҙә һаман да һаҡлана. Беҙ ҡартайып бөттөк, ә уйынсыҡтарыбыҙ шул көйө. Юлдаштарыбыҙҙың да бала сағы әкиәтле генә түгел, уйынсыҡлы булғандыр. Бала-саҡ уйынсыҡтарығыҙҙы һаҡлайһығыҙмы?

Страницы

ТУРА ЭФИР

Online 128 КБитс/с

105.5 FM

Аудио ағым

Һауа торошо (Өфө)

кис 1..3°C
төндә 0..2°C
иртән 0..2°C
көндөҙ 0..-2°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.